InfoHub Logo

ءىس - ارەكەت تاقىرىبى: «قازاقستان ورتاق ءۇيىمىز»

ماقساتى: بالالارعا تۋعان ەلىنىڭ، وتانىنىڭ قازاقستان رەسپۋبليكاسىنىڭ بەلگىلەرىمەن تانىستىرۋ. ءوز ۇلتى مەن باسقا ۇلت وكىلدەرى جايىندا تۇسىنىكتەرىن مولايتۋ. ويلاۋ، ەستە ساقتاۋ قابىلەتتەرىن ارتتىرۋ. ءوز ۇلتىنا تىلىنە دەگەن سۇيىسپەنشىلىگىن ارتتىرۋ. ارداقتاي بىلۋگە تاربيەلەۋ.
كەرەكتى قۇرالدار: قازاقستان رەسپۋبليكاسىنىڭ رامىزدەرى. ۇلتتىق زاتتار، كيىمدەر. توپقا كۇزگى جاپىراقتار شاشىپ تاستاۋ.
ءادىس - تاسىلدەر: اڭگىمەلەۋ، ءتۇسىندىرۋ، سۇراق - جاۋاپ، ولەڭ تاقپاقتار ايتۋ.
سوزدىك قورى: «قازاقستان رەسپۋبليكاسىنىڭ رامىزدەرى»
ولار: ءانۇران، كوك تۋ، ەلتاڭبا
ۇلت وكىلدەرى: ورىس، قازاق.
ءىس - ارەكەت بارىسى: بالالار قولىندا ادەمى، گۇلدەنگەن قوراپشالارمەن كىرەدى...
شاتتىق شەڭبەرى: امانداسۋ.
تابيعاتىم تاماشا،
كوز تويمايدى قاراسا.
تابيعاتتى ايالاپ،
جۇرەيىنشى جاراسا.
سالەم ساعان جەر انا!
سالەم ساعان نۇرلى كۇن!
امان - ەسەن بولايىق
بەيبىتشىلىكتى قالايىق.

وي، بالالار توڭىپ كەتكەن جوقسىڭدار ما؟ مەن توڭىپ كەتتىم.
- مىنا جاپىراقتار قايدان تۇسكەن؟
- اعاشتان.
- ءتۇسى قانداي؟
- سارى.
- بۇل قاي مەزگىل؟
- كۇز مەزگىلى.
- كۇزدە كۇن سالقىندايدى، اسپاندى بۇلت تورلايدى. ءجيى - ءجيى جاڭبىر جاۋادى. ادامدار جىلى كيىنەدى. قانە بالالار كىم كۇز تۋرالى تاقپاقتار بىلەدى.

اقمارجان: التىن، سارى، قىزىل، كوك،
الۋان - الۋان جاپىراق.
كۇزگى باقتا كۇلىمدەپ،
كوز تارتادى اتىراپ.

امان: قاراشى كۇز كەلدى، كۇز كەلدى،
جاپىراق جاۋىپتى ىزدەردى.
قۇس بىتكەن كەرۋەن تىزەدى،
قارا بۇلت قاباعىن تۇيەدى.

وتە جاقسى بالالار.

تاربيەشى: - بالالار بىزبەنەن بىرگە كىرگەن كىم؟
- قاي تىلدە سويلەپ تۇر.
- ورىس تىلىندە.
- بىزدەرمەن ويىن وينادى.
- ەندى ءبىز قوناقپەن قوشتاسايىق.

بۇرىشتارعا بارىپ قازاق ەلىن بەينەلەيتىن بۇرىشتى تاۋىپ الىپ.

تاربيەشى:
- بالالار ءبىز قاي ەلدە ءومىر ءسۇرىپ جاتىرمىز؟
- قازاقستان.
- باس قالامىز ەلوردامىز قالاي اتالادى؟
- استانا
- ءبىزدىڭ ۇلتىمىز قانداي؟
- قازاق
- ءبىز قانداي تىلدە سويلەيمىز؟
- قازاق تىلىندە.

