قارتتارىمىزعا ءتيىستى قۇرمەت كورسەتىلسىن
قارت ادامدار — كەز كەلگەن قوعامنىڭ نەگىزى. سوندىقتان، ءاربىر ەلدە قارت ادامدارعا قۇرمەت كورسەتىلۋى كەرەك. ءبىراق بۇل ناقتى كورسەتكىش ەمەس. قارت ادامدارعا بارلىق ەلدەردە قۇرمەت كورسەتىلمەي جاتادى. ءتيىستى قۇرمەت پەن كوڭىل بولىنبەۋدىڭ كوپتەگەن سەبەپتەرى بار. ءبىراق باستى سەبەبى — ادامداردىڭ مانساپ قۋۋشىلىعى.
بۇگىندە جاس ۇرپاق مانساپقا باعدارلانعان. بۇل ادامدار وزدەرىنىڭ جۇمىسىنا، وقۋىنا جانە بيزنەسىنە تىعىز بايلانىستى بولعاندىقتان، قارتتارىمىزعا كوبىرەك ۋاقىت جۇمسامايتىندىعىن بىلدىرەدى. كوپتەگەن ادامدار باسقا قالاعا جانە ەلگە جۇمىسقا بارۋعا ءماجبۇر بولادى. سوندىقتان وسى ۇرپاق ءۇشىن ەڭبەك تەپە-تەڭدىگى جەتكىلىكسىز. ەكىنشى جاعىنان، بۇل جاعدايلاردىڭ كەسىرىنەن جاستار وزدەرىنىڭ مادەنيەتىن جوعالتادى، ولار قارت ادامداردى ەسكەرمەيدى.
بۇل ەكى ۇرپاق اراسىنداعى ءوزارا بايلانىس وتە از. وسى ۇرپاكتار اراسىنداعى ايىرماشىلىقتان جاستار:''قارت ادامدار قازىرگى زامانعى ويلاردى تۇسىنبەيدى''-دەپ ويلايدى. ناتيجەسىندە، سۇيىسپەنشىلىك سەزىمى جوعالىپ، جاستار قارت ادامدارعا سىيلاستىق تانىتپايدى.
ارينە، قوعام ءبىزدىڭ قارت ادامدارعا نەمقۇرايلىلىقپەن قاراعانىمىزعا بايلانىستى كوپتەگەن قيىندىقتارعا تاپ بولادى. ەڭ الدىمەن، قۇرمەتسىزدىكتىڭ جانە كوڭىل بولىنبەۋدىڭ كەسىرىنەن كوپتەگەن قارت ادامدار قارتتار ۇيىندە كۇندەرىن ساناپ وتكىزەدى. سولاي وتباسى اراسىنداعى بايلانىس جوعالادى. ەكىنشىدەن، ءبىزدىڭ كەلەسى ۇرپاقتارىمىز ءوز اتا-اجەلەرىنىڭ ماحاببات پەن مەيىرىمىنە يە بولمايدى. كەيىننەن ءبىز مادەنيەت پەن ادەت-عۇرىپتاردى جوعالتىپ الامىز. مىسالى، مەن اتا-اجەممەن كوپ ۋاقىتىمدى وتكىزدىم، ولار ءبىزدىڭ مادەني قۇندىلىقتارىمىز بەن ادەت-عۇرىپتارىمىز تۋرالى تۇسىنىك بەردى. ءبىزدىڭ بولاشاق ۇرپاقتارىمىز ءوز اتا-اجەلەرىمەن بىرگە ۋاقىت وتكىزە المايدى. سوندىقتان ولار باعالى ساتتەردى قۇربان ەتەدى.
قورىتىندىلاي كەلە، ءاربىر وتباسىندا وتباسىنىڭ ۇلكەن مۇشەلەرىن، ولاردىڭ بىزگە بەرگەن تۇسىنىگى مەن ءسوزسىز قولداۋىنىڭ ارقاسىندا قۇرمەتتەيمىز. سول سياقتى، ءبىز ۇلتتىڭ دامۋىنا قوسقان ەلەۋلى ۇلەسى ءۇشىن ەلىمىزدىڭ قارتتارىن قۇرمەتتەۋىمىز كەرەك. سوندىقتان قوعامىمىزدىڭ قارتتارىنا كوڭىل ءبولۋىمىز قاجەت. ەكىنشى جاعىنان، ءبىز جاستارىمىزعا اتا-اجەلەرىمەن باقىتتى ساتتەردى وتكىزۋگە كەڭەس بەرەر ەدىك.
ساعىنعالييەۆا اسەم
جۋرناليستيكا ماماندىعىنىڭ 3 كۋرس ستۋدەنتى
You Might Also Like
-
ءبىر ماجىلىستە ءبىرجاننىڭ «جانبوتا» ءانى شىرقالىپ ايتىلعان ەدى، ىشىندە ىبىراي مەن سۇراعان انشىلەر بار ەدى.
-
بۇگىنگى جاستاردىڭ كوزقاراسىن قالىپتاستىرۋ ءۇشىن جاھاندىق ب ا ق الەۋەتى ايتارلىقتاي. دەگەنمەن، كەيبىر كوممەنتاتورلار ورتا ءبىلىم بەرۋدەگى بۇقارالىق اقپارات قۇرالدارىنا ورىن جوق دەپ سانايدى، ال باسقا سار...
