InfoHub Logo

دەمالۋدى جوسپارلاپ قويدىڭىز، ءبىراق دەمالىسىڭىزدى قايدا وتكىزەتىنىڭىزدى بىلمەيسىز بە؟ ەندەشە وتباسىڭىزمەن بارۋعا بولاتىن ەڭ تانىمال كۋرورتتار مەن ەلدەرگە شولۋ ۇسىنامىز.

دەمالىس الدىندا قايدا بارىپ دەمالسام ەكەن دەپ، ويىڭىز سان-ساققا بولىنگەن بولار. دەمالىستىڭ قاشاننان باستالاتىنىنا قاراماستان، جازدا قالاي دەمالۋدى، سايكەسىنشە قايدا بارۋدى جوسپارلاپ الىڭىز.

دەمالۋشىلاردىڭ كوپشىلىگى ورىن وزگەرتۋدى عانا ەمەس، سونىمەن قاتار پايدالى دەمالىس، سونداي-اق جاڭا جەرلەرمەن، ەلدەرمەن تانىسۋدى دا ارماندايدى.

قازىرگى زاماندا شەتەلگە شىعىپ، دەمالۋ قۇر قيال نەمەسە قول جەتپەيتىن نارسە ەمەسى بەلگىلى. كەيبىرەۋلەر شەت ەلدەرگە ءبىر جىلدا بىرنەشە رەت قىدىرىپ تا ۇلگەرەدى. سوندىقتان، شەتەلدە دەمالىسقا بارار كەزدە، قانداي ەلدە دەمالعان قولايلى ءارى قولجەتىمدى ەكەنىن انىقتاپ الىڭىز.

كوبىسىن بيۋدجەتتىك نۇسقالار قىزىقتىرادى، سوندىقتان وسى جازدا قازاقستاننان قاي ەلگە دەمالىسقا بارۋ قالتاڭىزعا الدەقايدا ارزانىراق  تۇسەتىنىنە توقتالا كەتەيىك. دەمالىس ورىندارىنىڭ جايلى ءارى ءتيىمدى ءتىزىمى:

بولگاريا

بۇل ەۋروپالىق ەلدە، قارا تەڭىزدىڭ جاعالاۋىندا دەمالۋدىڭ ەڭ ۇنەمدى نۇسقاسى. ۇشۋ بار بولعانى بىرنەشە ساعاتتى الادى. بارلىق قوناق ۇيلەرندە دەمالۋشىلاردى اەروۆوكزالدان دەمالىس ورنىنا تىكەلەي جەتكىزەتىن ىڭعايلى ترانسفەرى بار.

بولگاريا تۋريستتەرگە تومەندەگىلەردى ۇسىنا الادى:

1. جاعاجايداعى دەمالىس، تاۋ شاڭعى كۋرورتتارى، مينەرالدى سۋلاردا ساناتوريالىق ەمدەۋ.

2. تازا ءارى تەگىن جاعاجايلار، كوركەم تابيعات.

3. ارزان دا ءدامدى ءتۇرلى تاعامدار.

4. تومەن باعالى كيىمدەر، اياق كيىم، اكسەسسۋارلار، پارفيۋمەريا. اسىرەسە تۋريستەر اراسىندا ەرەكشە تانىمالدىلىققا ۇلتتىق كەستە سالىنعان بار زىعىر كيىمدەر، كۇمىس اشەكەيلەر، بىلعارى سومكەلەر، كلاچالار، بەلدىكتەر جانە ت.ب. يە.

5. 3 مىڭ جىلدىق تاريحى بار سوفياعا بارۋ نەمەسە 6 مىڭ جىل تولعان ءپلوۆديۆتى كورۋ مۇمكىنىگىن ەشكىم جىبەرىپ العىسى كەلمەيتىن بولار. سونداي-اق كورنەكى ورىندارى: پيرين پاركى جانە راۋشانگۇل القابى، بولگاريانىڭ يەرۋساليمى — ريلسكيي شىركەۋى.

بولگار قوناق ۇيلەرىندە دەمالۋ — جاڭا اسەر بەرەتىن ناعىز مەرەكە بولماق.