تاربيەشى: بالالار مىناۋ كەڭ بايتاق قازاقستان جەرىندە كوپ ۇلت وكىلدەرى تۇرادى.
ولار: ورىستار ت. ب. ۇلت وكىلدەرى تۇرادى.

سانجار:
انا ءتىلىڭ ارىڭ بۇل،
ۇياتىڭ بوپ تۇر بەتتە.
وزگە ءتىلدىڭ ءبارىن ءبىل،
ءوز ءتىلىڭدى قۇرمەتتە.

وتە جاقسى. قانە بالالار شەڭبەرگە تۇرايىق.
ءبىز كوپ ۇلتتى مەكەنبىز
ورتاق ءبىزدىڭ ءۇيىمىز.
ورتاق ءبىزدىڭ جەرىمىز.
جاسا قازاقستانىم
جاساسىن قازاق ەلىمىز.

تاربيەشى:
- بالالار ءار ەلدىڭ ءوز بەلگىلەرى بولادى. مىناۋ ءبىزدىڭ قازاقستان رەسپۋبليكاسىنىڭ بەلگىسى. بۇنى بالالار – رامىزدەر دەپ اتايمىز.
- ءانۇران، ەلتاڭبا، كوك تۋ.
- ەلباسىمىز كىم؟
- نۇرسۇلتان ءابىش ۇلى نازاربايەۆ.

بايتەرەكتى كورسەتۋ. استانا، بايتەرەك تۋرالى اڭگىمەلەۋ.

- بالالار استاناعا بارعاندارىڭ بار ما؟
- وندا نە كوردىڭدەر؟
- سانجار مەن استاناعا باردىم. وندا بايتەرەكتى كوردىم. توبەسىندە دوڭگەلەگى بار. قاسىنا سۋرەتكە ءتۇستىم.

ءانۇراندى ورىنداۋ. رامىزدەر تۋرالى تاقپاقتاردى ەسكە تۇسىرەيىك. اياۋلىم ەلتاڭبانىڭ قاسىنا تۇرىپ،
كوك اسپانداي كوكپەڭبەك
قازاقستان جالاۋى
كوك ەمەس ول تەكتەن - تەك
ەلدىڭ اشىق قاباعى.

رامازان:
اباي تۋعان، ساكەن تۋعان
قۇرمەتتە دوسىم قازاقتىڭ جەرىن
قامباعا جىلدا التىن ءدان قۇيعان
قازاقستان رەسپۋبليكام مەنىڭ!
بالالار ءقازىر ويىن وينايمىز.

ويىننىڭ اتى: «ءوز ءتۇسىڭدى تاپ»
ورتاعا شەڭبەر، جان - جاعىنا ءتۇرلى - ءتۇستى لەنتالار تاعىلعان. سەندەر وزدەرىڭە ۇناعان لەنتانى ۇستاي باستاڭدار. تاربيەشى باقان بولىپ كوتەرگەن كەزدە كيىز ءۇي سياقتى بولىپ شىعادى.

شاڭىراقتى كوتەرىپ
ۋىقتاردى قۇرايىق
ورىمدەي بولىپ ءورىلىپ،
كيىز ءۇي بولىپ تۇرايىق.

بالالار قۋانىپ شاتتانادى. ەندى بۇل كيىز ۇيدە نە بولۋى كەرەك. ساندىق، كورپە، دوڭگەلەك ۇستەل. ويىنىمىزدى سەرۋەندە جالعاستىرامىز.
قورىتىندىلاۋ سۇراقتارى:
- بالالار ءبىز قانداي ەلمەن تانىستىق. قاي ەل تۋرالى ايتتىق؟
- رامىزدەر قالاي اتالادى؟
- بىزگە كىم قوناققا كەلدى؟

جاقسى جاۋاپ بەرگەن بالالاردى باعالاۋ.