قازاق ءتىلى ساباعىندا دەڭگەيلەپ وقىتۋ تەحنولوگياسىن قولدانۋدىڭ تيىمدىلىگى
قازاق ءتىلى ساباعىندا دەڭگەيلەپ وقىتۋ تەحنولوگياسىن قولدانۋدىڭ تيىمدىلىگى ءبىلىم بەرۋدىڭ قازىرگى جاعدايىندا وقىتۋدىڭ جاڭا مازمۇنى مەن قالىپتارىن ىزدەستىرۋ - وزەكتى ماسەلەلەردىڭ ءبىرى بولىپ وتىر. وسىعان وراي ءار ءتۇرلى پەداگوگيكالىق تەحنولوگيالار جاسالىپ، مۇعالىمدەردىڭ تاجىريبەسىنە ەنگىزىلۋدە. انا ءتىلىمىزدى ۇلتتىق قۇندىلىق رەتىندە دارىپتەۋدە وسى ءپاندى ۇيرەتۋشى ءاربىر ۇستازدى وقىتۋدىڭ جاڭا ۇردىستەرى مەن وزەكتى ماسەلەلەرى ويلاندىرماي قويمايدى. وسىعان وراي، ءوز تاجىريبەمدە ءجيى قولدانىپ جۇرگەن تەحنولوگيالارىنىڭ ءبىرى – ج.ا.قارايەۆتىڭ سارالاپ – دارالاپ وقىتۋ تەحنولوگياسى. دەڭگەيلەپ سارالاپ وقىتۋ پەداگوگيكالىق تەحنولوگياسى –ناتيجەگە باعىتتالعان ءبىلىم بەرۋ قۇرالى. سارالاپ ءبىلىم بەرۋ –قابىلەتى جانە ماقساتى ءار ءتۇرلى وقۋشىلاردىڭ دامۋىنا جاعداي جاسايدى.وقۋ ءپانى رەتىندە ورىس سىنىپتارىندا قازاق ءتىلىن سارالاپ وقىتۋدىڭ وزىندىك ەرەكشەلىگى جانە ماڭىزى بار.سەبەبى ،وبەكتيۆتى تۇردە وزگە ءتىلدى وقۋشى ءۇشىن قازاق ءتىلى مەكتەپتەگى وقۋ پاندەرىنىڭ ىشىندەگى قيىندارىنىڭ ءبىرى بولىپ تابىلادى. مەملەكەتتىك ءتىل رەتىندە سارالاپ وقىتۋ-ول تەك مىقتى وقۋشىلاردىڭ عانا ەمەس، بۇل ءپان قيىنعا سوعاتىن وقۋشىلاردىڭ دا مۇمۇكىندىگىن قاناعاتتاندىرۋى ءتيىس. دەڭگەيلىك تاپسىرمالاردى ەنگىزگەندەگى باستى ماقسات-سىنىپ وقۋشىلارىن «قابىلەتتى» جانە «قابىلەتسىز» دەپ جاساندى تۇردە ءار ءتۇرلى جىكتەرگە ءبولۋدى بولدىرماۋ. دەڭگەيلەپ وقىتۋ بارىسىندا وقۋشىنىڭ ءبىرىنشى دەڭگەيدەگى تاپسىرمالاردى دۇرىس ورىنداعانى «ەسەپكە» الىنىپ وتىرادى. قانداي وقۋشى بولماسىن، مىسالى ءوزىنىڭ جاقسى وقيتىندىعىنا قاراماستان ، جۇمىسىن «وقۋشىلىق»، «مىندەتتى» ءبىرىنشى دەڭگەيدىڭ،ول ءۇشىن جەڭىل بولسا دا، تاپسىرمالارىن ورىنداۋدان باستايدى. بارلىق وقۋشىلار جۇمىسىن ءبىر مەزگىلدە باستاپ، ءارقايسىسى، ءبىلىم يگەرۋدەگى ءوز قابىلەتىنە قاراي ، ءوز بىلىگىنە جەتەدى. بۇل بارلىق وقۋشىلاردى