InfoHub Logo

گازەتكە جازىلۋداعى تومەنگى كوميسسيا تەك مەملەكەتتىك قانا ەمەس، كوممەرسيالىق باسىلىمدار ءۇشىن دە قولجەتىمدى. ال، كومپانيا وكىلدەرى بولسا وقىرمانعا قىزمەت كورسەتۋدىڭ ساپاسىن جاڭا دەڭگەيگە شىعارامىز دەپ ۋادە بەرىپ وتىر. سوندىقتان «كليەنتتەر بىزگە ەمەس، ءبىز كليەنتتەرگە ءوزىمىز بارامىز» دەيدى ولار.

سونداي-اق، جازىلۋ كوميسسياسى قۇنىنىڭ تومەن بولۋى الەۋمەتتىك توپتاعى تۇرعىندارعا دەگەن قولداۋدى بىلدىرەدى.

«وسىلايشا ءبىز زەينەتكەرلەردى، بيۋدجەتتىك سالادا جۇمىس ىستەپ جۇرگەن قىزمەتكەرلەردى، ءتىپتى شاعىن بيزنەس وكىلدەرىن دە قولداۋعا نيەتتەنىپ وترمىز. ءبىزدىڭ ۇسىنىپ وتىرعان باعامىز ءقازىردىڭ وزىندە الەۋمەتتىك توپتاعى ازاماتتاردىڭ قىزىعۋشىلىعىن تۋدىرىپ وتىر»، - دەيدى كومپانياداعىلار. ولار باسىلىمدى باسپاحانادان شىققان ساتتە وقىرمانعا جونەلتەتىنىن ايتۋدا.

قازىرگى تاڭدا «ەكسپرەسس پوچتا» ج ش س رەسپۋبليكالىق 50-گە جۋىق باسىلىممەن كەلەسىمگە وتىرىپ، جۇمىس ىستەۋگە كىرىسىپ كەتكەن. ول باسىلىمداردىڭ قاتارىندا «كازاحستانسكايا پراۆدا»، «ەگەمەن قازاقستان»، «ليتەر»، «ايقىن»، «جاس الاش» سىندى كوپكە تانىمال گازەتتەر دە بار. ازىرگە كومپانيا ەلىمىزدىڭ ءىرى ءۇشى قالاسى — استانا، الماتى جانە شىمكەنتتە جۇمىس ىستەمەك. ال، جاقىن ۋاقىتتا ەلىمىزدەگى بارلىق وبلىس ورتالىقتارىندا «ەكسپرەسس پوچتانىڭ» فيليالدارى اشىلادى.