پەداگوگ ءيميدجى
بايانداما
تاقىرىبى: "پەداگوگ ءيميدجى"
قازىرگى زامان پەداگوگتىڭ كاسىبي ءىس - ارەكەتىنىڭ تابىستى بولۋى كوبىنەسە يميدجگە بايلانىستى.
بولاشاقتا مەكتەپ ءمۇعالىمى قانداي بولۋى ءتيىس ەكەنىن ءتۇسىنۋ ءۇشىن، بۇگىنگى كۇنى ورتا ءبىلىم بەرەتىن وقۋ ورىندارىندا جاس ۇرپاقتى وقىتىپ جانە تاربيەلەپ جۇرگەن ءمۇعالىم بەينەسىن قايتا قاراۋىمىز كەرەك.
بۇل ورايدا تىلگە تيەك بولاتىنى، پەداگوگتاردىڭ بىلىكتىلىگىنىڭ تومەندىگى، شاكىرتتەرمەن اراداعى پەداگوگيكالىق ادەپتىلىك نەگىزدەرى
قارىم - قاتىناستاردىڭ قاجىرلىعى جانە ونىڭ بارلىق ۋاقىتتا ساقتالا بەرمەۋى. سوندىقتان، مۇعالىمگە ءتان پەداگوگتىق قارىم - قاتىناس ارەكەتىنىڭ ءمانى مەن مازمۇنىن اشىپ، ۇستازدارعا ونىڭ نەگىزگى ساپالارىن قالىپتاستىرۋىمىز قاجەت سياقتى. سونىمەن XXI عاسىر پەداگوگ يميدجىنە توقتالاتىن بولساق، يميدج – اعىلشىن تىلىنەن اۋدارعاندا «بەينە»، «كەيىپ» دەگەن ماعىنا بەرەدى.
ۇستازداردىڭ اراسىندا اينالاسىنداعىلارعا ءوزى تۋرالى جاقسى اسەر قالدىرۋدى ماڭىزدى سانامايتىندار دا بار. ءتىپتى، كەيبىر پەداگوگتار ءيميدجدىڭ ماڭىزدىلىعىنا سەنبەيدى.
باسقا ماماندىق يەلەرىنە قاراعاندا ءمۇعالىم ماماندىعى ەرەكشە، ول ءاردايىم ۇلكەن اۋديتوريا ىشىندە جانە كوپشىلىك كوز الدىندا.
سونىمەن يميدج – ءسىزدىڭ بويىڭىزداعى تالانتىڭىزدىڭ جارقىراپ اشىلۋى، ءوزىڭىز تۋرالى جاقسى پىكىر قالىپتاستىرۋ جولى. الەمدىك وركەنيەتتىڭ ستاندارتتارىن ۇسىناتىن امەريكاندىق پسيحولوگتاردىڭ پىكىرىنشە، تاماشا تابىس فەنومەنى – ادامنىڭ ءيميدجى مەن ونىڭ كارەراسىمەن تىكەلەي ساباقتاس.
ەگەر ولاي بولماسا، قولدان جاسالعان ءيميدجدىڭ كومەگى تيمەسى انىق. سوندىقتان دا كاسىبي ماماندىعىن
جان - جاقتى مەڭگەرگەن پەداگوگ قانا جوعارى باعالانىپ، ارىپتەستەرى مەن شاكىرتتەرىنىڭ ىستىق ىقىلاسىنا بولەنبەك.
جالپى، ادامداردىڭ 85%- ى بىزبەن تانىسقان العاشقى بەس سەكۋندتا قالدىرعان سىرتقى اسەر بويىنشا باعا بەرەدى دەپ ەسەپتەلىنەدى.
سول سەبەپتى پەداگوگقا ءوزىن كورسەتە ءبىلۋ، ۇناۋ، ءوزى تۋرالى جاقسى پىكىر قالدىرۋدىڭ ماڭىزى زور.
تارتىمدى يميدج:
- اينالاسىنداعى ادامداردىڭ كوڭىلىن اۋلاۋ كەپىلى؛
- كەز كەلگەن جۇمىستا جەتىستىككە جەتۋدىڭ نەگىزگى شارتى.
ەگەر وقۋشىلار ءمۇعالىمنىڭ جەكە تۇلعاسىنا قىزىقپاسا پانگە دەگەن قىزىعۋشىلىعى دا بولمايدى دەگەن بايلامعا كەلۋگە بولادى.
