راس، قايعى-قاسىرەتى بار قاپتاعان،
عۇمىرلار بار باتقان جانە باتپاعان.
اكەلگەنمەن ءار ادامعا ءبىر قايعى،
سول جىلدارعا قارعىس ايتۋ جات ماعان.
جاندى-جانسىز بار تابيعات تۇنەرگەن،
ءار كەۋدەدە ءبىر شەر بارىن بىلسەم مەن.
قان مايداندا ەرلىك ەتسە بىرەۋلەر،
قارسى جاۋعا ءبىز دە شىقتىق تۇرەنمەن.
اڭىزداردان تەرە ءجۇرىپ ماساقتى،
راس، راس، كوزىمىزدەن جاس اقتى.
ءبىراق سو ءبىر داۋىل جىلدار، وت جىلدار،
بارىمىزدەن ءبىر-بىر باتىر جاساپتى.
باتىر جۇرتىم، سول جىلداردى وتكەردىڭ،
سوندا دا سەن جاقسى كوردىڭ، جەك كوردىڭ.
قارا ەمەندەي قاتىپ قالعان اجەڭدى،
كەيىنگى ۇرپاق، باتىر ەمەس دەپ كورگىن!
كەيىنگى ۇرپاق، ساعان سالعان وتكەلدىڭ،
ساعاسىندا وتكەن جاستىق، وتكەن كۇن.
قارشادايدان قارا شارۋا اتانعان،
سەن اكەڭدى باتىر ەمەس دەپ كورگىن!
سول جىلدارعا قارعىس ايتۋ جات ماعان،
سونداعى مەن ەرلىگىمە ماقتانام.
بالعىن ۇرپاق، سەنىڭ بولاشاعىندى
بىلە بىلسەڭ، مىنا بىزدەر ساقتاعان!

---