InfoHub Logo

كۇندەلىكتى ساباق جوسپارى، گەوگرافيا 8 سىنىپ
تاقىرىپتار:
21 - ساباق. قازاقستاننىڭ كليماتى. كليمات قالىپتاستىرۋشى فاكتورلار. كۇن رادياسياسى.
22 - ساباق. اتموسفەرانىڭ سيركۋلياسياسى. اۋا ماسسالارى. اۋانىڭ قىسىمى جانە جەلدەر. قازاقستان اۋماعىندا اۋا تەمپەراتۋراسىنىڭ تارالۋى
23 - ساباق. قازاقستان اۋماعىندا اتموسفەرالىق جاۋىن-شاشىننىڭ تارالۋى. كليماتتىڭ ادام ءومىرى مەن شارۋاشىلىق ارەكەتىنە تيگىزەتىن اسەرى.
24 - ساباق. اگروكليماتتىق قورلار. پاۆلودار وبلىسىنىڭ كليماتى جانە كليمات قۇرۋشى فاكتورلار.
25 - ساباق. №4 ساراماندىق جۇمىس. قايتالاۋ ساباعى

سىنىپ: 8
تاقىرىبى: قازاقستاننىڭ كليماتى. كليمات قالىپتاستىرۋشى فاكتورلار. كۇن رادياسياسى.
بىلىمدىلىك. وقۋشىلارعا قازاقستان كليماتىنىڭ ەرەكشەلىكتەرىن ءتۇسىندىرۋ. كليمات قۇرۋشى فاكتورلار تۋرالى بىلىمدەرىن جۇيەلەۋ جانە «كۇن رادياسياسى» ۇعىمىن قالىپتاستىرۋ. كۇن رادياسياسىنىڭ تۇرلەرىمەن (تۋرا، شاشىراندى، جيىنتىق) تانىستىرۋ. قازاقستان اۋماعىندا كۇن رادياسياسىنىڭ تارالۋ زاڭدىلىقتارىن ءتۇسىندىرۋ.
دامىتۋشىلىق. قازاقستان اۋماعىنداعى جيىنتىق كۇن رادياسياسىنىڭ كارتاسى مەن فيزيكالىق كارتاسىن سالىستىرىپ، سايكەستەندىرۋ ارقىلى يكەمدىلىكتەرى مەن داعدىلارىن دامىتۋ..
تاربيەلىك. ءوز وتانى تۋرالى بىلىمدەرىن تەرەڭدەتە كەلە، وتانسۇيگىشتىك قاسيەتتەرىن ارتىرۋ، گەوگرافيالىق مادەنيەتكە تارتۋ.
ساباق ءتۇرى: ارالاس ساباق
ساباقتى ۇيىمداستىرۋ فورماسى: ءفرونتالدى
ساباقتى جۇرگىزۋ ءادىس - تاسىلدەرى: رەپرودۋكتيۆتى، پروبلەمالىق
قۇرال - جابدىقتار: قازاقستاننىڭ فيزيكالىق كارتاسى، قازاقستان اۋماعىنداعى جيىنتىق كۇن رادياسياسىنىڭ كارتاسى
نەگىزگى ۇعىمدار: كليمات، كليمات قالىپتاستىرۋشى فاكتورلار: گەوگرافيالىق ەندىك، اۋا ماسسالارى، كليماتقا مۇحيتتار مەن اعىستاردىڭ، جەر بەدەرى مەن بيىكتىكتىڭ اسەرى
نومەنكلاتۋرا:

