قازاق راديوسىنىڭ ساندۋعاشى ساۋىق جاقانوۆا
"الماتىدان سويلەپ تۇرمىز. قازاق راديوسىندا جاڭالىقتار". ءدال وسى سوزدەرىمەن ءدال وسى سوزدەرمەن قازاق راديوسىنىڭ ساڭلاق داۋسى ساۋىق جاقانوۆا 46 جىل بويى تىڭدارمانداردى قۋانتىپ كەلگەن.
ءيا، قازاقستاننىڭ ەڭبەك سىڭىرگەن ءارتىcءى، جوعارى كاتەگوريالى ديكتور، «قۇرمەت» وردەنىنىڭ يەگەرى، دوسەنت ساۋىق جاقانوۆا ءماسىعۇت قىزى ەل بىلەتىن تانىمال جان. «قازاقتىڭ ليەۆيتانى» اتانعان قازاقستاننىڭ حالىق ءارتىسى انۋاربەك بايجانبايەۆتىڭ مەكتەبىنەن ءوتىپ، شاكىرتى اتانعان قازاق راديوسىنىڭ ساندۋعاشى ساۋىق جاقانوۆا ون جەتى جاسىنان ەڭبەككە ارالاسقان دارىندى ديكتور. "ۋنيۆەرسيتەت بىتىرەتىن جىلى قازاق راديوسى كونكۋرس جاريالاپ، سول جەرگە بارىپ باعىمدى سىنادىم. مىنە، سول كەزدەن مەن راديوداعى جۇمىسىم باستالىپ كەتتى"- دەيدى كەيىپكەرىمىز ءبىر سۇحباتىندا.
جارتى عاسىر ديكتور بولىپ قىزمەت اتقارعان ساۋىق جاقانوۆا وسى ۋاقىت ارالىعىندا ويعا تۇيگەنىن، بۇل ماماندىقتىڭ قادىر-قاسيەتىن بىلايشا باعالايدى: «راديو تىڭداۋشىعا دىبىستاپ وقۋ، سويلەۋ ارقىلى جەتەتىن اقپارات قۇرالى بولعاندىقتان، ءبىرىنشى ديكتوردىڭ داۋسىنا ءمان بەرىلەدى. حالىقتىڭ تۇسىنىگىندە ديكتوردىڭ راديوداعى الاتىن ورنى وتە جوعارى بولدى.
"رەاكسياسى، العىرلىعى، قابىلداۋى وتە كەرەمەت ەدى. ساۋىق بەس اسپاپ. سوڭعى زابارلاردى وقيدى. بەس مينۋتتان سوڭ بالالار رەداكسياسىنىڭ حابارى توسىپ تۇرادى. كوڭىل كۇيدى دەم ارادا بەيىمدەپ ۇلگەرەتىن. ءقازىر بالا بولادى ، ەندى ءبىر جارتى ساعاتتان كەيىن ادەبي حاباردى بەرە مە، ونىڭ ءىشى توگىلگەن ىشكى سەزىمگە تولعان. ماتىنگە قالاي كىرىپ كەتكەنىن بايقاماي قالاسىڭ. داۋىسى بىردەن وزگەرەدى." - دەپ ساۋىق حانىمنىڭ ارىپتەستەرى ول كىسىنىڭ تۋما دارىن ەكەنىن العا تارتادى.
مەيربەك بايان مۇراتبەك قىزى
سونداي اسەرلى ۋاقىتتىڭ ءبىرىن قازاق ادەبيەتىنىڭ كورنەكتى جازۋشىسى، بەلگىلى اقىن كەڭشىلىك مىرزابەكوۆ بىلايشا جىرعا قوسقان ەكەن. ارينە، بۇل جىر ديكتور ساۋىق جاقانوۆاعا ارنالىپتى:
سوڭعى حابار
ساۋىق ديكتور وقيدى سوڭعى حابار،
نە ايتار ەكەن، ياپىر-اي، مەن قۋانار.
مەن قۋانار، مەنىمەن ەل قۋانار،
ساۋىق ديكتور وقيدى سوڭعى حابار.
ءبىر جاڭالىق ايتادى ساۋىق ءقازىر،
قۋانىشقا بولامىز قارىق ءقازىر،
ساۋىق ديكتور، سەن نەتكەن باقىتتىسىڭ،
داۋىسىڭدى تانيدى حالىق ءقازىر.
داۋىسىڭدى تانيدى حالىق ءقازىر،
داۋىسىڭا قۋانىپ قالىپ تا ءجۇر.
ءان ايتپادىم دەمە سەن، ءان ايتپاي-اق قوي،
اتاقتىسىڭ تالايدان انىق ءقازىر.
تىرشىلىكتىڭ جۇرەكتە ماڭگى جانار،
وتى وشكەندە - كۇتەسىڭ سوڭعى حابار.
ساۋىق ديكتور وقيدى سوڭعى حابار،
نە ايتار ەكەن، ياپىراي، مەن قۋانار،
مەنىمەنەن بىرلەسىپ ەل قۋانار.
قارا ءسوزدىڭ قاسيەتىن قادىرلەپ، اۋەزدى ءۇنىن اۋەلەتە بىلگەن تابيعي تالانتى مەن كاسىبي شەبەرلىگى ۇشتاسقان س. جاقانوۆا جوو ستۋدەنتتەرىنە ارناپ "سويلەۋ تەحنيكاسى"، "جۇرگىزۋشىنىڭ سويلەۋ مادەنيەتى" كىتاپتارىن جازعان.
ەلىنە ەڭبەگىمەن سۇيكىمدى بولا بىلگەن ساۋىق جاقان ءماسىعۇت قىزىنىڭ قازاق راديوسىنىڭ «التىن قورىندا» ساقتالعان تاماشا ءۇنى كەلەر عاسىرعا جەتەر قۇندىلىعىمەن ەرەكشە. ول كىسىنىڭ تاربيەلەگەن ونەرلى شاكىرتتەرى «ۇستازىمىز ساۋىق جاقانوۆا» دەپ اركەز ماقتانىش ەتەدى.
مەيربەك بايان مۇراتبەك قىزى
ءال-فارابي اتىنداعى قازاق ۇلتتىق ۋنيۆەرسيتەتى
جۋرناليستيكا فاكۋلتەتى
1 كۋرس
You Might Also Like
-
ا. بايتۇرسىن ۇلىنىڭ ولەڭدەرى ءوزىنىڭ سىرتقى قاراپايىمدىلىعى، ىشكى مازمۇنى، جەڭىلدىگى جانە بىركەلكىلىگى جاعىنان قازاق ادەبيەتىندە ءبىرىنشى ورىن الادى… ا. بايتۇرسىن ۇلىنىڭ ارقاسىندا ساناسىز تۇردە ...
-
جاز بۇرىمىن تارقاتىپ، قىس ءمۇيىزىن كورسەتىپ، كوكتەم قىرىق بەلدىڭ استىندا قالعان.
