پەرنەتاقتادان باس تارتىپ، قالاممەن جازۋدىڭ پايداسى

قولمەن جازۋدىڭ ارتىقشىلىقتارى

بۇل ميىڭىز ءۇشىن پايدالى جاتتىعۋ. قالاممەن جازۋ بالالارعا جازۋ ماشىعىن ۇيرەنۋگە جانە ارىپتەردى ەسكە ساقتاۋعا، يدەيالاردى قۇرۋعا جانە بايلانىس قابىلەتتەرىن جاقسارتۋعا كومەكتەسەدى. بۇل تۋرالى نورۆەگياداعى University of Stavanger ۋنيۆەرسيتەتىنىڭ عالىمدارى Anne Mangen مەن Jean-Luc Velay ايتادى. ولار قولمەن جازۋ پروسەسسى - پەرنەتاقتانى قولدانۋعا قاراعاندا، ميدىڭ كوپ ورىنداردا جۇمىسقا بەلسەندى اسەر ەتەتىنىن دالەلدەگەن.

قالاممەن جازۋ بالالارعا عانا ەمەس، سونىمەن قاتار ەرەسەكتەرگە دە پايدالى. Mangen زەرتتەۋلەرىنىڭ بىرىندە تاجىريبەگە قاتىسۋشى ەكى توپ ادامداردان 20 ارىپتەن تۇراتىن الىپپەنى جاتتاۋدى ۇسىنادى. ءبىرىنشى توپ قالاممەن جازۋدى، ال ەكىنشى توپ پەرنەتاقتامەن جازۋدى تاڭدايدى. ەكى توپتى سىناقتان وتكىزۋدەن كەيىن، التى اپتا وتكەندە، ءبىرىنشى توپتىڭ جاڭا ارىپتەردى جاتتاۋدا ۇزدىك ناتيجە كورسەتكەنى انىقتالعان. ال ەكىنشى توپ ايتارلىقتاي ناتيجەگە قول جەتكىزە الماپتى. وسى تاجىريبەنىڭ قورىتىندىسى بويىنشا، تۇجىرىم جاسالعان: پەرنەتاقتانى قولدانۋعا قاراعاندا قالاممەن جازۋ تيىمدىرەك ءارى پايدالىراق.

قالاممەن جازۋ كەزىندە قانداي پروسەسستەر جۇرەدى؟

قالاممەن جازا باستاعانىمىزدا، ميدىڭ كۇردەلى پروسەسسى جۇرەدى. وسى ساتتە اكتيۆاسيانىڭ رەتتەۋ جۇيەسى (ارج) دەپ اتالاتىن مي بولىگى جۇمىس ىستەي باستايدى، ول بەرىلگەن تاپسىرمانى ورىنداۋعا كومەكتەسەتىن سۇزگىنىڭ فۋنكسياسىن ورىندايدى.

ءبىز قالامدى قالاي ۇستاۋىمىز كەرەك ەكەنىن ءبىلۋىمىز كەرەك؛ قانداي ارىپتەردى قولدانۋىمىز كەرەكتىگىن جانە ولاردى قانداي فورمادا جازۋىمىز كەرەك ەكەنى جايلى ويلاۋىمىز كەرەك؛ ولاردىڭ بىر-بىرىمەن قالايشا ءسوز قۇرايتىنىن ەلەستەتۋىمىز كەرەك. جالپى، قالاممەن جازۋ پروسەسسى - قوزعالۋ جانە كورۋ فۋنكسيالارىن قامتيدى. ءبىز ميدى ءبىلىمدى ماعىنالى وبرازدارعا اينالدىرۋ كەزىندە، جوعارى دەڭگەيدە قولدانامىز. ال، پەرنەتاقتاداعى ەكى باتىرمانى باسۋ مەن ونى ەكراننان كورۋ جانە قابىلداۋ مۇنداي ناتيجە بەرمەيدى، سەبەبى، مۇلدەم باسقا پروسەسس جۇمىس ىستەيدى.