ساباقتىڭ بارىسى:
1. ۇيىمداستىرۋ كەزەڭى
وقۋشىلارمەن امانداسۋ. تۇگەندەۋ. ساباققا دايىندىعىن تەكسەرۋ. پسيحولوگيالىق دايىندىعىن تەكسەرۋ.
2. جاڭا تاقىرىپقا كوشۋ كەزەڭى
بۇرىنعى وتكەن سىنىپتاردى ەسكە ءتۇسىرۋ سۇراقتارى:
1) كليمات دەگەنىمىز نە؟ ول قانداي كليمات قۇرۋشى فاكتورلارعا تاۋەلدى؟ كليماتتىڭ قالىپتاسۋىنا گەوگرافيالىق ەندىك پەن جەر بەدەرىنىڭ ءرولى قانداي؟
2) قازاقستان قانداي كليماتتىق بەلدەۋدە ورنالاسقان؟ قازاقستان اۋماعىنىڭ مۇحيتتاردان الىس ورنالاسۋى ونىڭ كليماتىنا قالاي اسەر ەتەدى؟

3. جاڭا تاقىرىپتى مەڭگەرۋ كەزەڭى.
سۇراقتارعا جاۋاپ الا وتىرىپ، وقۋشىلاردى كليماتتىڭ قالىپتاسۋ سەبەپتەرىن، كليمات قۇرۋشى فاكتورلار اراسىنداعى سەبەپ - سالدار بايلانىستارىن اشۋعا ۇيرەتەدى. قازاقستان كليماتىنىڭ ەرەكشەلىگىنە سيپاتتاما بەرەدى: قازاقستان كليماتى شۇعىل كونتينەنتتى، قازاقستان كليماتىنىڭ قالىپتاسۋىنا نەگىزگى ءۇش فاكتور اسەر ەتەدى: كۇن رادياسياسى، اتموسفەرا سيركۋلياسياسى، توسەنىش بەتىنىڭ سيپاتى.
وقۋشىلارعا سۇراق قويادى: جەر بەتىندەگى تىرشىلىك ءۇشىن كۇننىڭ قانداي ءرولى بار؟ كۇن رادياسياسى ۇعىمىنا انىقتاما بەرىپ، ولشەم بىرلىگىن ايتادى: رادياسيا دەگەنىمىز نە؟

4. جاڭا تاقىرىپتى بەكىتۋ كەزەڭى
كۇن رادياسياسىنىڭ گەوگرافيالىق ەندىك بويىنشا تارالۋىندى وقۋلىقتىڭ 84 - 85 بەتتەرىندەگى قازاقستان اۋماعىنىڭ جيىنتىق كۇن رادياسياسى كارتاسىمەن جۇمىس ىستەۋگە تاپسىرما بەرەدى:
1. كارتادان پەتروپاۆل، استانا، قاراعاندى، جەزقازعان، تاراز جانە شىمكەنت، قالالارىنىڭ جيىنتىق كۇن رادياسياسىنىڭ مولشەرىن انىقتاڭدار.
2. قازاقستان اۋماعىنداعى 66° مەريديان بويىنشا وڭتۇستىكتەن سولتۇستىككە قاراي جيىنتىق رادياسيا مولشەرى قالاي وزگەرەدى؟
3. ءبىر ەندىك بويىندا ورنالاسقان الماتى جانە ۆلاديۆوستوك قالالارىندا جيىنتىق رادياسيانىڭ مولشەرى نە سەبەپتەن ءار ءتۇرلى؟
4. الىنعان فاكتىلەردى پايدالانا وتىرىپ جيىنتىق رادياسيانىڭ تارالۋ زاڭدىلىقتارى تۋرالى قورىتىندى شىعارىڭدار.

5. ساباقتى قورىتىندىلاۋ كەزەڭى
1. قازاقستان كليماتىنىڭ قالىپتاسۋىنا قانداي فاكتورلار اسەر ەتەدى؟
2. كۇن رادياسياسىنىڭ تۇرلەرى قانداي؟

6. باعالاۋ كەزەڭى
ساباق بارىسىندا بەلسەندى قاتىسىپ وتىرعان جانە كارتامەن جۇمىس ىستەگەن وقۋشىلار باعالانادى.
7. ۇيگە تاپسىرما بەرۋ كەزەڭى
كەسكىن كارتاعا جيىنتىق كۇن رادياسياسىن ءتۇسىرۋ.



تولىق نۇسقاسىن قاراۋ