قايىرىمدىلىق — اسىل قاسيەت
قايىرىمدىلىق جاساساڭ،
قايىرىن ءوزىڭ كورەسىڭ، — دەيدى قازاق xالقى. قايىرىمدىلىق-ادامزات بويىنداعى ەرەكشە ءبىر قاسيەت بولىپ سانالادى. قايىرىمدىلىق ىزگىلىكتىڭ، ادامنىڭ ادامعا دەگەن تازا نيەتىن، ادامگەرشىلىك قارىم-قاتىناسىن كورسەتەتىن ادامداردىڭ بىر-بىرىنە دەگەن سۇيىسپەنشىلىگى مەن كومەگى.
قازىرگى تاڭدا ەلىمىزدە ءتۇرلى ءىس-شارالار مەن اكسيالار، قايىرىمدىلىق قورلارى ارقىلى قول ۇشىن سوزاتىن ىزگى جاندار كوبەيىپ كەلەدى. قايىرىمدىلىق جاساۋعا مەملەكەت تاراپىنان دا كوپ كوڭىل ءبولىنىپ وتىر. جاقسىلىق جاسايتىن جاندار ءارقاشان جانە اركەزدە تابىلادى. وسى ورايدا ءال-فارابي اتىنداعى قازاق ۇلتتىق ۋنيۆەرسيتەتىنىڭ "كومەك" قوعامدىق قورىنىڭ ەرىكتىلەرى جاقسىلىق جاساۋدان ەش ايانباعان. قازىرگى كەزدە ءاربىر ادام جىلى سوزگە، مەيىرىمگە مۇقتاج، وزگەلەردىڭ كومەگىنە ءزارۋ. سوندىقتان دا "كومەك" قوعامدىق قورىنىڭ ەرىكتىلەرى بالالار ۇيىمەن بارىنشا بايلانىس جاساۋدى ۇيعارعان. ءار جۇما سايىن ۋنيۆەرسيتەتتىڭ جۇرەكتەرى مەيىرىمگە تولى ستۋدەنتتەرى بالالار ۇيىنە بارىپ، ءتۇرلى تاقىرىپتا اڭگىمەلەر، قوسىمشا ساباقتار، كونسەرتتەر وتكىزەدى.
ءال-فارابي اتىنداعى قازاق ۇلتتىق ۋنيۆەرسيتەتى — قازاقستاننىڭ جەتەكشى كلاسسيكالىق ۋنيۆەرسيتەتى مارتەبەسىنە يە قازاقستان ءبىلىمى مەن عىلىمىنىڭ ءىرى ورتالىعى، جوعارى كاسىبي، جوعارى وقۋ ورنىنان كەيىنگى ءبىلىم مەن عىلىمنىڭ يننوۆاسيالىق دامۋىنىڭ ۇلتتىق كوشباسشىسى. ۋنيۆەرسيتەت ۇجىمى ستۋدەنتتەرگە ساپالى ءبىلىم بەرۋمەن قاتار، ولاردىڭ تۇلعا رەتىندە قالىپتاسۋىنا زور ءمان بەرەدى. ال وسىنداي كوشباسى ستۋدەنتتەردىڭ قالاي ءبىلىم الاتىنىن، قوعامدىق جۇمىسقا قالاي ارالاساتىنىن كوزبەن كورگەن بالالار ءۇيىنىڭ جەتكىنشەكتەرى كەلەشەكتە ەل قامىن كۇيتتەيتىن، قايىرىمدى بولۋعا بارىنشا تىرىساتىن ۇلاعاتتى ۇرپاق بولىپ ەر جەتەرى داۋسىز.
جاقسىلىق جاساۋ — يماندىلىقتىڭ، تاربيەلىلىكتىڭ، پاراساتتىلىقتىڭ ايقىن كورىنىسى. «نە بەرسەڭ دە بالاعا بەر، بالا ءۇشىن جاسا» — دەگەن حالقىمىزدىڭ يگى ءداستۇرى قازىرگى كەزدە قايىرىمدىلىق قوعامدارىنىڭ ىس-تاجىريبەلەرىمەن جالعاستىرىلىپ كەلەدى.
ەسەكەيەۆا ايناش اكيمسالوۆنا ءال-فارابي اتىنداعى قازاق ۇلتتىق ۋنيۆەرسيتەتىندەگى قۇقىق فاكۋلتەتىنىڭ اعا وقىتۋشىسى
You Might Also Like
-
ناۆولوكيتە كەمە تۇندە كەلدى. مايور كۋزمين جاي باسىپ پالۋباعا شىقتى. جاڭبىر سىركىرەپ تۇر. ايلاق قۇلازىپ قالعان، تەك جالعىز شام عانا سىعىرايادى.
