InfoHub Logo

ءال-فارابي اتىنداعى قازاق ۇلتتىق ۋنيۆەرسيتەتى – ەلىمىزدەگى جەتەكشى ۇلتتىق ۋنيۆەرسيتەتتەرىنىڭ ءبىرى دە بىرەگەيى. بۇگىندە 84 جىلدىق تاريحى بار ۋنيۆەرسيتەت نەگىزى 1934 جىلدىڭ 15 قاڭتار ايىندا قالاندى. حالقىمىزدىڭ «ەلۋ جىلدا ەل جاڭا» دەگەن كەرەمەت ماقالى قازۇۋ-دىڭ كەشەگى مەن بۇگىنگى ءومىرىنىڭ، جەتىستىكتەرىنىڭ ايعاعى. زىمىراپ وتكەن ۋاقىتتىڭ ىرقىنا باعىنباي، سول داۋىردەگى ابىرويىنا داق تۇسىرمەي، كەرىسىنشە كۇن ساناپ دامىپ كەلە جاتقان قازۇۋ بۇگىنگى كۇندە الەمدىك ۋنيۆەرسيتەتتەردىڭ قاتارىندا. ۋنيۆەرسيتەت بۇگىندە جان-جاقتى دامۋ پروسەسىن باسىنان وتكىزىپ جاتىر. ولاي دەيتىن سەبەبىمىز، كۇن ساناپ بۇل ۋنيۆەرسيتەتتە وزگەرىستەر مەن جاڭارتۋلار ورىن الىپ، جاڭا قۇرىلىس نىساندارى پايدا بولۋدا. ونداعى ءبىلىم پروسەسى دە جاڭارتۋلار مەن دامۋ ۇستىندە. ارينە، مۇنىڭ ءبارى ستۋدەنتتەردىڭ يگىلىگىنە قىزمەت ەتۋگە باعىتتالۋدا. ماسەلەن، رەكتور عالىمقايىر مۇتان ۇلى مۇتانوۆتىڭ باستاماسىمەن جۇزەگە اسىپ كەلە جاتقان «اينالاڭدى نۇرلاندىر»، «ءجۇز كىتاپ»، «Green campus»، «ءتانى ساۋدىڭ – جانى ساۋ» جوبالارى ستۋدەنتتەردىڭ  بىلىمگە دەگەن قۇلشىنىسىن ارتتىرىپ، ولاردىڭ تاربيەسىنە يگى اسەرىن تيگىزەرى انىق. ۋنيۆەرسيتەتتە 14 فاكۋلتەت بولسا، سولاردىڭ بارلىعى دا ءبىر كىسىدەي جۇمىلىپ، وسى يگى ءىس-شارالارعا ات سالىسۋدا. 

بۇگىنگى تاڭدا قازۇۋ قازاقستاننىڭ جانە تمد-نىڭ جوعارى وقۋ ورىندارىنىڭ اراسىندا عانا ەمەس، سونىمەن قاتار حالىقارالىق رەيتينگتە دە جەتەكشى ورىنعا يە بولدى. مىسالى، GreatValueColleges اتاقتى حالىقارالىق ۇيىمىنىڭ رەيتينگى بويىنشا قازۇۋ الەمدەگى ەڭ وزىق 50 تەحنولوگيالىق  ۋنيۆەرسيتەتتەردىڭ ءبىرى بولىپ 31-ورىندى يەلەنىپ، رەيتينگ بويىنشا تەك تمد ەلدەرىنىڭ عانا ەمەس، سونداي-اق شىعىس جانە ورتالىق ەۋروپا ەلدەرىنىڭ جالعىز وكىلى بولىپ تابىلدى. وعان قوسا، وتكەن جىلعى حالىقارالىق رەيتينگ بويىنشا تاعى ءبىر ساتىعا كوتەرىلىپ، ورتالىق ازيا ايما­عى مەن قازاقستان جوعارى وقۋ ورىن­دارى اراسىندا العاشقى بولىپ الەمنىڭ 250 ۇزدىك ۋني­ۆەرسيتەتى قاتارىنا ەندى.

ۇلى­بريتانيانىڭ بەدەلدى رەيتينگتىك اگەنتتىگى­ World University Rankings QS زەرتتەۋ قورىتىندىلارى بويىنشا، ءال-فا­رابي اتىنداعى قازاق ۇلتتىق ۋنيۆەر­سيتەتى 220-ورىننان كورىنىپ، الەمنىڭ 800 ۇزدىك ۋنيۆەرسيتەتى قاتارىندا 236-ورىنعا يە بولدى. تاعى ءبىر ايتا كەتەرلىك ءجايت، بۇل توپقا تمد ەلدەرىنەن ەكى جوو – لومونوسوۆ اتىنداعى ممۋ مەن ءال-فارابي اتىنداعى قازۇۋ عانا كىردى. وسىلايشا، جەتەكشى قازاقستاندىق ۋني­ۆەرسيتەت ورتالىق ازيا مەن تمد-داعى تەڭدەسسىز كوشباسشىلىعىن تاعى دا ءدا­لەلدەدى.

سونىمەن قاتار قازۇۋ مەملەكەتتىك ءبىلىم بەرۋ تاپسىرىستارىنىڭ (وقىتۋعا ارنالعان گرانتتار) سانى بويىنشا كوشباسشى ەكەنىن اتاپ وتكەن ءجون. ۋنيۆەرسيتەتتەگى مەملەكەتتىك ءبىلىم بەرۋ گرانتتارىنا قوسىمشا جىل سايىن رەكتور گرانتتارى دا بەرىلەدى. سونداي-اق، قازۇۋ-دا اقىلى وقىتۋ ءۇشىن جەڭىلدىك پەن جەڭىلدىكتەردىڭ يكەمدى جۇيەلەرى بار.

وسىنداي مول جەتىستىكتەر مەن ءىس-شارالاردى وتكىزۋ ۋنيۆەرسيتەتتىڭ ۇدەمەلى دامۋىنىڭ جاڭا بەلەسى، جاڭا جەتىستىكتەرگە جەتۋدىڭ مىقتى قوزعاۋشى كۇشى بولماق. ءال-فارابي اتىنداعى قازۇۋ ۇجىمى ەلباسىنىڭ «قازاقستان-2050» ستراتەگياسى العا قويىپ وتىرعان جاڭا مىندەتتەردى بار كۇش-جىگەرىمەن ورىنداپ، قازاقستاندى الەمنىڭ ەڭ دامىعان 30 ەلى قاتارىنا قوسۋعا ءوز ۇلەستەرىن قوساتىنى انىق. قازاق ۇلتتىق ۋنيۆەرسيتەتىنىڭ ساپالى ءبىلىم الۋعا جانە ءوز سالاسىندا كاسىپقوي بولۋعا جوعارى دەڭگەيدە مۇمكىندىك بەرەتىن ءبىلىم ورداسى ەكەندىگىگىن تولىق سەنىممەن ايتۋعا بولادى.

فيلوسوفيا عىلىمدارىنىڭ  دوكتورى، پروفەسسور گابيتوۆ ت.ح.
ءال-فارابي اتىنداعى قازۇۋ،  «مادەنيەتتانۋ» ماماندىعىنىڭ  ماگيسترانتى جەكسەمبى ءا.ا.

---