قىتايدا ادامدار سۋ قۇبىرلارىندا تۇراتىن بولادى
سوڭعى ون جىلدا شاعىن ۇيلەر ترەندى كۇن وتكەن سايىن تانىمال بولىپ كەلەدى. قالالىق كىشكەنتاي ۇيلەردىڭ جاڭا عاسىرى جەتتى.كۇتپەگەن جەردەن ۇسىنىلعان شاعىن ءۇيدىڭ نۇسقاسىن James Law Cybertecture كومپانياسى جاساعان. House OPOD Tube House - ستاندارتتى بەتون قۇبىرىنان جاسالعان. ول الەمدىك مەگاپوليستەردە تۇرعىن ءۇي ساتىپ الۋعا شاماسى جەتە بەرمەيتىن جاستارعا ارنالىپ وتىر.
جۋىردا عانا گونكونگتە ۇسىنىلعان ۇيلەر بۇرىن قولدانىستا بولعان ديامەترى 2،5 مەتر بەتون سۋ قۇبىرلارىنان جاسالعان. تۇرعىن ءۇي ءبىر نەمەسە ەكى ادامعا ارنالعان، ونىڭ اۋدانى شامامەن 9،3 شارشى مەتردى قۇرايدى. ءۇيدىڭ ىشىنە بارلىق جاعداي جاسالعان. ياعني، جينالمالى كەرەۋەتى بار قوناق بولمە، شاعىن توڭازىتقىش، جۋىناتىن بولمە، كيىم مەن جەكە زاتتاردى قويۋعا ارنالعان ورىن.
جوبا ساۋلەتشىسى دجەيمس لوۋدىڭ ايتۋىنشا، سۋ قۇبىرلارىنداعى شاعىن ۇيلەر يدەياسى تەك جاستاردىڭ تۇرعىن ۇيمەن قامتاماسىز ەتىلۋىن عانا ەمەس، سونىمەن قاتار، قالالىق بيلىك وكىلدەرىنىڭ حالىق تىعىزدىعىمەن كۇرەسۋ ماسەلەسىنە دە ءتيىستى نۇكتە قويۋىنا كومەكتەسەرى انىق.
اتالعان ءۇي كونسترۋكسياسى اسا جەڭىل بولماعانىمەن – ءاربىر قۇبىر 22 توننا شاماسىندا، ولاردى ورناتۋ ءۇشىن از كۇش جۇمسالادى جانە كوپ قاراجاتتى قاجەت ەتپەيدى. سەبەبى قۇبىرلار بىر-بىرىنە وڭاي جابىستىرىلادى، سول سەبەپتى ولاردى ورناتۋ اسا قىمبات شىعىنعا اپارمايدى ەكەن.
You Might Also Like
-
"ءتورت تۇلىكتىڭ پايداسى" ءبىز بۇگىنگى قازاق ءتىلى پانىنەن وتكەن اشىق ساباقتا كوپ نارسەنى تۇسىندىك. ساباق باسىنان باستاپ قىزىققا تولى بولىپ ءوتتى. ساباقتىڭ باسىن ءبىز "كوڭىل-كۇي" ترەن...
-
ءارتۇرلى اۋرۋلاردى ەمدەگەندە تاعامنىڭ شيپالى اسەرىن پايدالانۋ جونىندەگى ماعلۇماتتار ەرتە زاماننان بەرى بەلگىلى. جالپى تاجىريبە دامي كەلە تاعاممەن ەمدەۋ عىلىمى - ديەتولوگيا (ەمدام تانۋ) جەكە عىلىم رە...
