InfoHub Logo

پسيحولوگيا ادام ءومىرىنىڭ اجىراماس بولىگى. ءار ىستە، كۇندەلىكتى ومىرىمىزدە، كاسىبىمىزدە ءتۇرلى جاعدايلارعا دۋشار بولامىز. ياعني ءتۇرلى تاڭداۋلار جاسايمىز، ماقساتىمىزعا ۇمتىلامىز، ەموسيونالدى تۇراقسىزدىققا تاپ بولامىز، ادامدارمەن قارىم-قاتىناسقا ءتۇسۋ بارىسىندا تۇسىنىسپەۋشىلىكتەرگە كەزىگەمىز. وسىنداي ساتتەر تۋىنداعاندا ءبىز پسيحولوگياعا جۇگىنەمىز.

پسيحولوگيا، ەڭ الدىمەن، ادامنىڭ ءوزىن-وزى جاقسى تۇسىنۋىنە، مىنەز-قۇلقىنا، ەموسيونالدى كۇيىنە، ساناسىنىڭ اشىق بولۋىنا اسەر ەتەدى. ەگەر ادام ءوز قالاۋىن انىق بىلسە، اينالاسىنداعى ادامداردى جاقسى تۇسىنسە، ول تۋىنداعان پروبلەمالاردى سابىرلى تۇردە، اناليز جۇرگىزۋ ارقىلى ەركىن ەشەدى.

مەنىڭ ومىرىمدە پسيحولوگيا نەگىزگى ءرول اتقارادى دەسەم، ارتىق ايتپايمىن، سەبەبى مەنىڭ جاساعان ءار تاڭداۋىم، العا ۇمتىلۋىم، كەزىككەن پروبلەمالارمەن كۇرەسۋىم،قورشاعان ورتانىڭ، اينالامداعى ادامداردىڭ ماعان اسەرىن پسيحولوگيا ارىلى ەڭسەرىپ جاتىرمىن. قاراپايىم مىسالدارمەن قاراستىرايىق،

مەن ماقساتىما جەتۋدە كەدەرگىلەرگە تاپ بولدىم، ونىڭ شەشىمىن بىلمەيمىن. ەگەر مەن ەموسياعا بەرىلىپ، شەشە المايمىن دەپ، شاراسىزدىق تانىتسام، باستاعان ءىسىمدى اياعىنا دەيىن جەتكىزە المايمىن ، ال ەگەر ءوزىمدى سابىرعا شاقىرىپ ، سەزىمىمە ەمەس اقىلىما جۇگىنەر بولسام، مەن قانداي قيىندىق بولماسىن ەڭسەرەر ەدىم.

ادامدار اراسىنداعى قارىم-قاتىناس. ەگەر مەن قاتىناسقا تۇسەتىن ادامنىڭ ەموسيالىق كۇيىن بايقاماسام، مىسالعا، مەن مۇڭايىپ تۇرعان ادامعا ءوز پروبلەمام جايلى ايتا بەرسەم، ول مەنى تىڭداعىسى كەلمەي كەتەدى، سەبەبى ءوزى دە قيىندىقتارعا تاپ بولىپ، مەنى ويلاۋعا مۇرشاسى جوق. وسىنداي جاعدايلاردا ادامدار اراسىندا تۇسىنىسپەۋشىلىك تۋىنداپ، ول كەلەڭسىز جاعدايلارعا الىپ كەلۋى مۇمكىن. بۇنداي جاعدايلاردى بولدىرماس ءۇشىن ادامنىڭ ءوزىن ۇستاۋىنا، سويلەۋىنە ءمان بەرىپ، اناليز جاساۋ ارقىلى ەموسيونالدى كۇيىن انىقتاعاننان كەيىن عانا، بەلگىلى ءبىر ماسەلەلەرگە قاتىستى ءسوز قوزعاۋ كەرەك.

ادامعا فيزيكالىق اسەرگە قاراعاندا مورالدىق اسەر اۋىر تيەدى. سەبەبى ءمورالدى اسەر ادامنىڭ جان دۇنيەسىنە جازىلماستاي اۋىر جارا قالدىرادى، ءتىپتى كەيبىر جاعدايلاردا ءوزىن-وزى ولتىرۋگە، ياعني سۋيسيدكە اكەلىپ سوقتىرادى.

قوعامدا، ەگەر ادام باسقا ادامداردان وزگەشە بولسا نەمەسە وزگە كوزقاراستا ۇستانسا، نەگاتيۆتى ويلارىن ءبىلدىرىپ، تۇلعاعا ءمورالدى تۇردە شابۋىل جاسايدى. بۇنداي جاعدايلارعا ادام پسيحولوگياسى توتەپ بەرە الماسا، سوڭى قايعىلى جاعدايلارمەن اياقتالۋى مۇمكىن. سول سەبەپتى ادام پسيحولوگياسى مىقتى، ءارى بەرىك بولۋى كەرەك.

جۋرناليستيكا ماماندىعى پسيحولوگيامەن تىعىز بايلانىستى. سەبەبى جۋرناليستەر ادامدارمەن تىكەلەي بايلانىستا بولادى، ءتۇرلى سترەسستى سيتۋاسيالارعا تاپ بولادى، ولارعا جان-جاقتى پىكىرلەر، سىني كوزقاراستار ايتىلادى. جۋرناليستكە وسىنداي جاعدايلارعا ءمورالدى تۇرعىدان دايىن بولۋ كەرەك.

مىسالعا، وتباسىندا اناسى ءبىر بالاسىنان ايىرىلىپ قالدى دەلىك، جۋرناليستەر انىق-قانىعىن ءبىلۋ ءۇشىن اناسىنان ءمان-جايدى سۇرايدى. وسىنداي كەزدەردە قايعىرىپ تۇرعان انانى سۇراق استىنا الۋ، جۋرناليستكە قانشالىقتى قيىن بولسا دا، سەزىمىنە ەرىك بەرمەي جۇمىسىن ىستەۋگە مىندەتتى.

ادام اراسىنداعى قارىم-قاتىناس كەزىندە دە جۋرناليستەر پسيحولوگياعا جۇگىنەدى. سۇحباتتاسىپ وتىرعان ادامعا دۇرىس سۇراق قويا الۋ، سيتۋاسيانى اناليزدەۋ سىندى قاسيەتتەردى يگەرە الۋ كەرەك.

بەس ساۋساق بىردەي ەمەس دەگەندەي، ءار ادام ءار ءتۇرلى كوزقاراستا بولادى. جۋرناليستكە سىن-پىكىر ايتىلعاندا وڭ قابىلداپ، ەموسيانالدىق كۇيىن باسقارا الۋ كەرەك.

قورىتا ايتقاندا، قانداي سالا بولسىن، قانداي ماماندىق بولسىن پسيحولوگياعا جۇگىنەدى. پسيحولوگيانى يگەرۋ ارقىلى ءومىرىمىز ءبىرشاما جەڭىلدەيدى.

---