InfoHub Logo

2020 جىلدىڭ 6-9 ءساۋىرى ارالىعىندا ءال-فارابي اتىنداعى قازاق ۇلتتىق ۋنيۆەرسيتەتىندە، سونىڭ ىشىندە تاريح، ارحەولوگيا جانە ەتنولوگيا فاكۋلتەتىندە ستۋدەنتتەر مەن جاس عالىمداردىڭ ءداستۇرلى «فارابي الەمى» كونفەرەنسياسى بولىپ ءوتتى. جىل سايىن تۇراقتى تۇردە وتەتىن كونفەرەنسيانىڭ بيىلعى جىلى ەكى ەرەكشەلىگى بولدى. بىرىنشىدەن، كونفەرەنسيا ءال-فارابيدىڭ 1150 جىلدىق مەرەيتويى قۇرمەتىنە ارنالدى، سوندىقتان دا كونفەرەنسيا اياسىندا ءال-فارابيدىڭ عىلىمي مۇراسىن زەرتتەۋ مەن زەردەلەۋگە ارنالعان ءار ءتۇرلى تاقىرىپتار كەڭىنەن قامتىلدى. سونىمەن بىرگە، كونفەرەنسيا باعدارلاماسى بويىنشا ءال-فارابيدىڭ رۋحاني جانە عىلىمي مۇراسى ماسەلەسىن تالقىلاۋعا ارنالعان بىرنەشە دوڭگەلەك ۇستەلدەر ۇيىمداستىرىلدى. اتاپ ايتقاندا: «ءال-فارابي جانە باقىتقا جەتۋ فيلوسوفياسى» (مودەراتورى: ت.ع.ك.، دوسەنت كارتابايەۆا ە.ت.)، «وتىراردىڭ اڭىزى مەن اقيقاتى» (مودەراتورى: ت.ع.ك.  مۋحاجانوۆا ت.ن.)، ورىس توپتارىندا «ال-فارابي ي ەگو ۆزگليادى نا رازۆيتيە وبششەستۆا ي چەلوۆەكا» (مودەراتور: ك.ي.ن.، دوسەنت مييمانبايەۆا ف.ن.)، «دۋحوۆنو-ەتيچەسكيە نورمى ال-فارابي ۆ سەننوستنوم يزمەرەنيي ۋنيۆەرسيتەتسكوگو وبرازوۆانيا كازنۋ» (مودەراتور: ك.ي.ن.، دوسەنت نۋرپەيسوۆا ب.ە.).

بيىلعى جىلعى ستۋدەنتتىك عىلىمي كونفەرەنسيانىڭ ەكىنشى ەرەكشەلىگى – ونىڭ ونلاين فورماتىندا ءوتۋى بولدى. وزدەرىڭىزگە بەلگىلى، الەمدى كوروناۆيرۋس ىندەتى جايلاپ وتىرعان جاعدايدا، 2020 جىلدىڭ 16 ناۋرىزىنان باستاپ ەلىمىزدە توتەنشە جاعداي ەنگىزىلگەن بولاتىن. وسىعان بايلانىستى باسقا دا وقۋ ورىندارى سياقتى ءال-فارابي اتىنداعى قازۇۋ دا قاشىقتىقتان وقىتۋ فورماتىنا ءوتىپ، تەك ساباقتار عانا ەمەس، بارلىق باسقا دا  شارالار وسى فورماتتا وتكىزىلۋدە. وسى ورايدا، ءداستۇرلى «فارابي الەمى» ستۋدەنتتەر مەن جاس عالىمدار عىلىمي كونفەرەنسياسى دا ونلاين-كونفەرەنسيا فورماتىندا ۇيىمداستىرىلدى. مەنىڭ جەتەكشىلىگىمدەگى، ەجەلگى دۇنيە جانە ورتا عاسىرلار تاريحىنىڭ وزەكتى ماسەلەلەرىمەن اينالىساتى «نيكا» اتتى عىلىمي ستۋدەنتتىك كلۋبتىڭ ۇيىمداستىرۋمەن وتكىزىلگەن «انتيكا ءداۋىرى جانە ورتا عاسىرلارداعى الەم تاريحى» سەكسياسىنىڭ جۇمىسىنا بارلىعى 12 ستۋدەنت قاتىستى. سەكسيا بارىسىندا وسى كەزەڭنىڭ ءار ءتۇرلى وزەكتى تاقىرىپتارى بويىنشا ستۋدەنتتەردىڭ دايىنداعان باياندامالارى تىڭدالدى. ەڭ ءبىر قىزۋ تالقىلاۋ تۋعىزعان باياندامالار: 2 كۋرس ستۋدەنتى باتيحانوۆ بەرىكتىڭ «ءال-فارابي جانە باقىتقا جەتۋ جولى» (عىلىمي جەتەكشىسى: ت.ع.ك.، دوسەنت قارتابايەۆا ە.ت.)،  4 كۋرس ستۋدەنتى نابيدۋللا جاندوستىڭ  «توماززو كامپانەللانىڭ الەۋمەتتىك-گۋمانيستىك يدەيالارى» (عىلىمي جەتەكشىسى: ت.ع.د.، پروف. جۇماعۇلوۆ ق.ت.)، 2 كۋرس ستۋدەنتى اسقاروۆا بوتاگوزدىڭ «ورتاعاسىرلىق تۇركىلەر تاريحىنداعى حازارلاردىڭ ورنى» (عىلىمي  جەتەكشىسى: ت.ع.ك.، دوسەنت قارتابايەۆا ە.ت.)، 2 كۋرس ستۋدەنتى داۆۋتوۆا گۋلينۋردىڭ «وتنوشەنيە ك دەتيام ۆ سرەدنيەۆەكوۆوي ەۆروپە» (عىلىمي جەتەكشىسى ت.ع.ك.، دوس. ميي̆مانبايەۆا ف.ن.)، 4 كۋرس ستۋدەنتى ازيم ارۋجاننىڭ «ەفتاليتتەردىڭ ساياسي تاريحى» (جەتەكشىسى: ت.ع.ك.، دوسەنت مۋحاجانوۆا ت.ن.) بولدى.

