قايىپالدىعا ايتقانى
قايىپالدى بىردە ابىلعا كەزدەسىپ:
- مەن تۋرالى سىرتىمنان ءسوز ايتاتىن كورىنەسىڭ، كوزىمشە ايت – دەپتى.
سوندا ابىل تايسالماستان بالاي دەيدى:
قىزىل ءتىل جيرەنشەدەي ءتىلىم تاقسىر،
قىزىل ءتىل – ونەر الدى، ءبىلىم، تاقسىر.
بايماعامبەت وزىڭنەن ارتتى دەسە،
ۇستايدى سوندا سەنىڭ جىنىڭ، تاقسىر.
قولداعان سول سۇلتاندى گۋبەرناتور،
وزگەدەن ارتىق پا ەدى ءدىنىڭ، تاقسىر.
حيۋانىڭ قونىشىنا كىرىپ كەتتىڭ،
ءبىر ۋىس بولماسا يگى ەد كۇنىڭ، تاقسىر؟!
قايىپالدى مەنى تىلدەدىڭ دەپ، حيۋا ۇكىمەتىنىڭ سالعان سالىعىنا قوسا اداي رۋىنا 60 اتان ايىپ تارتقىزامىن دەپتى. سەبەبى حيۋا ۇكىمەتىنىڭ سالىق جيناۋشى اكىمدەرىنىڭ ءبىرى قايىپالدى بولعان. حالىق ونى حان دەپ ۇققان. ابىل الپىس ۇيدەن الپىس ادام ەرتىپ، قايىپالدىعا قايتا بارىپتى. ءوزى بىلاي دەپتى:
زاماناقايىم بولار جەر زىڭىرانسا،
تاۋ قۇلاپ، تاس قاڭباقتاي جۇمالاسا.
الدىڭا الپىس اداي كەلىپ تۇرمىز،
كەلە مە حاننان قورقىپ، قورعالاسا؟!
ارعى اتاڭ – حان نۇرالى، اكەڭ – ەسىم،
كەتىردىڭ بۇيقىت ەلدىڭ بەرەكەسىن.
قۇلانداي قىردا وسكەن اداي ەدىك،
ادايعا سالىق دەگەن سالدىڭ كەسىم.
ادايدىڭ سالىق سالدىڭ مويىنىنا.
شىداماي اداي سەنىڭ ويىنىڭا،
الپىسى ادۋىندى اتقا ءمىنىپ،
جارماستى جاراقتانىپ سويىلىنا.
وۋ، تاقسىر، تۋرا قاراپ، دۇرىسىڭدى ايت،
ابىلعا الپىس اتان سالدىم دەگەن
ءازىلىڭ انەۋكۇنگى قويىلدى ما؟
جاسانىپ كەلگەن جىگىتتەردى كورىپ، ابىلدىڭ سوزىنەن سەسكەنىپ، قايىپالدى:
- ادايمەن ازىلدەسەر ءجايىم بار ەدى، جورتا ايتىپ ەدىم، - دەپ قۇتىلىپتى.
You Might Also Like