گرەكيا

گرەكيا ارزان باعادا، تاماشا ءارى تانىمدىق دەمالىس ءۇشىن تاپتىرماس ورىن. اتاپ ايتساق:
 
1. ەگەي، يون جانە جەرورتا تەڭىزدەرىنىڭ جاعاجايلارىنداعى كەرەمەت دەمالىس.

2. تاماشا جەرورتا تەڭىزىنىڭ اسحاناسى.

3. انتيكالىق ساۋلەت جانە مادەنيەتپەن تانىسۋ. گرەكيانىڭ ءاربىر بۇرىشى تۇنىپ تۇرعان اڭىز.

4. جۇمساق كليمات جانە ادەمى تابيعات.

5. تولىق قىزمەت كورسەتەتىن قوناق ۇيلەر.

6. ارزان ونىمدەر مەن قىزمەت.

7. بيۋدجەتتىك ساۋدا-ساتتىق (تابيعي تەرىدەن تىگىلگەن ادەمى تونداردى تومەن باعامەن ساتىپ الۋعا بولادى). تۋريستەر اراسىندا ەرەكشە سۇرانىسقا يە ءزايتۇن مەن ءزايتۇن مايى، ءتۇرلى دامدەۋىشتەر مەن ءشوپ شايلارى.

ءوز بەتىنشە دەمالعىسى كەلەتىندەر جەكە پاتەردى، اپارتامەنتتەردى نەمەسە كوتتەدجدەردى جالعا الا الادى.

تۋريستتەردىڭ مەككەسى — تۇركيا

بۇل ەلدىڭ كۋرورتتارى ەڭ تانىمال، مۇندا كەلۋشىلەردىڭ سانى وتە كوپ. مۇنىڭ ءبارى سەرۆيس دەڭگەيىنىڭ، دەمالىس جايلىلىعى مەن كليماتتىڭ جۇمساقتىعىنىڭ، جاعاجايلار مەن تەڭىز تازالىعىنىڭ ارقاسىندا بولار.

تۇركيا دەمالۋشىلارعا:

1. All inclusive جۇيەسىندەگى قوناق ۇيلەر.

2. بالالار ءۇشىن كوڭىلدى انيماتورلاردىڭ قىزمەتى.

3. كورنەكتى جەرلەرمەن تانىسۋ: ەجەلگى ۆيزانتيانىڭ كونە ەسكەرتكىشتەرى مەن ساۋلەتى، (وسمان يمپەرياسىنىڭ گۇلدەنۋى كەزەڭىندەگى) ۇلى سۇلتان سۇلەيمەننىڭ باسقارۋىمەن بايلانىستى تاريحي ورىندار.

4. ارزان شوپينگ. تۇركيادان بارلىعىن تابا الاسىز: تالعامىڭىزعا ساي ماتالار، التىن مەن كۇمىستەن جاسالعان اشەكەيلەر، بىلعارى جانە تەرى بۇيىمدارى. ەگەر ساۋدالاسساڭىز (ال تۇرىكتەر ساۋدالاسقاندا الدىنا جان سالمايدى)، ايتقان باعانىڭ جارتىسىنا دەيىن تۇسىرۋگە ابدەن بولادى.

5. ورىس جانە اعىلشىن تىلدەرىندە قىزمەت كورسەتىلەدى.

تۇركيادا ءوز بەتىنشە دەمالۋعا بولادى، ءبىراق تۇرعىن ءۇي ماسەلەسىن الدىن-الا كەلىسىپ العان ءجون. سەبەبى باعالار ماۋسىمعا جانە جاعاجايلاردىڭ الىستىعىنا بايلانىستى ۇنەمى وزگەرىپ وتىرادى.

