قازاقستاندىق وقۋشى «كاناگاۆا» سىيلىعىنىڭ يەگەرى اتاندى
تالدىقورعان قالاسىنداعى نازاربايەۆ زياتكەرلىك مەكتەبىنىڭ وقۋشىسى داير سەرىك «Childrens Museum of Art» اتتى XX حالىقارالىق بالالار سۋرەتىنىڭ كونكۋرسىندا «كاناگاۆا سىيلىعىنىڭ» يەگەرى اتاندى. بۇل جايىندا اقپارات اتالعان مەكتەپتىڭ فەيسبۋكتەگى پاراقشاسىندا جاريالاندى.
مەكتەپ مالىمەتىنشە، جاپونيانىڭ كاناگاۆا پرەفەكتۋراسىندا وتكەن ونلاين بايقاۋعا ەۋروپا، افريكا، ازيا، امەريكا جانە وكەانيا ەلدەرىنەن 92 مەملەكەت قاتىسقان. ونەر ساباعىنىڭ ءمۇعالىمى تىلەش نامازبەكوۆتىڭ جەتەكشىلىگىمەن داير سەرىك قازىلار القاسىنىڭ مۇشەلەرىنە پەيزاج جانرىندا ورىندالدالعان «مەنىڭ تۋعان ولكەم - جەتىسۋ» جۇمىسىن ۇسىنعان.
«Childrens Museum of Art» حالىقارالىق بايقاۋىنىڭ قورىتىندىسى بويىنشا تالدىقورعان قالاسىنداعى نازاربايەۆ زياتكەرلىك مەكتەبىنىڭ وقۋشىسى داير سەرىكتىن سۋرەتى 30 مىڭ جۇمىستىڭ ىشىنەن توپ جارىپ «كاناگاۆا سىيلىعىمەن» ماراپاتتالدى.
سونىمەن قاتار، «مەنىڭ تۋعان ولكەم - جەتىسۋ» پەيزاجى ەڭ ۇزدىك شىعارمالار جيناعىنا ىرىكتەلىپ الىندى.
داير سەرىك جاپونياداعى حالىقارالىق كورمەسىنىڭ جەڭىمپازدارىن ماراپاتتاۋ راسىمىنە قاتىسۋعا شاقىرۋ الدى»، دەلىنگەن تاراتىلعان اقپاراتتا.
You Might Also Like
-
جامبىل وبلىسى مەركى اۋدانى №9 مەركى كوللەدجى «توكارلىق ءىس جانە مەتالل وڭدەۋ» ماماندىعىنىڭ بىلىمگەرى راحىموۆ نۇرباقىت نۇرجىگىت ۇلى جەتەكشىسى: بوريبايەۆا نازيرا كيديرالييەۆنا