تىرەك بىلىمىمەن قامتاماسىز ەتەدى جانە قازاقستان رەسپۋبليكاسىنىڭ ءبىلىم تۋرالى زاڭىنىڭ تالاپتارىنا ساي كەلەدى. ناقتىراق ايتساق: -بارلىق وقۋشىلاردىڭ وقۋ ماقساتىنا قول جەتكىزۋىنىڭ كەپىلى بولادى جانە وقۋ پاندەرىنىڭ بارلىق تاقىرىبى بويىنشا ەڭ بولماعاندا مىندەتتى ءبىرىنشى دەڭگەيدى يگەرۋىن تولىق جۇزەگە اسىرادى.بۇل ءوز كەزەگىندە،مەملەكەتتىك ستاندارتتىڭ ورىندالۋىنا كەپىلدىك بەرەدى. ناتيجەسىندە ۇلگەرىمى ناشار وقۋشىلار دا، كەم دەگەندە «وقۋشىلىق» دەڭگەيگە سايكەس ءبىلىمدى تولىق مەڭگەرىپ الاتىنىن ءوز تاجىريبەمدە بايقادىم.سەبەبى ول وسى دەڭگەيدىڭ تاپسىرمالارىن تولىق جانە دۇرىس ورىنداپ وتكىزبەسە كەلەسى دەڭگەيگە كوشپەيدى. «مىندەتتى» دەڭگەيدى تولىق مەڭگەرگەننەن كەيىن وقۋشى ءارى قاراي ،وزىنە ءوزىنىڭ سەنىمى ارتادى. وقۋشىلاردىڭ ءارقايسىسى ءبىرىنشى دەڭگەيلىك تاپسىرمالاردى ورىنداۋعا مىندەتتى جانە جوعارى دەڭگەيلىك تاپسىرمالاردى ورىنداۋعا قۇقىلى. وسىلايشا ءبىر دەڭگەيدەن ءبىر دەڭگەيگە، ءوز ءبىلىمىن بىرتىندەپ تولىقتىرا وتىرىپ ،ءوز قابىلەتىن دە جەتىلدىرەدى. بۇل جاعدايدا جوعارى دەڭگەيلىك تاپسىرمالاردى ورىنداۋ ءار وقۋشىنىڭ كۇندەلىكتى ماقساتىنا اينالادى. دەڭگەيلىك تاپسىرمالاردىڭ ماقساتى: جەڭىلدەن قيىنعا، قاراپايىمنان كۇردەلىگە قاراي ساتىلى تۇردە ورىندالاتىن جۇمىستار جۇيەسىن ۇسىنا وتىرىپ، وقۋشىنى ىزدەنىسكە، شىعارماشىلىققا باۋلۋ؛ - دارىندى وقۋشىلاردىڭ مۇمكىندىگىن انىقتاۋ؛ ءار وقۋشى ءوزىن-وزى باعالايدى، ءوز ءبىلىمىن جوعارى دەڭگەيگە ءوزى جەتكىزە الادى، ماتەريالدى تولىق مەڭگەرەدى. بۇل تەحنولوگيانىڭ تاعى دا ءبىر تيىمدىلىگى – وقۋشىلار ءبىلىمىن باعالاۋ مەن باقىلاۋ جۇيەسى اراسىنداعى بايلانىس وقۋشىنىڭ ءار ساباقتا جيناعان ۇپايلارىن “دامۋ مونيتورينگى” كەستەسىندە بەلگىلەپ وتىرۋ ارقىلى تاراۋ بويىنشا وقۋشى بىلىمىنە تالداۋ جاساپ وتىرۋعا مۇمكىندىك تۋادى. ءبىرىنشى دەڭگەي (وقىتۋشىلىق دەڭگەي) – ءبىلىمنىڭ مينيمالدىق شەگى، جاتتاپ الۋعا لايىقتالعان بولۋى كەرەك. الدىڭعى ساباقتا جاڭادان مەڭگەرىلگەن ءبىلىمنىڭ ءوڭىن وزگەرتپەي قايتالاپ، پىسىقتاۋىنا مۇمكىندىك بەرۋى ءتيىس.