InfoHub Logo

ءال-فارابي اتىنداعى قازۇۋ - جاڭا ءبىلىم، پروگرەسسيۆتى يدەيالار مەن تەحنولوگيالار تۋىندايتىن ءىرى عىلىمي، ءبىلىم بەرۋ جانە يننوۆاسيالىق ورتالىقتاردىڭ ءبىرى. ۋنيۆەرسيتەتتە جوعارى بىلىكتى ماماندار دايارلاۋعا، الەمدىك ءبىلىم كەڭىستىگىنە ودان ءارى ينتەگراسيالانۋعا، ىرگەلى جانە قولدانبالى زەرتتەۋلەردى دامىتۋعا، ولاردى وندىرىسكە ەنگىزۋگە باعىتتالعان وراسان زور بىلىمدىك، عىلىمي، رۋحاني، يننوۆاسيالىق جانە وندىرىستىك الەۋەت قالىپتاسقان.

ءال-فارابي اتىنداعى قازۇۋ - قازاقستاندىق ۋنيۆەرسيتەتتەردىڭ باس رەيتينگىنىڭ تۇراقتى جەتەكشىسى، ال الەمدىك رەيتينگتە قازۇۋ QS World University Rankings حالىقارالىق رەيتينگتىك اگەنتتىگىنىڭ زەرتتەۋ ناتيجەلەرى بويىنشا قازۇۋ قازىرگى تاڭدا 800 ۇزدىك ۋنيۆەرسيتەتى اراسىندا 165 ورىنعا يە بولدى. ۋنيۆەرسيتەت باسشىلىعى مۇنىمەن توقتاپ قالماي، قازۇۋ-دىڭ وقۋ ۇدەرىسى مەن قىزمەتىن ودان ءارى وڭتايلاندىرۋ ۇستىندە، بۇل ۋنيۆەرسيتەتكە رەسپۋبليكاداعى ءبىلىم بەرۋ مەكەمەلەرى اراسىندا عانا ەمەس، سونىمەن قاتار الەمدىك رەيتينگتە العا جىلجۋعا مۇمكىندىك بەرۋدە. ۋنيۆەرسيتەت رەيتينگىن ودان ءارى كوتەرۋ ماقساتىندا، باسشىلىق سەنىمدى اقپاراتتىق تەحنولوگيالار ينفراقۇرىلىمىن قۇرۋدى، اقپاراتتىق قىزمەتتەردىڭ تيىمدىلىگىن قامتاماسىز ەتۋدە ينتەللەكتۋالدى جەلىلىك ينفراقۇرىلىمدى قۇرۋدا سەرۆەرلىك سايتتىڭ ونىمدىلىگىن ارتتىردى.  ۋنيۆەرسيتەت جوعارى تەحنولوگيالار اۋماعىن قۇرىپ، الدىڭعى قاتارلى تەحنولوگيالىق شەشىمدەردى دايارلاۋ مەن يننوۆاسيالىق ونىمدەردى وندىرىسكە ەنگىزۋ پلاتفورماسىنا اينالدى.

مەن قازىرگى تاڭدا قازۇۋ-ندە ەكونوميكا جانە بيزنەس جوعارى مەكتەبى «مەنەدجمەنت» كافەدراسىندا مەنەدجمەنت ماماندىعى بويىنشا 4 جىل بويى ءبىلىم الىپ كەلەمىن. وسى جىلدار ىشىندە مەن ءوز ماماندىعىم اينالاسىندا كوپتەگەن مۇمكىندىكتەردى قولدانا الدىم دەپ ايتا الامىن. «مەنەدجمەنت» كافەدراسى تەك پاندىك ساباقتارمەن عانا شەكتەلمەي، پراكتيكالىق جاعىنان مۇمكىندىكتەر ۇسىنا الدى، داعدىلرىمىزدى جەتىلدىرۋ ماقساتىندا كوپتەگەن حالىقارالىق دەڭگەيدەگى ونلاين كۋرستىق ساباقتارعا  تەگىن وقۋعا مۇمكىندىكتەر جاسادى. ءار ءتۇرلى كومپانيا جەتەكشىلەرىمەن اشىق ساباقتار وتكىزىپ، ستۋدەنتتەردىڭ ياعني، ءبىزدىڭ كوكەيىمىزدەگى سۇراقتارعا جاۋاپ الۋعا، قورقىنىشتى جەڭۋگە،  قىزىعۋشىلىعىمىزدى وياتۋعا كومەكتەستى. ەڭ باستىسى، بولاشاققا دەگەن ءۇمىتىمىزدى جاندىرا ءبىلدى.

ەلباسى نۇرسۇلتان ءابىش ۇلى نازاربايەۆ: «ءال-فارابي اتىنداعى قازۇۋ – قازاقستاننىڭ جوعارى ءبىلىم بەرۋ جۇيەسىنىڭ ىرگەتاسى» دەمەكشى، بۇگىندە ءال-فارابي اتىنداعى قازۇۋ حالىقارالىق عىلىم جانە ءبىلىم بەرۋ كەڭىستىگىندە ءوزىنىڭ لايىقتى ورنىن الىپ، جوعارى ءبىلىم سالاسىنداعى الەمدىك كوشباسشى ۋنيۆەرسيتەتتىڭ بىرىنە اينالدى.

كۋپەشوۆا ساۋلە ەكونوميكا عىلىمدارىنىڭ كانديتاتى،اعا وقىتۋشى

تاشوۆا قارلىعاش قازۇۋ «مەنەدجمەنت» كافەدراسىنىڭ cتۋدەنتى

---