قازاق جەرىندە مىلتىق التىن وردا داۋىرىندە پايدا بولدى
قازىرگى قازاقستاننىڭ اۋماعىندا اتىس قارۋى التىن وردا داۋىرىندە پايدا بولعان. بۇل تۋرالى ق ر قك ۇلتتىق اسكەري-پاتريوتتىق ورتالىعىندا «التىن وردا: تاريح جانە مادەني مۇرا» عىلىمي ماتەريالدار جيناعىنىڭ تۇساۋكەسەرىندە بەلگىلى بولدى.
«التىن وردا داۋىرىندە قازاقستاننىڭ اۋماعىندا اتىس قارۋى پايدا بولعانىن ءبىرى بىلسە، ءبىرى بىلمەس. ءبىز ونى كەيىنىرەك پايدا بولدى دەپ ويلادىق، ال نەگىزىندە اسكەري-تاريحي مۇراجايداعى جادىگەرلەر سول ۋاقىتتىڭ قازىنالى اسكەري-ماتەريالدىق مادەنيەتى تۋرالى سىر شەرتەدى»، - دەدى جيناقتىڭ جاۋاپتى رەداكتورى، تاريح عىلىمدارىنىڭ دوكتورى ايبولات كۇشكىمبايەۆ.
ق ر قورعانىس مينيسترلىگىنىڭ باسپا ءسوز قىزمەتىنىڭ حابارلاۋىنشا، جيناقتا جالپى تاريح بويىنشا جۇمىستاردان باسقا اسكەري تاريح تا ۇسىنىلعان. كىتاپتا ءحىىى عاسىردان باستاپ حV عاسىر ارالىعىنداعى التىن وردانىڭ اسكەري تاريحى بويىنشا ماتەريالدار، زەرتتەۋلەر بار. التىن وردا داۋىرىندەگى قارۋ-جاراق ماسەلەلەرى، تاكتيكا، ستراتەگيا، ءداۋىردىڭ كەيبىر اسكەري-ساياسي وقيعالارى قارالادى.
«موڭعول يمپەرياسىنىڭ تۇسىندا 15ء-شى ءجۇز جىلدىققا دەيىنگى بولاشاق التىن وردا قالىپتاستى. كورشىلەرىن جاۋلاپ الۋ قارۋدىڭ كۇشىنىڭ ارقاسىندا بولدى. جاۋلاپ الۋدىڭ فەنومەنى اسكەري ىستە بولعان توڭكەرىسپەن بايلانىستى. ءبىز ءۇشىن التىن وردا داۋىرىندە اسكەري ءىستىڭ دامۋى اسا قىزىعۋشىلىق تۋعىزۋدا. ول شىڭعىسحان داۋىرىندەگى اسكەري ونەردىڭ ءىزباسارى جانە كوشپەلى حالىقتىڭ اسكەري ءىسىنىڭ بارىنشا دامىعان كەزەڭى. 13-15 عاسىر ءبىز ءۇشىن قانتوگىستى، شەشۋشى بولدى. جانە دە اسكەري ونەردى زەردەلەۋ، اسكەري ءىستى، قارۋ-جاراقتى دامىتۋ جاعىنان قىزىعۋشىلىق تۋعىزدى»، - دەپ اتاپ ءوتتى ايبولات كۇشكىمبايەۆ.
التىن وردالىق اسكەري-ساياسي كۇش ەلەۋلى گەوساياسي فاكتور بولعانىن جانە حالىقارالىق ومىردە باستى رولگە يە بولعانىن ايتا كەتكەن ءجون.
ق ر قورعانىس مينيسترلىگىنىڭ باسپا ءسوز قىزمەتى
You Might Also Like
-
رەسەيلىك عالىمدار مامونتتىڭ جانە ەجەلگى قاسقىر قاڭقالارىنىڭ ارقاسىندا ادامدار اركتيكاعا 45 مىڭ جىل بۇرىن بارعانىن انىقتادى، بۇل وسىعان دەيىنگى مالىمەتتەن 15 مىڭ جىلعا ەرتەرەك.