تاپسىرمالار جاڭا تاقىرىپ ءۇشىن ءتيپتى جانە ومىرمەن بايلانىستى بولۋى كەرەك. گراممايكالىق تاپسىرمالار، جازبا جۇمىستارىن ورىنداۋ، ءماتىندى ءتۇسىنىپ وقۋ، جاڭا سوزدەردى پىسىقتاۋ، سۇراقتارعا ءتۇسىنىپ جاۋاپ بەرۋ. ەكىنشى دەڭگەي (الگوريتىمدىك دەڭگەي)- ءوتىپ كەتكەن ماتەريالداردى رەتتەۋگە جانە جۇيەلەۋگە بەرىلگەن تاپسىرمالار.وقۋشىنىڭ ويلاۋ قابىلەتىن جەتىلدىرۋگە بەرىلەتىن تاپسىرمالار.ۇيرەنۋشىلىك دەڭگەيدەگى ءبىلىمىن تولىقتىرۋ كۇردەلى ماتەريالداردى جۇيەلەي الۋى، العان بىلىمدەرىن باسقا تاپسىرمالاردى ورىنداعاندا پايدالانا الۋى، سول تاقىرىپتى ەركىن مەڭگەرگەنى ەسكەرىلەدى. ءۇشىنشى دەڭگەي (ەۆريستيكالىق دەڭگەي) – تانىمدىق-ىزدەنۋ تۇردەگى تاپسىرمالاردى ورىنداۋ بارىسىندا وقۋشىلار جاڭا تاقىرىپ بويىنشا مەڭگەرگەن العاشقى قاراپايىم بىلىمدەرىن جەتىلدىرىپ، تەرەڭدەتۋمەن قاتار، ول تاعى دا جاڭا ءبىلىمدى مەڭگەرىپ، ءوزى ءۇشىن جاڭالىق اشۋى ءتيىس.وزدىگىمەن مىسالدار قۇراستىرۋ، وي قورىتۋعا ارنالعان، داعدى قالىپتاستىراتىن تاپسىرمالار.ماتەريالدى سانالى تۇردە مەڭگەرۋ. بۇل دەڭگەيدە وقىتۋشىلاردىڭ مەڭگەرگەن بىلىمدەرىن تەرەڭدەتۋ ءۇشىن تانىمدىق ىزدەنىس، ءار – ءتۇرلى لوگيكالىق تاپسىرمالاردى تالداي، جيناقتاي الاتىن جانە سالىستىرا ءبىلۋدى قاجەت ەتەدى. ءتورتىنشى دەڭگەي (شىعارماشىلىق دەڭگەي) - وقۋشىلاردىڭ جيناعان ومىرلىك تاجىريبەسى مەن قالىپتاستىرعان ۇعىم، تۇسىنىكتەرىنىڭ، قيالى مەن بەلسەندى وي ەڭبەگىنىڭ ناتيجەسىندە جاڭاشا، بۇعان دەيىن بولماعان، بەلگىلى ءبىر دارەجەدە ولاردىڭ جەكە باسىنىڭ يكەمدىلىگىن بايقاتاتىن دۇنيە جاساپ شىعۋىنا نەگىزدەلگەن.وليمپيادالىق تاپسىرمالار،بەرىلگەن تاقىرىپقا ءوز بەتىمەن رەفەرات، دوكلادتار دايىنداۋ.ءوز بەتىمەن وقۋ ماتەريالدارىن مەنگەرۋ. قۇبىلىستى ءوز بەتىمەن تالداي كەلىپ، شاعىن شىعارماشىلىق تۇرعىدان زەرتتەۋ جۇمىسىن جۇرگىزۋگە باۋلۋ. ءار دەڭگەيدىڭ بارلىق تاپسىرمالارىن دۇرىس ورىنداعانى ءۇشىن وقۋشىلار سول دەڭگەيدى يگەرگەنىنە سايكەس ۇپاي الادى.
