InfoHub Logo

جامبىل وبلىسى
مەركى اۋدانى
№17 ي.ي.ترۋبيسىن اتىنداعى ورتا مەكتەپ-گيمنازياسىنىڭ
9 "ءا" سىنىپ وقۋشىسى
قادىرقۇلوۆا جانەليا ەربول قىزى

 

تاۋەلسىز قازاق ەلىنىڭ جەرى كەڭ ەكەنى بارىمىزگە ءمالىم. وسىنداي بايتاق جەردىڭ ءار مەكەنىنىڭ توپىراعى كيەلى. سولاردىڭ ءبىرى قازاق حالقى ءۇشىن قاسيەتتى بولىپ سانالاتىن قاراساز اۋىلى. قاسيەتتى قاراساز اتالۋ سەبەبى بۇل جەردە اقيىق اقىن، قازاق ادەبيەتىنىڭ ءور تۇلعاسى مۇقاعالي ماقاتايەۆتىڭ كىندىك قانى تامعان جەر.

مۇقاعالي ماقاتايەۆتىڭ تۋىپ-وسكەن جەرىن ءوز كوزىڭمەن كورىپ قايتۋ كەز-كەلگەن ادامعا بەرىلە بەرمەيتىن مۇمكىندىك. سول سەبەپتى مەن ءۇشىن قاراساز اۋىلىنا بارۋ ۇلكەن ءبىر باقىت دەسەم ارتىق بولماس. قازاق حالقىنىڭ ۇلى تۇلعاسىن كوزى ءتىرى كەزىندە ەلەمەگەنىمەن، قازىرگى ۋاقىتتا قازاق ادەبيەتىندە الار ورنى ءبىر بولەك. پوەزيا الەمىنە جۇرەگى جاقىن مەن سەكىلدى وسكەلەڭ ۇرپاق ءۇشىن اقىننىڭ ءاربىر ولەڭى ەرەكشە ىقپال ەتەتىنىنە كۇمانىم جوق. شىنايى پوەزيا وكىلىنىڭ وقۋلارى ءاربىر جىل سايىن ۇلكەن كولەمدە وتكىزىلىپ تۇرادى. سونداي بايقاۋلاردىڭ ءبىرىن رەسپۋبليكالىق كولەمدە «عۇمىرداريا» بالالار پروديۋسەرلىك ورتالىعى ۇيىمداستىرىپ، جاس ۇرپاققا ءوز ونەرلەرىن كورسەتۋى ءۇشىن مۇمكىندىك جاساۋدا.

بارىمىزگە بەلگىلى بيىل اقىننىڭ 85 جىلدىق مەرەي تويى اتالىپ وتىلۋدە. سوعان وراي ۇيىمداستىرىلىپ وتىرعان ءىس-شارالار سانى وتە كوپ. سولاردىڭ ءبىرى «جىرلايدى جۇرەك» اتتى رەسپۋبليكالىق ءان-جىر فەستيۆالى. بۇل فەستيۆالدە ءوز ونەرىمدى كورسەتۋ مارتەبەسى ماعاندا بۇيىرعان ەكەن. فەستيۆال جيىرما ەكىنشى ماۋسىم مەن جيىرما بەسىنشى ماۋسىم ارالىعىندا ءوتتى. فەستيۆالگە ەلىمىزدىڭ تۇكپىر-تۇكپىرىنەن ەڭ مىقتى جاس تالانتتار جينالدى. فەستيۆال بىرنەشە كەزەڭنەن تۇرعان ەدى. ولار: مۋزەيگە ساياحات، اۋىلدىڭ سىيى، جاس تالانتتار كونسەرتى، تابيعات اياسىنا سەرۋەن جاساۋ.

مۋزەيگە ساياحات كەزەڭىندە ءبىز قاراساز اۋىلىنداعى ادەبي-مەموريالدى مۋزەيىنە شولۋ جاسادىق. ءبىر ەرەكشەلىگى مۇزەيدى ولەڭمەن بىرگە تانىستىرىپ شىقتى. جانە تانىستىرعان مەن قاتارلى مەكتەپ وقۋشىلارى. مۋزەيدەگى ءاربىر زاتتىڭ وزىندىك ەرەكشەلىگى مەن ماعىناسى زور.

اۋىلدىڭ تالانتتارى ءوز ونەرلەرىن بىزگە كورسەتىپ ۇلكەن ءبىر سىي جاساعان دا بولاتىن. قاراسازدا ەڭبەكتەگەن بالادان، ۇلكەن قاريا اتا-اجەلەرىمىزگە دەيىن ولەڭىن بىلەتىنى، سونىمەن قاتار وتە ونەرلى بولعانىنا مەن شىن مىنىندە ءتانتى بولدىم. ولاردىڭ ونەرلەرى تاپ ءبىر بىلىكتى ونەر يەلەرىنەن ارتىق بولماسا كەم بولماس.

اۋىل تۇرعىندارى ءۇشىن جاس جۇلدىزداردىڭ ونەرلەرىن پاش ەتۋى ەكى كەزەڭنەن تۇردى. ءبىزدىڭ ونەرلەرىمىز ولاردىڭ كوڭىلدەرىنەن شىققانىنا ەش كۇمانىم جوق.

قاراساز جەرىنىڭ كوزدى باۋراپ الار اسەم تابيعاتىنا قاراپ–اق بۇل جەردەن ونەر يەسى شىقپاۋى مۇمكىن ەمەس ەكەنىن ءتۇسىندىم. ءتورت كۇننىڭ ىشىندە شابىتىما شابىت قوسىلىپ، اسەرىم ولەڭ بولىپ ورىلە باستادى. سول سەبەپتى بۇل جەر مەن ءۇشىن دە وتە ەرەكشە مەكەندەردىڭ ءبىرى.

اسپانداعى مامىق اق بۇلتپەن شەكتەلگەن زاڭعار تاۋلارى، قۇلپىرعان گۇلدەرى، قاۋلاپ وسكەن ءشوپ شالعىنى اۋىلدى اسەمدەپ تۇرادى. سونىمەن قاتار اۋىل تۇرعىندارىن ەسكەرمەي كەتۋ مۇمكىن ەمەس. ولار ءبىزدى اۋىلعا كەلگەننەن-اق جىلى جۇزبەن قارسى الدى. تۇرعىنداردىڭ قوناقجاي ەكەنىنە انىق كوزىم جەتتى.

قاسيەتتى قاراساز جەرىنەن العان اسەرىم وسىلايشا وزدىگىنەن-اق تەرىلە باستادى. قانشا الىس كەتسەمدە العان اسەرىم ءالى دە كوز الدىمنان كەتەر ەمەس. مەنىڭ ويىمشا قازاقتىڭ ءاربىر ادامى سول جەرگە ءبىر رەت بولسىن بارۋى ءتيىس. ول جەرگە بارعان ءاربىر ادام ءۇشىن تەك جاقسى ناتيجە بەرەتىنى ايدان-انىق. كەرەمەت جەردەن، كەرەمەت اسەر الىپ كەلۋ مۇمكىندىگىن بەرگەن پروديۋسەر ب.ەسىركەپوۆ پەن جوبا اۆتورى ا.توقتاربەكقىزىنا ايتار العىسىم شەكسىز.                                       

---