InfoHub Logo

زامانىندا سپورت سۇيەر قازاق قاۋىمىنا ماقالا جازعان سەيداحمەت بەردىقۇلوۆتاي ءقازىر جۋرناليست جوق شىعار. تەحنولوگيالار دامىعان زاماندا  گازەتكە سپورت ماقالاسىن جازۋ قالىپ بارادى. ءقازىر سپورت سۇيەر قاۋىم بارلىعىن تىكەلەي ەفير نەمەسە قايتالاۋلاردان كورە الادى. فۋتبول سۇيەر سەيداعاڭ  زامانىندا بولىپ جاتقان ويىن جايلى گازەتكە ماقالا تۇرىندە بەرگەندە، ەشبىر تىكەلەي ەفيردەن كەم تۇسپەگەن. وقىرماندار ماقالانى وقىعان ساتتە ءدال سول الاڭدا وزدەرى وتىرعانداي سەزىمدە بولعان. سەبەبى فۋتبول سۇيەر ادامدى تەك ءدال سونداي ادام تۇسىنەدى. 

الەم چەمپيوناتىندا ءبىرىنشى بولعان جانە سول تۋرالى قالام تارقان العاشقى قازاق ءدال سول سەيداعاڭ. سەيداحمەت بەردىقۇلوۆ الەم چەمپيوناتىندا ەكى مارتە بولدى، 1966 جىلى لوندوندا جانە 1970 جىلى مەكسيكادا. سەيداحمەت بەردىقۇلوۆتىڭ ويىن تۋرالى جازعان ماقالاسىنان شاڭى دا قالمايتىن، فۋتبول سۇيەر قاۋىم ونداي گازەتتى قالدىرسىن با. 

جۋرناليست سەيداحمەت بەردىقۇلوۆتىڭ «پەلەنىڭ 12 قاتەسى» اتتى ماقالاسى كەزىندە اۋىزدان اۋىزعا تارادى. كەز-كەلگەن ادام الەمدىك دەڭگەيدەگى ويىنشى پەلە جايلى سىني ماقالا جازا بەرمەيدى. سەبەبى، پەلە بارشا فۋتبول قاۋىمى مويىنداعان ويىنشى، ال سەيداعاڭ پەلەنىڭ قاتەلىگى جايلى جازدى. بۇل ماقالاسىنا فرانسۋزدىڭ «ەكيپ» اتتى اتاقتى سپورت جۋرنالى كىر سوڭىنا ءتۇستى. سەبەبى ايدان انىق، بۇنداي تىڭ ماقالانى بارلىق سپورت جۋرنالدارى قالار ەدى. سونىمەن قاتار سەيداحمەت بەردىقۇلوۆ اعامىزعا وسى ماقالاسى ءۇشىن قوماقتى قارجى دا ۇسىنعان. ءبىراق سەيداعاڭ باس تارتقان. سەيداعان پەلەنىڭ وزىمەن دە تانىس بولعان جانە بىرگە تۇسكەن سۋرەتى دە بار. سەيداعاڭنىڭ وسى جازعان ماقالاسىنان كەيىن پەلە ءوز قولىمەن: «مەنىڭ جاسىل الاڭداعى ارىپتەسىم ايتقان 12 قاتەگە تۇگەل قۇلدىق ۇرامىن» دەگەن قولتاڭبا جازعان. 

قازىرگى قازاق سپورت جۋرناليستيكاسىندا سەيداعاڭداي جازار ەشكىم جوق. سەبەبى ءقازىر تەك ماڭىزدى ساتتەر مەن ويىن ناتيجەسىن جازىپ، قىسقاشا عانا شولۋ جاسايدى. سەيداحمەت بەردىقۇلوۆ قازاق سپورت جۋرناليستيكاسىنىڭ التىن قازىعى.

احمەتقازى بەكزات، جۋرناليستيكا فاكۋلتەتى 2-كۋرس

---