ءى دەڭگەي ءۇشىن – 5 ۇپاي
ءىى دەڭگەي ءۇشىن – 10 ۇپاي
ءىىى دەڭگەي ءۇشىن – 15 ۇپاي
بۇل تەحنولوگيا بويىنشا جۇمىس جۇرگىزۋ ءار ءمۇعالىمنىڭ شەبەرلىگىنە بايلانىستى. كۇندەلىكتى ساباقتا بەرەتىن دەڭگەيلىك تاپسىرمالاردى قىزىقتى ەتىپ قۇراپ، وقۋشىلاردىڭ قىزىعۋشىلىقپەن ورىنداۋلارىن قاداعالاۋ قاجەت. تەك وقۋلىقتاعى تاپسىرمالارمەن شەكتەلىپ قالماي، ءار ءتۇرلى قىزىقتى تاپسىرمالار بەرىلۋى كەرەك. «دەڭگەيلەپ سارالاپ وقىتۋ» تاقىرىبى بويىنشا مەن ءوز تاجىريبەمدە جۇمىس جاساپ كەلەمىن. ءوزىم ساباق بەرەتىن سىنىپتاردىڭ ساباقتارىنا دەڭگەيلەپ وقىتۋ تەحنولوگياسىنىڭ ەلەمەنتتەرىن كىرگىزدىم. وسى سىنىپتاردا ءار وقۋشىعا جازبا داپتەرىن جاساپ، جيناقتاۋدامىن. بۇل «جۇمىس داپتەرىندە» وقىتۋ مازمۇنى فورماسىنىڭ جاڭالانۋى ءاربىر وقۋشىنىڭ ىنتاسىن، ىسكەرلىگىن مۇمكىندىگىن دامىتاتىنداي جاعداي جاساۋ قاجەتتىگى پروفەسسور ج.ا.قارايەۆتىڭ پەداگوگيكالىق تەحنولوگياسىنىڭ ارناۋلى تالاپتارى بويىنششا جاسالعان. ساباقتى بەكىتۋ كەزەڭىنە، قايتالاۋ ساباقتارىنا ارناپ دەڭگەيلىك تاپسىرمالار قۇراستىرىپ وتىرامىن. ناتيجەسىندە وقۋشىلاردىڭ ءبىلىم ساپاسى كوتەرىلدى. وقۋشىلاردىڭ وزىندىك جۇمىستارىن ورىنداپ، بىلىمدەرىن مونيتورينگتىك جۇيە ارقىلى وزدەرى باعالاپ، دياگنوستيكالاۋعا قول جەتكىزدىم. ەندى قازاق ءتىلى پانىنەن وسى تەحنولوگيا بويىنشا وتكىزگەن ساباعىمنان مىسالدار كەلتىرەمىن.
