InfoHub Logo

قازاقتا ءبىرىنشى بالانى اتا-اجەسىنىڭ قولىنا بەرىپ تاربيەلەۋ، بۇرىننان كەلە جاتقان سالت. بۇل سالتتى ءقازىر بىرەۋ بۇرىس دەسە ەكىنشىسى دۇرىس دەپ جاتادى. اتا اجەسىنىڭ قولىندا وسكەن بالا ولاردى اتا اناسىنداي كورىپ، قۇرمەتتەيتىن بولادى. بالا جاستايىنان، ءومىر كورگەن ادامداردىڭ قولىندا وسكەن سوڭ، ويى دا ءتۇزۋ بولماق. كوپ قازاق بالالارى اۋىلدا، اتالارى مەن اجەلەرىنىڭ قولىندا تاربيە كورگەننەن كەيىن ولاردى قۇرمەتتەۋدى، پارىز رەتىندە كورەمىز. ال وسكەن سوڭ قالاعا كەلىپ ءبىلىم الىپ، دامۋعا تالپىنۋعا تىرىسۋ ءۇشىن ولاردى قالدىرىپ كەتىپ جاتامىز. سول سەبەپتى كوپ قارتتار وزدەرى جالعىز قالادى. كوپ جاعدايدا ولاردى بالاسى دا، نەمەرەسى دە ۇمىتىپ، كورىسپەي كەتەدى. بۇل ولار ءۇشىن وتە اۋىر سوققى. ولاردىڭ جاستارى ۇلكەن بولعان سوڭ، اۋىرىپ ءبىر زەينەتاقى عا ءومىر سۇرەدى. قازاقستانداعى ايەلدەر زەينەتكەرلىككە 58 جاستان، ال ەرلەر 60 جاستان باستاپ شىعادى. وعان دەيىن ولار جۇمىس ىستەپ، ءوز ناندارىن تابۋىنا تۋرا كەلەدى. زەينەتاقى دارىگە، ازىق تۇلىككە جانە ۇيگە تولەۋ ءۇشىن ءتىپتى جەتپەي جاتادى. سول سەبەپتى دالادا قىسى، جازى دەمالماي گۇل، كيىم، كوكونىس ساتىپ اقشا تاۋىپ وتىراتىن قارتتاردى ءجيى كورەمىز. بۇل قوعامنىڭ دۇرىس جۇمىس ىستەمەيتىنىن دالەلدەيدى. قازاقستاندا 67 دەن كوپ قارتتار ءۇيى بار، جانە ول جەردە 12 مىڭنان استام قارتتار ءومىر سۇرەدى. ءبۇل كورسەتكىش جىل سايىن كوبەيىپ جاتىر. ول كىسىلەردە امال جوق. بۇنىڭ ءبارىن وزگەرتۋ ءۇشىن، ءبىز ءبىر مەملەكەت بولىپ ۇلكەن جۇمىس جاساۋىمىز كەرەك. مىسالى ەڭ تومەنگى زەينەتاقى 100-150 مىڭ اراسىندا بولىپ، بالالارعا قارتتاردى قۇرمەتتەۋدى 1 سىنىپتان باستاپ ۇيرەتىپ، قارتتارعا كومەك دەيتىن ۇيىمدار كوبىرەك اشىلىپ، ءومىر ءسۇرۋ جاعدايىن جاساپ بەرسەك، ول كىسىلەرگە دە ءبىزدىڭ ەلدە تۇرۋ باقىت بولار ەدى. بۇل ماسەلەگە كوبىسى ءمان بەرميىنشە، ءقازىر بولىپ جاتقان جاعداي جالعاسا بەرمەك. »ۇلكەنگە قۇرمەت، كىشىگە ىزەت» دەمەكشى، ءبىز ول كىسىلەرگە بارشا قۇمەتىمىزدى كورسەتىپ، جاعداي جاساپ بەرۋىمىز كەرەك. سەبەبى ولار ءبىزدى وسى دارەجەگە جەتۋىمىزگە كومەكتەستى. ءبىزدىڭ جاستار دەپ ماقتانا الاتىنداي، ەل بولۋىمىز بولاشاققا ماڭىزدى.

زەكەن ايدانا

---