پوەزيا جاناشىرلارى ءبىر ارناعا توعىسقان كۇن
جاقىندا تۇركىستان وبلىستىق قوعامدىق دامۋ باسقارماسىنىڭ "جاستار رەسۋرستىق ورتالىعى" جانە "ساتتار ەرۋبايەۆ اتىنداعى شىعارماشىل جاستاردى قولداۋ قورىنىڭ" باستاماسىمەن "ناۋرىز ايى تۋعاندا" ونلاين كوركەم ءسوز وقۋ بايقاۋى جەڭىمپازدارىنىڭ ماراپاتتاۋ ءراسىمى ءوتتى.
اتالمىش بايقاۋعا جالپى سانى 16 اۋدان، قالادان 50 جاس قاتىستى. ەكى كەزەڭنەن تۇراتىن بايقاۋدىڭ اقتىق كەزەڭىنە 15 قاتىسۋشى ىرىكتەلىپ الىندى. العاشقى كەزەڭدە قاتىسۋشىلار ءسالت-داستۇر، ۇلتتىق يگىلىكتەر تاقىرىبى اياسىندا 1 مينۋتتىق ۆيدەوسىن ارنايى حەشتەگتەر ارقىلى ءوز پاراقشاسىنا جۇكتەدى. ۇزدىك دەپ تانىلعان 15 قاتىسۋشى ەكىنشى كەزەڭگە ءوتتى. بۇل كەزەڭدە قاتىسۋشىلار تاۋەلسىزدىكتىڭ 30 جىلدىق مەرەيتويىنا وراي تاۋەلسىزدىك، ازاتتىق تاقىرىبى اياسىندا جىرلاردى جاتقا وقىپ، بايقاۋ ۇيىمداستىرۋشىلارىنىڭ كورسەتىلگەن نومىرىنە جولداپ، 5-15 ءساۋىر ارالىعىندا @turkistan_jastary جانە @sattar_erubaev_fund پاراقشالارىندا ءوز ۆيدەولارىنا لايك جيناۋ ارقىلى باسەكەگە ءتۇستى.
بايقاۋعا قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ وقىتۋشىسى، فيلولوگيا عىلىمدارىنىڭ كانديداتى، ادەبيەتتانۋشى ادەماۋ تولىسبايەۆا اتالمىش وقۋ ورنىنىڭ دوسەنتى، ۇستاز گۇلجامال تولەگەن قىزى، تۇركىستان وبلىستىق "جاستار رەسۋرستىق ورتالىعى" باسشىسىنىڭ ورىنباسارى، ايتىسكەر اقىن داۋرەن اقساقالوۆ، تۇركىستان قالالىق "ونەر مەكتەبىنىڭ" ديرەكتورى، ايتىسكەر اقىن تۇرار تىلەۋلييەۆ پەن بىرنەشە رەسپۋبليكالىق جىر بايقاۋلارىنىڭ جۇلدەگەرى، اقىن رىسگۇل دوسجانوۆا قاتىسۋشىلاردىڭ ونەرىن سارالاپ، ءادىل قازىلىق ەتتى. ماراپاتتاۋ كەشىنىڭ ەرەكشە تۇسى-شارانىڭ دوڭگەلەك ۇستەل فورماتىندا ءوتۋى. قاتىسۋشىلار مەن كورەرمەندەر ءبىر-بىرىنىڭ ونەرىن، قابىلەتىن باعالاي وتىرىپ ءارتۇرلى كوزقاراستاردى ورتاعا سالدى.
بايقاۋ قورىتىندىسى بويىنشا جۇلدەلى ءبىرىنشى ورىندى تولە بي اۋدانىنىڭ نامىسىن قورعاعان ابىلايحان ايدار ۇلى ەنشىلەسە، كۇمىس تاقتى سارىاعاش اۋدانىنان قاتىسقان التىناي باۋىرجان قىزى يەلەندى. جۇلدەلى ءۇشىنشى ورىن سايرام اۋدانىنىڭ ۇكىلى ءۇمىتىن اقتاعان گۇلناز باحۋتوۆاعا بۇيىردى. سونداي-اق وزگە دە قاتىسۋشىلارعا ورتالىق اتىنان تاۋەلسىزدىكتىڭ 30 جىلدىعىنا ارنالعان كۇرتەشەلەر مەن العىس حاتتار تابىس ەتىلدى.
قاتىسۋشىلاردى جەڭىسىمەن شىن جۇرەكتەن قۇتتىقتايمىز! ادەبيەت الەمىمەن سۋسىنداپ وسكەن جاستاردىڭ ارقاسىندا قازاق پوەزياسىنىڭ گۇلدەنەرى انىق!
التىناي باۋىرجان قىزى
"ۇلان" رەسپۋبليكالىق گازەتىنىڭ ءتىلشىسى
You Might Also Like
-
الماتى اقشامى– كۇندەلىكتى رەسمي قالالىق گازەت.الماتى قالالىق اكىمدىگى مەن قالالىق ءماسليحاتىنىڭ رەسمي باسىلىمى. 1990 جىلدىڭ 17-اقپاننان باستاپ دەربەس گازەت بولىپ شىعا باستادى. گازەتتىڭ العاشقى...
-
«انا تىلىنەن ارتىق قازاق ءۇشىن بۇل دۇنيەدە قىمبات نە بار ەكەن!»
