قازاق قىزى جۇڭگو ەلىندە ۇزدىك ستۋدەنت اتاندى
جۇڭگو ەلىنىڭ شانحاي قالاسىنداعى شىعىس جۇڭگو پەداگوگيكالىق ۋنيۆەرسيتەتىندە ءبىلىمىن جەتىلدىرىپ جۇرگەن پاۆلودارلىق تۇلەك فاريدا تولەۋبايەۆا سەمەستردىڭ قورىتىندىسى بويىنشا جۇڭگو ءتىلى فاكۋلتەتىنىڭ «ەڭ ۇزدىك ستۋدەنتى» اتاندى.
«قازاقستان مەن جۇڭگو ەلدەرىنىڭ اراسىنداعى ديپلوماتيالىق، ەكونوميكالىق، مادەني بايلانىستار قارقىندى دامىپ جاتقان كەزدە شىعىستانۋشى ماماندىعىنىڭ ءرولى زور ەكەنى بەلگىلى. سوندىقتان دا ۋنيۆەرسيتەت تابالدىرىعىن اتتاعان كەزدە جۇڭگو تىلىندە ءبىلىمىمدى تولىقتىرسام دەگەن شەشىم قابىلداعان ەدىم. وسىلايشا، ءبىر جىلدىڭ ىشىندە ىزدەنىس پەن ەڭبەكتىڭ ارقاسىندا جۇڭگو ءتىلىن مەڭگەردىم. 17 جاستاعى ستۋدەنتتى كورشى ەل ءوزىنىڭ بەس مىڭ جىلدىق تاريحىمەن، بارىنە بىردەي اشىلا بەرمەيتىن يەروگليفتەردىڭ سيقىرىمەن قىزىقتىردى»، - دەيدى فاريدا تولەۋبايەۆا. پاۆلودارلىق دارىندى جاستىڭ ايتۋىنشا، قازىرگى تاڭدا جۇڭگو ءتىلى فاكۋلتەتى امەريكا، جاپونيا، كورەي، رەسەي، ۋكراينا جانە يندونەزيا سياقتى الەمنىڭ سان ءتۇرلى ستۋدەنتتەرىنىڭ باسىن بىرىكتىرگەن.
«مۇنداي جەڭىسكە جەتۋىمە ءاردايىم قولداۋ كورسەتەتىن اناشىم قارلىعاش تولەۋبايەۆا مەن ءبىلىم نارىمەن سۋسىنداتقان پاۆلودار قالاسىنداعى «جاس دارىن» مامانداندىرىلعان مەكتەبى ۇستازدارىنىڭ قوسقان ەڭبەگى زور. بۇگىندە العا قويعان ماقساتىم - شانحاي قالاسىنىڭ ەڭ ۇزدىك ۋنيۆەرسيتەتىندە وقۋىمدى جالعاستىرىپ، قازاقستاننىڭ الەمدىك دەڭگەيدەگى دەرجاۆاعا اينالۋىنا ۇلەس قوسۋ»، - دەيدى ول. ايتا كەتەرلىگى، 2013 جىلعى «جاس دارىن» مەكتەبىنىڭ «التىن بەلگى» يەگەرى اتانعان فاريدا تولەۋبايەۆا ءال-فارابي اتىنداعى ۇلتتىق ۋنيۆەرسيتەتتىڭ شىعىستانۋ فاكۋلتەتىنىڭ 3-كۋرس ستۋدەنتى. جۇڭگو ەلىندە اكادەميالىق موبيلدىلىك بويىنشا ءبىلىم الىپ جاتقان ول انا تىلىنەن باسقا، ورىس ءتىلى مەن اعىلشىن، جۇڭگو تىلدەرىن ەركىن مەڭگەرگەن.
http://www.pavlodarnews.kz
You Might Also Like
-
اتىراۋ وبلىسى، يندەر اۋدانى ، بودەنە اۋىلىندا تۇراتىن كەڭەس سارسەنعالييەۆ بالالار اراسىندا «كىتاپحاناشى اعاي» اتانىپ كەتكەن. ول كىتاپحاناشىلىق قىزمەتكە كەلمەس بۇرىن بىرنەشە جۇمىس ورنىن ا...