سەكسيا ءماجىلىسى اياقتالىسىمەن، «نيكا» ستۋدەنتتىك عىلىمي كلۋبىنىڭ ۇيىمداستىرۋىمەن «ءال-فارابي جانە باقىتقا جەتۋ فيلوسوفياسى» اتتى دوڭگەلەك ۇستەل وتكىزىلدى. دوڭگەلەك ۇستەل بارىسىندا نەگىزگى سپيكەرلەر: 3 كۋرس ستۋدەنتى امانۋللا ەڭلىك جانە 2 كۋرس ستۋدەنتى باتيحانوۆ بەرىك ءال-فارابيدىڭ باقىتقا جەتۋ فيلوسوفياسى بويىنشا قىسقاشا باياندامالار جاسادى. دوڭگەلەك ۇستەل بارىسىندا ستۋدەنتتەر ءال-فارابيدىڭ باقىتقا جەتۋ فيلوسوفياسىن تالداي وتىرىپ، وزدەرىنىڭ باقىت تۋرالى كوزقاراستارىن دا ورتاعا سالدى.

جالپى، ءال-فارابيدىڭ 1150 جىلدىق مەرەيتويىنا ارنالعان «فارابي الەمى» ستۋدەنتتەر مەن جاس عالىمداردىڭ ونلاين-كونفەرەنسياسى قىزۋ تالقىلاۋلارمەن، جوعارى دەڭگەيدە ءوتتى. كونفەرەنسيا قورىتىندىسى بويىنشا ستۋدەنتتەردىڭ عىلىمي جۇمىستارى ءار ءتۇرلى ماراپاتتاۋلارعا ۇسىنىلدى.

 كونفەرەنسيا جۇمىسىنا بايلانىستى جاسايتىن ەڭ باستى  قورىتىندىمىز – مىنا، الەمدى جايلاعان كوروناۆيرۋس ىندەتى جاعدايىندا جانە سونىمەن بايلانىستى ۋنيۆەرسيتەتىمىزدە جاپپاي ەنگىزىلگەن قاشىقتىقتان وقىتۋ تەحنولوگياسى جاعدايىندا ستۋدەنتتەردىڭ عىلىمعا دەگەن قىزىعۋشىلىعىنىڭ باسەڭدەمەگەنى، كەرىسىنشە ارتا تۇسكەندىگىنە كوز جەتكىزدىك. بۇل ۋنيۆەرسيتەت وقىتۋشىلارىن ەرەكشە قۋانتقان جاعداي بولدى.  مۇنىڭ ءوزى قازاق جاستارىنىڭ ەلىمىزدىڭ بولاشاعى عىلىم مەن تەحنولوگيادا ەكەندىگىن جاقسى تۇسىنەتىندىگىنىڭ ايقىن ايعاعى دەپ بىلەمىز.

ءال-فارابي اتىنداعى قازۇۋ

دۇنيە ءجۇزى تاريحى، تاريحناما جانە دەرەكتانۋ

كافەدراسىنىڭ دوسەنتى، ت.ع.ك. قارتابايەۆا ە.ت.

---