قازاقستان 12 جىلدىق بىلىمگە قاشان كوشەدى
ق ر ءبىلىم جانە عىلىم ءمينيسترى اسحات ايماعامبەتوۆ مەكتەپ وقۋشىلارى ءۇشىن 12 جىلدىق باعدارلامانى ەنگىزۋ بارىسى تۋرالى ايتتى.
«وزدەرىڭىز بىلەسىزدەر، جاڭارتىلعان باعدارلامالار 2015 جىلى قابىلداندى، ياعني وسى شارالار جۇرگىزىلگەن كەزدە 1-دەن 11 سىنىپ ارالىعىندا 11 جىلدىق مەكتەپتىڭ باعدارلامالارى بەكىتىلدى. سايكەسىنشە، ءقازىر جاڭارتىلعان باعدارلامالار ەنگىزىلۋدە. بارلىق سىنىپتاردىڭ 95 پايىزى وسىعان اۋىسىپ ۇلگەردى. الداعى جىلى 11 سىنىپتىڭ اۋىسۋى جوسپارلانعان»، - دەدى مينيستر پارلامەنت ماجىلىسىندە وتكەن ۇكىمەت ساعاتىندا.
«قازىرگى كەزدە جاڭا باعدارلاماعا تولىقتاي كوشۋ ماڭىزدى، ەگەر ءبىز الدىن الا دايىندىقسىز 12- سىنىپتى ەنگىزەمىز دەپ ايتساق، وندا ۇلكەن پروبلەمالارعا تاپ بولامىز»، - دەدى ا. ايماعامبەتوۆ.
بۇل تۇرعىدا 12- سىنىپتى ەنگىزۋ مەكتەپ ينفراقۇرىلىمىنا، پەداگوگ دايارلىعىنا، وقۋلىق شىعارۋ باعىتىنا ءتيىستى جۇكتەمەنى تۋدىرادى.
«1-دەن 11 سىنىپ ارالىعىندا تولىقتاي جاڭا باعدارلاماعا، باعالاۋدىڭ جاڭا جۇيەسىنە كوشكەننەن سوڭ، 12 جىلدىق ءبىلىم باعدارلاماسىن باستاۋىمىز كەرەك. بۇل تۇرعىدا وعان كوشۋدىڭ بىرنەشە نۇسقاسى بار. جالپى، بۇعان كوشۋ شارالارى ءبىرقالىپتى جۇرگىزىلەدى. وسى ورايدا، 2021 جىلدى بەلگىلەپ وتىرمىز»، - دەدى مينيستر.
You Might Also Like
-
ادام بالاسىنا بەرىلگەن باعا جەتپەس قۇندىلىقتاردىڭ ءبىرى-ۋاقىت.