سەبەبى، بالانىڭ ءومىرىنىڭ جارتىسى ولارعا ءبىلىم عانا بەرىپ قويماي، سونىمەن قاتار ولاردى تاربيەلەيتىن جانە جەكە تۇلعا رەتىندە قالىپتاستىراتىن مەكتەپتە وتەدى. الەۋمەتتىك جانە بالالىق شاقتان العان اسەرلەر مەن تاجىريبەلەر ۇلكەن ومىرگە وتۋىنە اسەر ەتەدى. ءمۇعالىمنىڭ جەكە باسى وقۋشىنىڭ جەكە تۇلعا بولىپ قالىپتاسۋىنا كومەكتەسەدى. اقپاراتتىڭ باسىم بولىگىن ءبىز كورۋ ارقىلى الامىز، سوندىقتان دا ءبىزدىڭ تارتىمدى بەينەمىز وتە ماڭىزدى. وعان ۇقىپتىلىق، ىسكەرلىك ستيل، مانەر، ادەپ، كۇلكى جاتادى. ۇستاز ءوزىن قالاي كورەدى جانە ونى وقۋشىلارى قالاي ەلەستەتەدى؟ مەكتەپ اكىمشىلىگى مەن وقۋشىلار سىيلاۋ ءۇشىن جانە ءىس وڭعا باسۋ ءۇشىن نە ىستەۋ كەرەك؟ بار ماسەلە يميدجدە.
يميدج قۇرىلىمى:
- سىرتقى بەينە؛
- ۆەربالدى جانە ۆەربالدى ەمەس قارىم - قاتىناستى پايدالانۋ قۇرالى؛
- ىشكى «مەن» سەزىمىنىڭ كاسىبىنە سايكەستىگى.
سىرتقى ءيميدجدى قۇراۋشىلارعا:
- ميميكا،
- داۋىس كۇشى مەن تەمبرى،
- كوستيۋم،
- قيمىل،
- مانەر.
اينالاڭىزداعى ادامنىڭ ساناسىنداعى ءسىزدىڭ بەينەڭىز تۋرالى كوزقاراس. ول سىزبەن جۇزدەسۋدەن كەيىنگى سىرتقى كەيپىڭىز بەن ءوز - ءوزىڭىزدى ۇستاۋىڭىزدىڭ تاربيەلىك ءمانى مەن سويلەسۋ مانەرىڭىز ارقىلى قالىپتاسپاق. سىرتقى بەينەمىزدىڭ ۇيلەسىمدى اسەر قالدىرۋ ءۇشىن ۆەربالدى جانە ۆەربالدى ەمەس قاتىناس قاجەت:
• مانەرلى سويلەۋ
• كوندىرە ءبىلۋ
• ستيل مەن كيىم ءتۇسىنىڭ پسيحولوگيالىق اسەرىن ءبىلۋ
• تۇرعان تۇرىسقا، ميميكاعا جانە مانەرگە كوڭىل ءبولۋ
• شىدامدىلىق
• كورگىشتىك
قازىرگى قازاق قوعامىندا ۇستاز ماماندىعى ءوزىنىڭ مارتەبەسىن جوعالتىپ وتىر، ونى وزىمىزگە قايتارىپ الۋ كەرەكتىگىنشە كۇمان جوق. ارينە مەملەكەت تاراپىنان قولداۋ كورسەتىلۋ كەرەك.
ءبىراق ۇستازدىڭ ءيميدجدىڭ جانە اتا - انالار مەن وقۋشىلاردىڭ پەداگوگقا دەگەن كوزقاراسىن تەك ەكونوميكالىق فاكتور عانا انىقتاي المايدى عوي. وسىعان وراي پەداگوگتىڭ ءوزى نە ىستەي الدى؟
بۇل سۇراققا جاۋاپ ىزدەيتىن بولساق، وندا بىلاي جاۋاپ بەرەر ەدىك.
پەداگوگتىڭ مارتەبەسى مەن بەدەلى ونىڭ جەكە يميدجىنە بايلانىستى.
جالپى ءيميدجدىڭ قۇرامىنا تومەندە كورسەتىلگەن ەلەمەنتتەردى جاتقىزۋعا بولادى:
- قىزمەتتىك قارىم - قاتىناس ەتيكەتى ( كورپوراتيۆتىك ەرەجەلەردى ۇستانۋ)
- ءۆيزۋالدى بەلگىلەر - بويدىڭ، دەنە ءبىتىمىڭ، شاش ۇلگىسىنىڭ ۇيلەسىمدىلىگى.
- وزىنە سايكەس ءستيلدى انىقتايتىن ەلەمەنتتەر: كيىم، اياق كيىم، اكسەسسۋارلار
- ءتىل تابىسۋ ءبىلۋ قابىلەتى اۋىزشا جانە جازباشا تىلدەسۋ، داۋىس ەرەكشىلىگى.
سونىمەن، پەداگوگتىڭ ءيميدجى مىنانداي قۇرامنان تۇرادى:
جەكە جانە تۇلعالىق قاسيەتتەر
كوممۋنيكاتيۆتىك قاسيەتتەر
كاسىبي ءىس - ارەكەتتىڭ جانە مىنەز - قۇلىقتىڭ ەرەكشەلىكتەرى.
جاڭا قوعام پەداگوگتىڭ يميدجىنە جاڭا تالاپتار قويادى، ءبىراق زاماندار بويى ۇستازدىڭ بويىندا وزگەرمەيتىن مىنانداي قاسيەتتەر بار:
- بالالاردى جاقسى كورۋ
- مەيىرىمدىلىك
- شىنايىلىق
- تىلدەسە الۋ يكەمدىلىگى
You Might Also Like
