ەلوردالىق 5 دارىندى وقۋشى ميلليونەر اتانادى
3 قازاندا م.وتەمىسوۆ اتىنداعى وقۋشىلار سارايىندا استانا قالاسىنىڭ مەكتەپتەرىندە وقيتىن، از قامتىلعان وتباسىلاردان شىققان 5 دارىندى وقۋشىعا جالپى كولەمى 5000 ەۋرونى قۇرايتىن گرانت تاپسىرىلادى.
شارا ەل تاۋەلسىزدىگىنىڭ 25 جىلدىعىنا ارنالعان «25 ىزگى ءىس» جوباسى اياسىندا قولعا الىندى، دەپ حابارلاندى قالالىق ءبىلىم باسقارماسىنان.
قايىرىمدىلىق شارانىڭ دەمەۋشىسى قازاقستان رەسپۋبليكاسىنىڭ بادەن-ۆيۋرتەمبەرگ جەرىندەگى قۇرمەتتى كونسۋلى، گەرمانيا ىسكەر ايەلدەرى قاۋىمداستىعىنىڭ مۇشەسى دوروتەيا حاللەر-لايبلە.
ايتا كەتەيىك، 2015 جىلدىڭ 22 قازانىندا گفر وكىلدىگىندە قازاقستاننىڭ گەرمانياداعى ەلشىسى بولات ءنۇسىپوۆ ق ر سىرتقى ساياساتىن دامىتۋعا قوسقان ۇلەسى ءۇشىن دوروتەيا حاللەر-لايبلەنى ءنازىر تورەقۇلوۆ اتىنداعى مەدالمەن ماراپاتتاعان بولاتىن. ول 2005 جىلى قازاقستان مەن گەرمانيا اراسىنداعى ىنتىماقتاستىقتى نىعايتۋعا جانە كەڭەيتۋگە ەلەۋلى ۇلەسىن قوستى.
ءنازىر تورەقۇلوۆ اتىنداعى مەدال 2003 جىلى ق ر ۇكىمەتىنىڭ قاۋلىسىمەن بەلگىلەنگەن جانە قازاقستان سىرتقى ىستەر مينيسترلىگىنىڭ سىرتقى ساياساتقا جانە ەكىجاقتى بايلانىستاردى نىعايتۋعا قوسقان ۇلەسى ءۇشىن بەرىلەتىن جوعارى ماراپاتى سانالادى.
You Might Also Like
-
ءاربىر مەكتەپ ءبىتىرۋشى جاننىڭ شاكىرتتىك بەينەسىن ەشبىر فوتوسۋرەتشىنىڭ كومەگىنسىز-اق سانا تۇكپىرىندە ساقتاپ قالا الاتىن ءبىر جان بار بولسا، ول - ونىڭ ۇستازى. ۇستاز - ءوزىنىڭ ەسەيگەن شاكىرتىمەن جۇزدەسىپ...
-
انافيلاكتيكالىق شوك (اش) (كوللاپس) – اسىرە سەزىمتال ورگانيزمدە انتيگەننىڭ اسەرىنەن پايدا بولاتىن وتە جەدەل جانە جۇيەلى رەاكسيا. بۇل اللەرگيالىق رەاكسيالاردىڭ I تۇرىنە جاتادى، گەموديناميكانىڭ ...
