ادامنىڭ ءبارى وڭباعان ەمەس!
يانۋش كورچاك. پولشالىق پeدaگoگ، جازۋشى جانە دارىگەر. امان قالاتىن جاعدايى بولا تۇرا، ودان ءۇش رەت باس تارتقان ادام.
ءبىرىنشى رەت يانۋش پولشا وككۋپاسيالانار الدىندا، ناسيستەرمەن بولعان سوعىستان الدىن «جەتىمدەر ءۇيىن» قاراۋسىز قالدىرماۋ ءۇشىن، ەلدەن كەتپەۋگە بەل بۋدى.
ەكىنشى رەت — ۆارشاۆالىق گەتتودان قاشىپ كەتۋدەن باس تارتتى.
ال ءۇشىنشى رەت — جەتىمدەر ءۇيىنىڭ بارلىق بالالارى لاگەرگە باراتىن پويىزعا مىنگىزىلىپ قويعان كەزدە، كورچاكقا ناسيست، سس وفيسەرى كەلىپ:
— «كورول ماتيۋشتى» ءسىز جازدىڭىز ەمەس پە؟ ول كىتاپتى مەن كىشكەنتاي كەزىمدە وقىعانمىن. جاقسى كىتاپ. ءسىز بوسسىز، — دەدى.
— بالالار شە؟
— بالالار كەتەدى. ءبىراق ءسىز ۆاگوننان ءتۇسىپ قالساڭىز بولادى.
— قاتەلەسىپ تۇرسىز. بولمايدى. ادامنىڭ ءبارى وڭباعان ەمەس.
بىرنەشە كۇن وتكەن سوڭ، ترەبلينكا كونسلاگەرىندە كورچاك بالالارمەن بىرگە گاز كامەراسىنا كىردى. اجالىنا بارا جاتىپ، كورچاك ەڭ كىشى ەكى بالاقايدىڭ جانىندا بولىپ، جاماندىقتان ەش حابارى جوق سابيلەرگە ەرتەگىلەر ايتتىپ جاتتى.
جالپى العاندا، كورچاكتىڭ وسى قىلىعىنان-اق قانداي ادام بولعانىن بىلۋگە بولادى. وسى تاماشا كىسىنىڭ بالالاردى تاربيەلەۋ ءۇشىن قولدانۋعا كەڭەس بەرگەن 10 وسيەتىن وقىپ شىعۋدى ۇسىنامىز.
1. بالادان ءوزىڭ سياقتى نەمەسە ءوزىڭ قالاعان ادام بولۋىن كۇتپە. وعان سەن ەمەس، ءوزى بولىپ كەتۋىنە كومەكتەس.
2. بالاعا ىستەگەنىڭنىڭ ءبارى ءۇشىن اقى تالاپ ەتپە. سەن ونى دۇنيەگە اكەلدىڭ، ەندى ول قالاي العىسىن ءبىلدىرىپ، سەنى رازى ەتە الادى؟ ول باسقا بىرەۋگە، باسقا بىرەۋ — تاعى بىرەۋگە ءومىر سىيلايدى، مىنە وسى العىستىڭ قايتىمسىز زاڭى بولماق.
3. قارتايعاندا بارماعىڭدى شايناپ وتىرماۋ ءۇشىن ءوزىڭنىڭ جابىر-رەنىشىڭنىڭ كەگىن بالاڭنان الما. سەبەبى نە ەكسەڭ — سونى وراسىڭ.
4. ونىڭ قيىندىقتارىنا جوعارىدان قاراما. ءومىر اركىمگە شاماسىنا قاراي بەرىلگەن جانە كۇمانىڭ بولماسىن — ول سەنەن كەم قينالىپ جۇرگەن جوق، سەنەن كوبىرەك قينالىپ ءجۇرۋى دە مۇمكىن، ويتكەنى ونىڭ ومىرلىك تاجىريبەسى از.
5. قورلاپ، كەمسىتپە!
6. ادامنىڭ ەڭ ماڭىزدى جۇزدەسۋلەرى — ونىڭ بالالىرىمەن بولعان كەزدەسۋلەرى. ولارعا كوبىرەك كوڭىل ءبول — بالادان كىم شىعارىن ءبىز ەشقاشان بىلە المايمىز.
7. بالاڭ ءۇشىن ءبىر نارسەنى ىستەي الماساڭ ءوزىڭدى قيناما، ءبىراق مىنا نارەنى ەستەن شىعارما: ەگەر بالا ءۇشىن مۇمكىن بولعاننىڭ ءبارى جاسالماسا، دەمەك، ىستەگەنىڭ جەتكىلىكسىز.
8. بالا — بار بولمىسىڭدى يەلەنىپ الاتىن تيران نەمەسە تەك كىندىگىڭنەن تاراعان ۇرپاعىڭ عانا ەمەس. ساقتاپ جانە جاسامپازدىق جالىنىن ءوشىرىپ الماۋىڭ ءۇشىن، ساعان ءومىردىڭ بەرگەن اسىل زاتى. بۇل «ءبىزدىڭ بالامىز»، «ءوزىمنىڭ بالام» ەمەس، امانات ەتىلىپ بەرىلگەن جان، اناسى مەن اكەسىنىڭ رياسىز ماحابباتى.
9. بوتەن بالانى جاقسى كورە ءبىل. ءوز بالاڭا ىستەمەسىن دەگەندى وزگە بالاعا دا ەشقاشان ىستەمە.
10. بالاڭ قانداي — دارىنسىز، قىرسىق شالعان، ەرەسەك بولسا دا، جاقسى كور. ونىمەن ارالاس — قۋان، ويتكەنى بالا دەگەن — قازىرگە قاسىڭدا جۇرگەن شاتتىق.
You Might Also Like
-
تەمەكى تارتۋ ولىممەن اياقتالاتىن كوپتەگەن اۋرۋلاردىڭ اسقىنۋىنىڭ باستى سەبەبى. ددسۇ (دۇنيەجۇزىلىك دەنساۋدىق ساقتاۋ ۇيىمى) ستاتيستيكاسىنا جۇگىنسەك، بۇكىل الەمدە جىل سايىن تەمەكى تارتۋدان 6 ميلليونعا ج...
-
شورتانباي — شىعارماشىلىق جولى كۇردەلى، ءوز زامانىنىڭ ۇلى اقىندارىنىڭ ءبىرى. سوندىقتان دا ونىڭ ولەڭدەرىن، شىعارماشىلىق جولىن ءتۇسىنۋ بىزگە وڭايعا تۇسكەن جوق. كوممۋنيستىك يدەولوگيا رەجيمى تۇسىندا ...