ساباقتىڭ ماقساتى: بىلىمدىك : رەتتىك سان ەسىم تاقىرىبى بويىنشا وقۋشىنىڭ ءبىلىمىن قولدانۋ؛ قازاقتىڭ بەلگىلى سپورتشىلارى تۋرالى ماعلۇمات بەرۋ؛ سپورت تاقىرىبى تۋرالى مالىمەتتەردى جالعاستىرۋ،سپورت تاقىرىبىنا بايلانىستى سويلەسۋ، جاتتىعۋ، انىقتاۋ، تالداۋ جۇمىستارىن جۇرگىزۋ. دامىتۋشىلىق: بالالاردىڭ سوزدىك قورىن، سويلەۋ ءتىلىن دامىتۋ، شىعارماشىلىق جۇمىستار جاساۋعا جەتەلەۋ، تانىمدارىن كەڭەيتىپ، وي - ءورىسىن دامىتۋ. تاربيەلىك: بەلگىلى سپورتشىلاردىڭ ءومىرى مەن جەتىستىكتەرىنەن ۇلگى الا وتىرىپ، سالاۋاتتى ءومىر سالتىن ساقتاۋعا تاربيەلەۋ. ساباقتىڭ ءتيپى: ارالاس ساباق. كورنەكى قۇرالدار: بەينەبايان، سلايد، باعالاۋ پلاكاتى، ۇلەستىرمەلەر، جۇمىس داپتەرى. ءادىس - تاسىلدەر: سۇراق - جاۋاپ، جەكە جۇپتىق جۇمىس، ماتىنمەن جۇمىس، دەڭگەيلەپ، وقىتا-ۇيرەتۋ ويىندارى. وقىتۋ تەحنولوگياسى: دەڭگەيلەپ-سارالاپ وقىتۋ
ساباقتىڭ بارىسى: I. ۇيىمداستىرۋ كەزەڭى وقۋشىلارمەن سالەمدەسۋ. ساباقتىڭ تاقىرىبىمەن، ماقساتىمەن تانىستىرۋ.
II. ءۇي تاپسىرماسىن تەكسەرۋ. 1. 5-تاپسىرما. سوزدىكتىڭ كومەگىمەن تانىس ەمەس سپورت تەرميندەرىنىڭ ماعىناسىن ءبىلىپ كەلۋ.سلايدتا سپورت تۇرلەرىنىڭ سۋرەتىن كورسەتۋ بارىسىندا وقۋشىلار ءبىلىپ كەلگەن مالىمەتتەرىن ايتىپ وتىرادى.
• بياتلون – بىرنەشە اتۋ شەبىندە كىشى كاليبرلى ۆينتوۆكادان جاتىپ جانە تۇرىپ اتاتىن شاڭعى جارىستارى. • تاۋ شاڭعىسى سپورتى – ارنايى جولدارمەن تاۋدان تومەن قۇلديلاۋ. • كونكيمەن جۇگىرۋ سپورتى – كونكيمەن جىلدامدىققا جۇگىرۋ. • مانەرلەپ سىرعاناۋ – بۇل سپورتشىنىڭ مۋزىكا ىرعاعىمەن مۇزدا كونكيمەن جاسالاتىن قيمىل-قوزعالىسى. • فريستايل – بۇل تاۋ شاڭعىسى سپورتىنىڭ ءبىر ءتۇرى. ول ءوز ىشىنەن ۇشكە بولىنەدى: موگۋل – كەدىر-بۇدىر جولدىڭ بويىمەن تاۋ شاڭعىسىمەن جىلدام قۇلديلاۋ؛ شاڭعى بالەتى – ءارتۇرلى بي قيمىلدارىن ورىنداي وتىرىپ، تاۋدان قۇلديلاۋ؛ اۋە (شاڭعى) اكروباتيكاسى – اكروبوتيكالىق قيمىل-قوزعالىستاردى ورىنداي وتىرىپ، ەكى مەترلىك ترامپليننەن سەكىرۋ. • حوككەي – مۇز الاڭىندا وتەتىن سپورتتىق كوماندالىق ويىن. حوككەيدى شايبامەن دە، دوپپەن دە وينايدى. • شورت-ترەك – حوككەي الاڭىندا بەلگىلەنگەن قىسقا مۇز جولىندا كونكيمەن جۇگىرۋ.
- ازيادا ەلىمىزدىڭ اتىن الەمدە اسقاقتاتتى، وسىنداي توك تۋىمىزدى كوكتە جەلبىرەتىپ جۇرگەن بەلگىلى سپورتشىلارىمىز دا بار. بۇگىنگى ساباعىمىز وليمپيادا چەمپيوندارىنا ارنالماق.