قولمەن ەستەلىك جازبالار جازىپ تۇرۋ وقۋعا كومەكتەسەدى

قالاممەن جازۋ – وقۋ ءۇشىن ءتيىمدى ءادىس (دارىستەردە جازعان كونسپەكتىلەر بارلىعىڭىزدىڭ ەستەرىڭىزدە شىعار). ءبىز ءدارىستى تىڭداۋ كەزىندە، مالىمەتتىڭ 10 پايىزىن عانا ەسكە ساقتايمىز. ال جازۋ بۇل ساندى ايتارلىقتاي وسىرەدى، سەبەبى ، وسى پروسەسس كەزىندە مي مالىمەتتى سۇزگىدەن وتكىزىپ، قۇرىلىمدايدى. بۇگىندە ستۋدەنتتەردىڭ ايتارلىقتاي بولىگى كونسپەكت جازۋ ءۇشىن كومپيۋتەرلەرىن قولدانادى (شامامەن 21 پايىزى)، الايدا «كوللەدجدە قالاي وقۋ كەرەك» كىتابىنىڭ اۆتورى Walter Pauk ساباق بارىسىندا، كومپيۋتەرگە جازىلعان مالىمەتتى قالاممەن قاعازعا ءتۇسىرۋ كەرەك،- دەپ ەسەپتەيدى. ساباق ءوتۋ كەزىندە، مالىمەتتى قالاممەن جازۋدىڭ پايداسى جونىندە، مىنا جەردەگى ينفوگرافيكادان بىلۋگە بولادى.

قالاممەن جازۋ ارقىلى ەستە ساقتاۋ قابىلەتىمىزدى قالاي جاقسارتامىز؟

مالىمەتتى قالاممەن جازۋدىڭ پايداسىن بىلگەننەن كەيىن، ەستە ساقتاۋ قابىلەتىن بلوكنوت پەن قالام ارقىلى جاتتىقتىرۋدىڭ جوسپارىن ءارقايسىمىز دا جازىپ الساق بولادى. ماسەلەن:

بىرنەشە رەت قايتالاۋ. پروسەسستى قايتالاۋ مالىمەتتى تەزىرەك ساقتاۋعا كومەكتەسەدى.

ءجيى جازۋ. ءبىر تاۋلىك ىشىندە قايتا-قايتا جازۋ ارقىلى الۋىڭىز ءتيىس مالىمەتتى 70 پايىزعا كوپ كولەمدە ەسكە ساقتاي الاسىز، ال ءجاي عانا وقىپ قويۋ مالىمەتتىڭ 20 پايىزىن جاتتاۋعا سەپ بولادى.

ونىمدىلىگى ءتيىمدى ۋاقىتتا جاتتىعۋ. مىسالى ەرتە تۇراتىن ادامدار بۇل جاتتىعۋدى تاڭسارىدە جاساۋى كەرەك، ولاردىڭ بۇل كەزدە قۋاتى مول بولادى.

ەستە ساقتاۋ كارتالارىن قولدانۋ، سەبەبى، ولار دەرەكتەردى جاتتاۋعا وتە ءتيىمدى. بولماسا، مالىمەتتى قاعازعا ءتۇسىرىپ ساقتاۋعا بولاتىن وزگە دە قۇرالداردىڭ كومەگىنە جۇگىنىڭىز.

وزىمە كەلەر بولسام، مەن ءاردايىم جازىپ وتىرۋ ارقىلى جاڭا سوزدەردى، شەت تىلدەرىندەگى سويلەمدەردى (ولاردى كوپ ۋاقىتقا جاتتاۋدىڭ وسى جولى عانا قولىمنان كەلەدى) ۇيرەنەمىن، سونىمەن قاتار، وسى ءادىستى قاجەتتى جاڭا مالىمەتپەن جۇمىس كەزىندە قولدانامىن.

دەرەككوز: www.lifehack.org

ال ءسىز قانداي ءادىستى قولداناسىز – قالام مەن داپتەر مە، الدە گادجەتتەر مە؟ قاجەتتى مالىمەتتەردى قانداي ادىستەر ارقىلى ەسكە ساقتايسىز؟