قازۇۋ مەنىڭ قارا شاڭىراعىم!
مەن، ءال-فارابي اتىنداعى قازاق ۇلتتىق ۋنيۆەرسيتەتىنىڭ ستۋدەنتىمىن. مەيلى قيىن بولسىن، مەيلى قاتال بولسىن، مەنىڭ قازۇۋ-ىم — مەنىڭ ماقتانىشىم! قانشاما زاماننىڭ دۇلدۇلدەرى مەن بۇلبۇلدارىنىڭ، مىقتىلارى مەن تالانتتارىنىڭ قاناتتارىن قاتايتقان - قارا شاڭىراعىم! ءار زامانعا جاڭا الپاۋىتتار سىيلايتىن - ۇلى ءبىلىم ورداسى! تالاي ماقتالعان جەردى قالاي ماقتاسام دا جاراسادى عوي، نەگىزى تاقىرىپقا ارقاۋ بولسىن دەدىم.
ۋنيۆەرسيتەت – عالىمدار مەن ۇلاعاتتى ۇستازداردىڭ دانالىعى مەن جاستاردىڭ جالىندى ىستەرىن، ءبىلىم مەن عىلىمعا دەگەن ىزدەنىسى مەن قۇشتارلىعىن بويىنا سىڭىرگەن، تاۋسىلماس ءبىلىم ورداسى. وزىندىك تاريxى بار، كوپجىلدىق ءبىلىم بەرۋ سالاسىندا جانە عىلىمي جۇمىستاردا تاجىريبەسى مول بىردەن-بىر جوعارعى وقۋ ورنى ءال-فارابي اتىنداعى قازاق ۇلتتىق ۋنيۆەرسيتەتى – جوعارى ءبىلىم بەرۋدىڭ كوشباسشىسى. 86 جىلدىق تاريxى بار قارا شاڭىراق-ەلىمىزدىڭ قوعامدىق ءومىرى مەن ءبىلىم، عىلىم، جالپى وقۋ اعارتۋ سالاسىنىڭ قالىپتاسۋى مەن دامۋى كەزەڭدەرىنىڭ كۋاگەرى.
ءسىز، ميلليوندار جايلاعان كەڭ شاحاردىڭ ستۋدەنتى اتاندىڭىز. مۇنداي مۇمكىندىككە قولى جەتپەگەندەر قانشاما؟ تاريحى تەرەڭ، ءتاڭىردىڭ ءوزى سۇلۋلىقتى ەش اياماعان قالا - الماتى تۇرعىندارىنىڭ قاتارىنا قوسىلدىڭىز. بۇنىڭ ءوزى ءبىر باقىت ەمەس پە؟
مۇمكىن، «اقىلى بولىمگە ءتۇستىم...»-دەپ قىنجىلاتىن دا شىعارسىز. الايدا اتا-اناڭىزدىڭ ادال ەڭبەكپەن، ماڭداي تەرىمەن «بالاما» دەپ تاپقان قارجىسى عوي. ۇلكەن ومىرگە قادام باسىپ، «كيىمىڭىز كوك، ۋايىمىڭىز جوق» كەزدە، وتباسى جاعداي تومەن، ۇبت-دان قۇلاپ، ستۋدەنتتىك ومىرگە اياق باسپاعان قۇربى-قۇرداستارىڭىدى ءبىر ءسات ويلاڭىزشى؟ ال،ءبىلىم گرانتتارىنداعى شاكىرتاقى الاتىن ستۋدەنتتەرى جايلى ءسوز دە قوزعاماي-اق قويايىن...
ەگەر ۋنيۆەرسيتەتىڭىزدە ءبىلىم بەرۋ جۇيەسى اسا قيىن بولىپ،ونىمەن قوسا ءسىزدىڭ بار ۋاقىتىڭىزدى الىپ، كۇنى-تۇنى ۇيقىسىڭىزدى ۇرلاپ، ساباقتار قىدىراتىن جەرلەرىڭىزدى شەكتەسە، - قۋانىڭىز، شىن جۇرەكتەن قۋانىڭىز. سەبەبى، ول جەردە راسىمەن دە جوعارعى ءبىلىم بار. ال، ءبىلىم بار جەردەن – بىلىكتى مامان دا، بىلگىر عالىم دا، ءبىلىمپاز دانا دا شىعادى. ءسىز وسىلاردىڭ ەڭ سوڭى بولساڭىز دا، نەسى جامان؟سوندىقتان، ۇلىلار ءجۇرىپ وتكەن ۇلى جەردە جاڭا بولاشاقتىڭ ىرگەسىن قالار، مىقتى ۇرپاق بولىڭىزدار!
قالاي دەسەك تە، قازۇۋ – بولاشاققا نىق قادام باستىرار سانالى عۇمىردىڭ ءبىر ايعاعى ىسپەتتى. ولاي دەيتىن سەبەبىم، ەلىمىزدىڭ باستى وقۋ ورنى مەنىڭ جاڭا قىرىمنان تانىلۋىما مۇمكىندىك تۋعىزىپ قانا قويماي، ءبىلىم الۋعا دەگەن پوتەنسيالىمدى كوتەرگەندەي بولدى. سول سەبەپتى دە، مەن ءوزىمنىڭ قازۇۋ-دا جۇرگەنىمدى ومىرىمدەگى ەڭ ۇلكەن جەتىستىك دەپ بىلەمىن!
جاس تۇلەك! ءبىزدىڭ ۋنيۆەرسيتەتكە تۇسكىن كەلسە، ءبىلىمدى مامان اتانعىڭ كەلسە تولىق اقپاراتتى ءبىزدىڭ www.kaznu.kz سايتىنان بىلە الاسىزدار.
ءال-فارابي اتىنداعى قازاق ۇلتتىق ۋنيۆەرسيتەتى
فيلوسوفيا جانە ساياساتتانۋ فاكۋلتەتى
ءدىنتانۋ جانە مادەنيەتتانۋ كافەدراسى
"مادەنيەتتانۋ" ماماندىعىنىڭ 3-كۋرس
ستۋدەنتى: دوسجان التىناي قاناتجان قىزى
وندىرىستىك تاجىريبە جەتەكشىسى: ەسبولۆا مولدير اۋەلتايەۆنا
You Might Also Like
-
زار-زامان نەدەن باستالدى؟ وعان سەبەپكەر بولعان كىمدەر؟ قاراپ تۇرساق وسى دەشتى-قىپشاقتىڭ دالاسى كورمەگەن الپاۋىت مەملەكەتتەر مەن يمپەريالاردى كوردى. ولار دا شارىقتادى، ولار دا ءوشتى. ساقتار، عۇندار، ...
-
ءبىز ءۇشىن مادەنيەت دەگەن نە؟ ءبىز، قازىرگى ۇرپاق دەگەن ءسوزدى قالاي تۇسىنەمىز؟ بىرەۋ ءۇشىن مادەنيەت-بۇل رۋحاني، ادەمى، كەمەلدى نارسە؛ بىرەۋ مادەنيەتتى تەك سيقىرلى ونەر تۋىندىلارىمەن بايلانىستىرادى: ءسوز...
