پسيحولوگيالىق بىلىمدەردىڭ ادام ومىرىندەگى ماڭىزدىلىعى
قۇمارعالي ديلناز
پسيحولوگيا قازىرگى كۇندە ماڭىزىدى ءرول اتقاراتىن عىلىم سالاسىنا اينالىپ وتىر. ول فيلوسوفيادان بولىنگەننەن بەرى تالاي دامۋ كەزەڭدەردەن ءوتتى، ياعني كۇردەلى جۇيەگە اينالدى. پسيحولوگيانىڭ ادام ومىرىندەگى ماڭىزى بارشىلىق. سەبەبى تۇلعانىڭ دامۋىندا قانداي دا وزگەشەلىكتەر بولاتىن بولسا، ونى جوندەۋگە پسيحولوگيالىق نورمالاردىڭ قاجەتى بولادى. جالپى ءبىز مەكتەپ تابالدىرىعىن اتتاعاندا، پسيحولوگتىڭ قابىلداۋىنان وتەدى ەكەنبىز. نەلىكتەن؟ پسيحولوگ بەلگىلى ءبىر نەگىزدەگى تەست سۇراقتارى ارقىلى ءبىزدىڭ نورماعا سايكەستىگىمىزدى تەكسەرەدى. ياعني قوعامدىق ورتادا قالاي ءومىر ءسۇرۋ كەرەكتىگىن قانشالىقتى ءبىلىتىنىمىزدى، جاڭا ورتاعا ءسىڭىسىپ كەتۋ قابىلەتىمىزدى تەكسەرەدى. مىنە پسيحولوگيانىڭ ادام ومىرىندەگى بىردەن-بىر ماڭىزى وسى. . ادام تۇسىنىگى كوپ جوسپارلى. ادام قوعامدا ءومىر سۇرەدى. ال ادام بوس ءومىر ءسۇرۋى ەشبىر مۇمكىن ەمەس. ونىڭ ءتانى دە جانى دا اينالاسىنداعىلارمەن قارىم قاتىناس جاساۋ ۇستىندە تەك الەۋمەنتتىك اسەر جاعدايىندا عانا كىسىلىك مانگە يە بولادى. ادامنىڭ ساناسىنىڭ دامىپ، ءوسۋى تىكەلەي ءوزىنىڭ ءومىر ءسۇرىپ وتىرعان ورتاسىنا بايلانىستى. سوندىقتان ادام پسيحولوگياسىن دۇرىس ۇعىنۋ ءۇشىن: الەۋمەنتتىك جاعدايىن ءبىلۋ كەرەك؛ ونىڭ قانداي ورتانىڭ وكىلى ەكەنىن ايىرۋ؛ ونىڭ كوزقاراسى مەن نانىم- سەنىمىن باعىت- باعدارىن ءبىلىمى مەن تاجىريبەسىنە يكەم بيىمدىلىگىن انىقتاۋ كەرەك. مىنە، تەك وسى ايتىلعانداردان كەيىن عانا، ناقتى مالىمەتتەردەن سوڭ سول ادام تۋرالى پىكىر بىلدىرۋگە مۇمكىندىك تۋادى. پسيحولوگيا ادامنىڭ دارالىق سيپاتتارىن قاراستىرىپ، ونىڭ كىسىلىك قاسيەتتەرىن ورىستەتۋدى ماقسات تۇتادى. پسيحولوگيا — جەكە تۇلعانىڭ رۋحاني بولمىسى. دالىرەك ايتساق ىشكى جان دۇنيەسى مىنەز-قۇلقى، ءتۇرلى سەزىمدەرى، نيەتى، اقىل-ويى، قۇندىلىقتارى. قاي ۋاقىتتا بولماسىن پسيحولوگيا ادام ومىرىندە ماڭىزدى ءرول اتقارادى. پسيحولوگيانىڭ پايداسى ادامنىڭ دۇنيەتانىمىن قالىپتاستىرۋعا، ادامدارمەن جاقسى قارىم-قاتىناستا بولۋعا كومەكتەسەدى. قازىرگى تاڭدا بىلىكتى پسيحولوگيا ماماندارى مەن ءوزىنىڭ ومىرىنە بەيجاي قارامايتىن، پسيحولوگيا ىلىمىنە جۇگىنەتىندەردىڭ قاتارى كوبەيىپ كەلەدى.
You Might Also Like