مىسىر

تۇركياعا باستى باسەكەلەس ەلدىڭ ءبىرى. «ءبارى قوسىلعان» قاعيداتى بويىنشا ساپالى قىزمەت كورسەتۋمەن جانە دەمالىس بيۋدجەتتىگىمەن تانىمال.
مىسىر تۋريستەردى مىناداي ۇسىنىستارمەن تارتادى:

1. بىرەگەي جانە ءار ءتۇرلى بولعان وسىمدىك پەن جانۋار الەمىمەن، قىزىل جانە جەرورتا تەڭىزدەرىمەن كەز-كەلگەن دەمالۋشىنى قىزىقتىرارى ءسوزسىز. بۇل جەرگە دايۆينگ اۋەسقويلارى كوپتەپ كەلەدى، سەبەبى بۇل جەرلەردىڭ ەكولوگيالىلىعى سۋ استى الەمىنىڭ جانە ونىڭ تۇرعىندارىنىڭ سۇلۋلىعى ءلاززات الۋعا تولىق مۇمكىندىك بەرەدى.

2. افريكا ءوزىنىڭ ەكزوتيكالىق كورىكتى جەرلەرىمەن كوز تارتادى. پەرعاۋىننىڭ پيراميداسىن (مىسالى ۇلى سفينكستى) تاماشالاۋدى، شولدەگى بادەۋيندەردىڭ ءومىرىن كورۋدى، تۇيەلەرگە وتىرىپ سەرۋەندەۋدى كىم ارماندامايدى دەرسىڭ.

3. دامىعان ينفراقۇرىلىمى بار.

4. قالتا كوتەرەرلىك شوپينگ. مىسىردان تۋريستەر تۇيەلەردىڭ تەرىسىنەن جانە جۇنىنەن جاسالعان زاتتاردى، قولمەن توقىلعان كىلەمدەردى، حوش ءيىستى مايلاردى، اشەكەيلەردى، پاپيرۋستار مەن كاليانداردى كوپتەپ ساتىپ الادى.

مىسىر تۋريستەر ءۇشىن جىل بويى اشىق. كوكتەمگى، قىسقى كەزەڭدەردە باعا جاز ماۋسىمىنا قاراعاندا ارزانىراق بولاتىنى انىق. ءبىراق، قوناق ءۇيدى جالداۋ تۋرالى الدىن الا ويلانعان دۇرىس. وسىلايشا مىسىردا كەرەمەت دەمالىس وتكىزۋگە بولادى.

تايلاند

تۋريستەرگە قولايلى، ەرەكشە مادەنيەتى بار ەكزوتيكالىق ازيالىق ەل. مۇندا دەمالۋشىلاردى قىزىقتىراتىن دۇنيەلەر از ەمەس:

1. ءۇندى مۇحيتىنىڭ سۇلۋلىعى.

2. ەلدىڭ داستۇرلەرىمەن، بىرەگەي شىعىس مادەنيەتىمەن، كورنەكتى ورىندارىمەن، سونداي-اق ساۋلەتىمەن تانىسۋ.

3. سپا-قىزمەتتەردىڭ كەڭەيتىلگەن كەشەنىن قابىلداۋ، سونىڭ ىشىندە ەكزوتيكالىق، مىسالى: پىلمەن جاسالاتىن ماسساج.

4. ارزان شوپينگ.  جەرگىلىكتى بازارلار جىبەك، كۇمىس بيجۋتەريا، ءىنجۋ جانە اسىل تاستارمەن اشەكەيلەنگەن ساپالى زاتتاردى، فارفوردان جاسالعان بۇيىمداردى ۇسىنا الادى.

5. ارزان ازىق-تۇلىكتەر، اسىرەسە جەمىستەر.

مامىر ايىنىڭ ورتاسىنان باستاپ قىركۇيەككە دەيىن تايلاندتا ماۋسىمارالىق كەزەڭ. بۇل كەزەڭدە دەمالۋعا باعا بىرنەشە ەسە تومەندەيتىنى بار.

ءۇندىستان

ءۇندىستانعا دەمالۋشىلار تەك جاعاجايلاردا قىزدىرىنۋ ءۇشىن عانا ەمەس، سونىمەن-قاتار وسى ەلدىڭ تاريحي جانە مادەني ەسكەرتكىشتەرىمەن تانىسۋ ءۇشىن بارادى.

ءۇندىستان تۋريستتەرگە نە ۇسىنا الادى:

1. گوا، كەرالا جانە گوكارنا ارالدارىنىڭ جاعاجايلارىنداعى ۇمىتىلماس دەمالىس. اپپاق قۇم جانە كوك مۇحيتتىڭ كورىنىسى كەرەمەت جانە ەرەكشە.

