قازاقستانداعى ارنايى مەكتەپتەردىڭ اتاۋىنان «ديەۆيانتتى» ءسوزى الىنىپ تاستالدى
قازاقستاندا قۇقىقبۇزۋشىلىققا بەيىم بالالارعا ارنالعان ارنايى مەكتەپتەردىڭ اتاۋىنان «ديەۆيانتتى» ءسوزى الىنىپ تاستالدى.
«ديەۆيانتتى مىنەز-قۇلقى بار بالالارعا ارنالعان ۇيىمداردىڭ جۇمىسىنداعى تيپتىك ەرەجەلەرگە ءبىرقاتار وزگەرىس ەنگىزىلدى. بۇل رەتتە مىناعان ءمان بەرە كەتۋلەرىڭىزدى سۇرايمىز: زاڭدا بەلگىلەنگەننەن كەيىن («ق ر بالالاردىڭ قۇقىقتارىن قورعاۋ جونىندەگى قىزمەتتەردى جۇزەگە اسىراتىن ۇيىمداردىڭ قىزمەتىمەن بايلانىستى ماسەلەلەر بويىنشا كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى») اتالعان ۇيىمداردان «ديەۆيانتتى» دەگەن ءسوز الىنىپ تاستالدى. سەبەبى، بۇل ءسوزدىڭ ءوزى بالالار ءۇشىن تاڭبا سەكىلدى بولىپ كەلگەن ەدى. ارنايى مەكتەپتەن شىققاننان كەيىن بالانىڭ قۇجاتىندا بۇرىنعىشا «ديەۆيانتتى مەكەمەدەن» شىققانى تۋرالى ءسوز جازىلمايتىن بولادى. ياعني، الداعى ۋاقىتتا بالا قوعامعا ءسىڭىسىپ كەتۋىن كومەكتەسەتىن تاعى ءبىر قادام جاسالىپ وتىر»، - دەيدى بعم بالالاردىڭ قۇقىقتارىن قورعاۋ كوميتەتى بالا قۇقىقتارى جانە حالىقارالىق ىنتىماقتاستىق باسقارماسىنىڭ باسشىسى ەرجان جيرەنباي ەلوردادا وتكەن رەسپۋبليكالىق جيىندا.
ونىڭ ايتۋىنشا، بۇل باعىتتا جامبىل وبلىسىنداعى ارنايى مەكتەپ ءوز ەرەجەلەرىنە وزگەرىس ەنگىزىپ، ۇيىمنىڭ اتىنان «ديەۆيانتتى» ءسوزىن الىپ تاستاعان. ياعني، جامبىل وبلىسىنداعى ديەۆيانتتى مىنەز-قۇلقى بار بالالارعا ارنالعان ارنايى مەكتەپ - بالالار مەن جاسوسپىرىمدەرگە ارنالعان ارنايى مەكتەپ-ينتەرنات دەپ وزگەرتىلگەن.
بۇعان دەيىن ەرجان جيرەنباي بۇگىنگى تاڭدا ەلىمىزدە بالالارعا ارنالعان 8 ارنايى ءبىلىم بەرۋ مەكەمەسى بار ەكەندىگىن اتاپ وتكەن بولاتىن.
«ولاردىڭ 7ء-ى ارنايى ءبىلىم بەرۋ ۇيىمى بولسا، 8ء-شىسى شىعىس قازاقستانداعى ەرەكشە رەجىمدەگى ۇيىم. جالپى، ەلىمىزدە بۇگىنگى تاڭدا 200-گە جۋىق بالا وسى ۇيىمداردا وقىپ، تاربيەلەنىپ جاتىر. ياعني، بۇل قۇقىقبۇزۋشىلىققا بەيىم بالالار»، - دەيدى ەرجان جيرەنباي.
You Might Also Like
-
كوپ جاعدايدا ءبىزدىڭ قام-قارەكەتىمىز، تىلەك-قالاۋىمىز جانە كوڭىل كۇيىمىز ءبىزدىڭ وزىمىزگە، قورشاعان ورتاعا نەمەسە سىرتقى احۋالعا عانا ەمەس، سونداي-اق ءبىزدىڭ ورگانيزمىزدە شىعارىلاتىن ارنايى حيميالىق ز...