ءىى. جاڭا ساباق 1. وي قوزعاۋ تىڭدالىم "چەمپيوندار ءانى" (بەينەبايان)
2. جاڭا ماتەريال. تاقىرىبى: «قازاقستان بەلگىلى سپورتشىلارى » (1-قوسىمشا، تانىستىرىلىم سلايدتا سپورتشىلارىمىزدىڭ سۋرەتتەرى مەن جەتىستىكتەرىن كورسەتۋ)
3. ماتىنمەن جۇمىس «بايانداما» وقىتا ۇيرەتۋ ويىنى ءمۇعالىم وقۋشىلارعا 1ء-ماتىندى وقۋدى (گونگ)،سوڭىنان ونىڭ مازمۇنىن سۋرەت، بەلگى، سىزبا تۇرىندە بەرۋدى ۇسىنادى. بۇل «شپارگالكانى» وقۋشى وڭ جاعىنداعى كورشىسىنە بەرەدى.(گونگ). ءارقايسىسى ءوز كورشىسىنىڭ سۋرەتتەرىن نەمەسە سىزبالارىن قولدانا وتىرىپ، وسى ءماتىن بويىنشا «بايانداما » جاسايدى.(گونگ) «بايانداما» مازمۇنىن نەعۇرلىم كەڭ اشىپ، ونى قورعاپ، ەڭ جاقسى كورنەكى قۇرال ۇسىنعان وقۋشىلار جەڭىمپاز بولادى.
ءىىى. بەكىتۋ 4. دەڭگەيلىك تاپسىرمالار ورىنداۋ
ءى دەڭگەي 1. سوزدەردىڭ اۋدارماسىن تابىڭدار ترەنەر- جاتتىقتىرۋشى ۆىنوسليۆوست-ۇستامدىلىق زدوروۆىي وبراز جيزني-سالاۋاتتى ءومىر ورگانيزوۆان-ۇيىمداستىرىلدى سبورنايا كازاحستانا- قازاقستان قۇراماسى كرەپكيي- مىقتى لەگكيي- جەڭىل تياجەلىي-اۋىر بوربا- كۇرەس تەرپەليۆىي-شىدامدى پوبەديتەل-جەڭىمپاز چەمپيون ميرا-دۇنيەجۇزى چەمپيونى
2. بەرىلگەن سويلەمدەردەگى ويدى اياقتاڭدار. سايكەسكەستەندىر.
1.سەرىك قوناقبايەۆ 1959 جىلى 25 قازاندا... مەملەكەتتىك جاتتىقتىرۋشىسى بولعان.
2. ول وليمپيادا ويىندارىنىڭ ... پاۆلودار قالاسىندا دۇنيەگە كەلگەن.
3. 1986-1992 جىلداردا قازاقستان قۇراما كومانداسىنىڭ ... جانە سپورت اكادەمياسىنىڭ پروفەسسورى.
4. 1992 جىلدىڭ تامىز ايىنان باستاپ كاسىبي بوكس ... كۇمىس جۇلدەگەرى، ەكى مارتە ەۋروپا چەمپيونى، الەم كۋبوگىنىڭ ەكى مارتە يەگەرى.
3. سويلەمدەر بويىنشا سۇراقتار قۇرا
ءىى دەڭگەي 1. سۇراقتارعا جاۋاپ جاز:
1) قازاقستاننىڭ تۇڭعىش وليمپيادا چەمپيونى كىم؟
2) جاقسىلىق ۇشكەمپىروۆ قانداي كۇرەستىڭ چەمپيونى؟
3) ول قاي جىلى ماسكەۋ وليمپياداسىنان جەڭىسپەن ورالدى؟
4) 1984 جىلى جاقسىلىق ۇشكەمپىروۆتى ۇلكەن سپورتتان شىعارىپ سالۋ ءراسىمى قاي قالادا ءوتتى؟
2. ماتىندەگى بوس ورىنداردى تولىقتىرىپ، مالىمەتتەردى ءبىلىپ ال.