2. قالتاعا قالىڭ تۇسپەيتىن دەمالىس.

3. ءار ءتۇرلى ەكسكۋرسيالار. ءۇندىستاندا باراتىن جەرلەر كوپ-اق: تادج-ماحال، ادجانت ۇڭگىرى، دجايسالمەر فورتى، التىن حرام (حارماندير-ساحيب)، ۆيرۋپاكشي حرامى، يتەماد-ۋد-داۋلى مازارى، پيكولا كولى سارايى جانە ت.ب.

4. شوپينگ. ءۇندىستاندا كاشەمير، كىلەم، جىبەك ساري، ءشالى جانە بەلدەمشە، زىعىر سارافاندار مەن كويلەكتەر، دامدەۋىشتەر، بامبۋكتان، ساندال اعاشى جانە ءۇندى جاڭعاقتارىنان جاسالعان ءتۇرلى مۇسىندەر، اشەكەيلەر ساتىپ الۋعا بولادى. زاتتار ساپاسى جوعارى، ال باعاسى تومەن.

ءۇندىستانعا ساياحات جاساۋدا قازاقستاندىقتار ءۇشىن ءبىر قولايسىزدىق بار، ول — ۆيزا اشۋ. سوندىقتان مۇنداي ساپارعا الدىن الا دايىنىق  كەرەك.

شري-لانكا

سەيلون شايىن جاقسى كورەسىز بە؟  ەندەشە، شاي جاپىراقتارى جينالاتىن ەلگە بارۋىڭىز كەرەك. شري-لانكا — ءۇندىستاننىڭ ارالدىق كورشىسى.

بۇل ەل نەسىمەن تارتىمدى:

1. تروپيكالىق كليماتىمەن، تازا ءارى اپپاق جاعاجايلار، اشىق كوك مۇحيتىمەن.

2. ەجەلگى بۋددا حرامدارىنا، شاي پلانتاسياسىنا جاسالاتىن ەكسكۋرسيالارىمەن.

3. جالداۋ قۇنى الدەقايدا ارزان قوناق ۇيلەرى، سونداي-اق، تۇرعىن ءۇيدى ارزان باعامەن ءوز بەتىنشە الۋعا مۇمكىندىگىمەن.

4. كوز تارتارلىق جانە ارزان اشەكەيلەرىمەن، بىلعارىدان جاسالعان بۇيىمدار، تابيعي شايىمەن.

بۇل ەلگە ساياحاتىڭىز ءساتتى بولسىن دەسەڭىز، اۋە بيلەتى تۋرالى الدىن الا ويلاپ، قامدانىپ العانىڭىز ءجون.

وسى ۇسىنىستاردى قاراپ، قاي ەلگە باراتىنىڭىزدى سارالاپ الىڭىز. جەكە دەمالىستا تاجىريبەسى جوق ادامداردىڭ تۋريستىك وپەراتورلارعا جۇگىنۋىنە بولادى. باسقا ەلدەرگە بىرنەشە رەت ۇشقان جانە باعالارمەن ەتەنە تانىس ادامدار وزىنە تاماشا جازعى دەمالىس جاساي الاتىنى ءسوزسىز.

وقۋعا كەڭەس بەرەمىز:

قازاقستاننىڭ كوز تويماس كورىكتى جەرلەرى

ادامنىڭ كوبى بىلە بەرمەيتىن 10 ەل

قازاقستاننىڭ كوز جاۋىن الار مەكەندەرى

جالعىز ساياحاتتاۋعا بولاتىن الەمدەگى ەڭ ءقاۋىپسىز ەلدەر

حالقى ەڭ تىعىز شوعىرلانعان الەمنىڭ 15 قالاسى

الەمدەگى سۋرەتكە ءجيى تۇسىرىلەتىن 25 قالا

الەمدەگى ەڭ تاڭعاجايىپ 16 شاعىن ەلدىمەكەن

امستەردام قالاسى تۋرالى قىزىقتى دەرەكتەر

الەمنىڭ ەڭ كىشكەنتاي التى قالاسى

تانىمال كورىكتى جەرلەردىڭ ىشكى كورىنىسى

---