قازاقستاندا بالاباقشامەن قامتۋدى 15-20 پايىزعا كوبەيتۋگە مۇمكىندىك بەرەتىن 2 نورما دايىندالۋدا
قازاقستاندا بالاباقشامەن قامتۋدى 15-20 پايىزعا كوبەيتۋگە مۇمكىندىك بەرەتىن 2 نورما دايىندالۋدا. بۇل تۋرالى بۇگىن ق ر ۇكىمەتى وتىرىسىندا ەلىمىزدىڭ ءبىلىم جانە عىلىم ءمينيسترى ەرلان ساعادييەۆ ايتتى.
«رەسپۋبليكالىق، جەرگىلىكتى بيۋدجەت جانە ۇلتتىق قور قاراجاتى ەسەبىنەن اعىمداعى جىلى 49 بالاباقشا سالىنىپ، جەكەمەنشىك 438 بالاباقشا جانە شاعىن ورتالىق اشىلدى. ياعني، جەكەمەنشىك سەكتور كومەك كورسەتىپ وتىر. ول وتە قۋانىشتى»،- دەپ اتاپ ءوتتى ە.ساعادييەۆ.
وسى رەتتە مينيستر بالاباقشا قۇرىلىسى بويىنشا بيۋدجەتكە كۇش تۇسىرمەۋ جانە جەكەمەنشىك ارىپتەستىكتى دامىتۋ ماقساتىندا قولعا الىنعان جۇمىس جوسپارلارىمەن دە ءبولىستى.
«بىرىنشىدەن، جاڭا سانيتارلىق، قۇرىلىس نورمالارىن دايىنداپ، وزگەرىستەر ەنگىزەمىز. بۇل ەكى نورمامىز دايىن. ول بالاباقشامەن قامتۋدى 15-20 پايىزعا كوبەيتۋگە مۇمكىندىك تۋعىزادى. ەكىنشىدەن، بيىل رەسپۋبليكالىق بيۋدجەتتەن قوسىمشا 35 مىڭ ورىنعا مەملەكەتتىك تاپسىرىس بەرەتىن بولامىز»، - دەدى ول.
سونىمەن قاتار ە.ساعادييەۆ قازىرگى ۋاقىتتا 3 جىلدىق بيۋدجەتتىك پروسەستەرگە سايكەس جەرگىلىكتى اكىمدىكتەرمەن «بالاپان» باعدارلاماسى بويىنشا بالاباقشاداعى ورىندارعا مەملەكەتتىك تاپسىرىستى 3 جىلعا ورنالاستىرۋ مۇمكىندىگى قاراستىرىلىپ جاتقانىن ايتتى. «بۇگىنگى تاڭدا مەملەكتتىك تاپسىرىس ءبىر جىلعا عانا بەرىلەدى»، - دەدى ءبىلىم ءمينيسترى.
You Might Also Like
-
بۇگىن ۇكىمەت وتىرىسىندا پرەمەر-مينيستر باقىتجان ساعىنتايەۆ اتىراۋ وبلىسىنىڭ اكىمى نۇرلان نوعايەۆقا وڭىردەگى بالاباقشا قۇرىلىستارى بارىسىن جەكە باقىلاۋعا الۋدى تاپسىردى.
-
ۇستەل تەننيسى وتە كەڭ تاراعان ويىن. بۇل ۇستەل تەننيسىنىڭ سپورتتىق جانە قوزعالىس ويىندارى رەتىندە اسا كوپ ماتەريالدىق شىعىندى جانە سپورتتىق جارىستاردا، جاتتىعۋلاردا اسا كوپ ورىندى تالاپ ەتپەيدى. سون...