ەرماحان ساعي ۇلى يبرايموۆ 1972 جىلى 1 قاڭتاردا ----------------------------------- تۋىپ وسكەن. ەرماحان يبرايموۆ 1996، 2000 جىلدارى قازاقستان -------------------------------------------- الىپ ءجۇردى. ونىڭ ورتاشا ------------------------ 71 كگ. 1996 جىلى اتلانتادان قولا مەدالمەن، 1997 جىلى بۋداپەشتتەن كۇمىس مەدالمەن، 1999 جىلى حيۋستوننان قولا مەدالمەن، 2000 جىلى سيدنەيدەن التىن مەدالمەن -------------------- (ورالدى، جامبىل وبلىسىندا، وليمپيادا الاۋىن، سالماعى)
3. ماتىندەگى سان ەسىمدەرگە تاۋىپ، تۇرلەرىنە قاراي اجىرات.
ءىىى دەڭگەي مودۋل بويىنشا جاڭا سوزدەردى جانە رەتتىك سان ەسىمدەردى قولدانا وتىرىپ، جەرلەس سپورتشى جايىندا ءماتىن قۇرا.
ءىۇ. قورىتىندى "جەتىستىك جۇلدىزى" بالالار بۇل بەلگىلى سپورتشىلارىمىز ءبىزدىڭ ەلىمىزدىڭ جارقىراعان اسپانداعى جۇلدىزدارىمىز ىسپەتتى. بۇگىنگى ساباقتا ايتىلعان ويىمىزدى "جەتىستىك جۇلدىزى" اتتى جۇمىسىمىزبەن قورىتىندىلايمىز. (وقۋشىلىادىڭ سانىنا سايكەس جۇلدىزشالار ۇلەستىرىلەدى.) ءار بالا ءوزى جەتكەن جەتىستىگىن جازىپ، اسپان بەينەلەنگەن پلاكاتقا ايتا وتىرىپ ىلەدى.
ءۇ. باعالاۋ. اشىق جۋرنالدا ساباق بارىسىندا جيناعان ۇپاي ساندارىنا بايلانىستى. وسى ساباقتا وقۋشىلار مىناداي جۇمىس داپتەرىمەن تاپسىرمالار ورىندادى.
اشىق جۋرنال
وقۋشىنىڭ ءاتى-جونى ءى دەڭگەي ءىى دەڭگەي ءىىى دەڭگەي سىنىپتا جيناعان بالى ءۇي جۇمىسىنان العان بالى بارلىعى باعاسى
1 2 3 1 2 3 1.
ابيلاسانوۆا ز + + + + + + + 9 ب. 3 ب 12 ب «5»
2. بازاروۆ م + + + + + - - 6 ب 1 ب 7 ب «3»
3.ۆاسيليەۆ ا + + + + + + - 7 ب 2 ب 9 ب «4»
4.گرەچكين ا + + + - - - - 5ب 2ب 7 ب «3»
5.دارمەنبايەۆ ا + + + + + + + 9 ب 3 ب 12 ب «5»
6.دەپۋتاتوۆا ۆ + + + + + + + 9 ب 1 ب 10 ب «4»
7.دجاكۋپوۆ س + + + + + + - 9 ب 2 ب 11 ب «4»
8. يۆانوۆ ا + + + + + + - 9 ب 1 ب 10 ب «4»
9. كايراتوۆا ن + + + + - + - 7 ب 3 ب 10 ب «4»
10. كيتاۆين د + + + + + + - 7 ب 2 ب 9 ب «3»
11. تۋلەگەنوۆ س + + + + + + + 9 ب 3 ب 12 ب «5»
12. پۋپچەنكوۆا ك + + + + + - - 8 ب 1 ب 9 ب «4»
قورىتا كەلگەندە دەڭگەيلىك تاپسىرمالار ورىنداۋ نەگىزىندە وقىتۋدىڭ وڭ ناتيجەلەرىنە كوز جەتكىزدىم. ساباقتى دەڭگەيلىك تاپسىرمالار ارقىلى وقىتۋدىڭ تيىمدىلىگى: ساباقتىڭ مازمۇنى مەن ساپاسى ارتادى. وقۋشى ءوز بەتىمەن جۇمىس جاساۋعا داعدىلانىپ،شەبەرلىگى شىڭدالادى؛ جاۋاپكەرشىلىگى ارتادى، شىعارماشىلىعى قالىپتاسادى؛ جۇيەلى وقىتۋ پرينسيپتەرى ارقىلى وقۋشى ءوزىن-وزى دامىتىپ، ءوزىن-وزى باعالاپ، ءبىلىم دەڭگەيىن وسىرەدى؛ وقۋشى ءوز قىزمەتىنە تالداۋ جاسايدى، قورىتىندى شىعارادى، جاڭالىققا ۇمتىلادى. وسى ساباقتى دەڭگەيلىك تاپسىرما ارقىلى وتۋدەگى ءبىلىم ساپاسىنىڭ كورسەتكىشتەرى: دەڭگەيلىك تاپسىرمالاردى پايدالانۋ وقۋ پروسەسىن ىزگىلەندىرۋ جانە دەموكراتيالاندىرۋدى قامتاماسىز ەتە وتىرىپ،وقۋشىلاردىڭ ويلاۋ،سويلەۋ قابىلەتىن كوتەرۋگە كومەگىن تيگىزەدى. دەڭگەيلىك تاپسىرمالار وقۋشىلاردىڭ ءوز بەتىمەن ىزدەنىپ جۇمىس ىستەۋىنە جەتەلەيدى جانە ساباققا وڭ موتيۆ تۋعىزىعا اسەر ەتەدى. دەڭگەيلىك تاپسىرمالاردى ورىنداۋ وقۋشىلاردىڭ بەلسەندىلىگىن ارتتىرىپ، ومىرگە يكەمدىلىگىن دامىتادى، ولاردىڭ ساپالى ءبىلىم الۋىنا جاردەمىن تيگىزەدى. دەڭگەيلىك تاپسىرمالار وقۋشىلاردىڭ الەۋمەتتىك –تانىمدىق كوزقاراستارىن قالىپتاستىرىپ، ومىردە كەزدەسەتىن ءارتۇرلى سيتۋاسيالاردى مەڭگەرۋگە كومەكتەسەدى. دەڭگەيلىك تاپسىرمالاردى قولدانۋ بارىسىندا وقۋشىلاردىڭ بايقاعىشتىعى، ويلاۋى، ىزدەنۋشىلىك قابىلەتى وسەدى. رەيتينگتىك جۇيە وقۋشىلاردىڭ ءبىلىمىن ءادىل باعالاۋعا يگى ىقپال ەتەدى: دەڭگەيلىك تاپسىرمالار قۇرىلىمى مەن مازمۇنى بالانىڭ قىزىعۋشىلىعىن تۋعىزىپ، وقۋشىنى تەرەڭ وي ايتۋعا ۇيرەتەدى. دەڭگەيلىك تاپسىرمالار ورىنداتۋ بالاعا شامادان تىس جۇكتەمە بەرۋ ەمەس،كەرىسىنشە وقۋشىنى بىلىمىنە، مۇمكىندىگىنە،سۇرانىسى مەن قابىلەتىنە سايكەس دايىندالعان ساتىلى جۇمىستار.
پايدالانعان ادەبيەتتەر: 1. ج.ۋ.كوبديكوۆا «ورتا مەكتەپتە ءبىلىم الۋدى تەحنولوگيالاندىرۋ (سارالاپ دەڭگەيلەپ وقىتۋ)». 2002 جىل
2. م.م. جانپەيىسوۆا «مودۋلدىك وقىتۋ تەحنولوگياسى وقۋشىنى دامىتۋ قۇرالى رەتىندە» الماتى 2002 جىل
3. جۇمابەكوۆا ا.ل. «دەڭگەيلىك تاپسىرمالار ارقىلى دامىتا وقىتۋ».
You Might Also Like
