InfoHub Logo

قىتايدىڭ عىلىم اكادەمياسىنىڭ ينجەنەرلەرى بەيجىڭ مەن نيۋ-يورك اراسىن ەكى ساعات ۋاقىتتا ۇشىپ وتۋگە مۇمكىندىك بەرەتىن گيپەر دىبىستى جولاۋشىلار ۇشاعىنىڭ يننوۆاسيالىق يدەياسىن ۇسىندى. جاڭا ۇشاقتىڭ تۇجىرىمداماسى قىتايدىڭ باسقا دا گيپەر دىبىستى قاناتتى راكەتا جاساۋعا قاتىستى كوپتەگەن جوبالارى سياقتى، اسكەري باعدارلامانىڭ قوسالقى ءونىمى بولىپ تابىلادى، دەپ جازادى South China Morning Post.

جوبا باسشىسى سۋي كايانىڭ سوزىنە قاراعاندا، ۇشاق جىلدامدىعى 6 مىڭ كم/س، ول دىبىس جىلدامدىعىنان بەس ەسەگە جوعارى (1235 كم/س). بۇل جوبا اتاقتى جوعارى جىلدامدىقتى «كونكوردتان» بىرنەشە ەسە كوپ. تەوريالىق تۇرعىدان مۇنداي گيپەر دىبىستى لاينەر بەيجىڭنەن نيۋ-يورككە ەكى ساعاتتىڭ ىشىندە جەتۋگە مۇمكىندىك بەرەدى جانە بۇل قازىرگى اۋە كەمەسىنەن جەتى ەسە جىلدام ۇشادى.

سۋي جانە ونىڭ كومانداسى اەروديناميكالىق قۇبىردا ۇشاقتىڭ كىشىرەيتىلگەن مودەلىن سىناقتان وتكىزگەن بولاتىن. ايتا كەتەيىك،  مۇنداي سىناق قىتايدىڭ گيپەردىبىستىق قارۋىنىڭ اەروديناميكالىق جاڭا ۇلگىلەرىن باعالاۋ ءۇشىن پايدالانىلعان ەدى. زەرتتەۋشىلەر مودەلدى 8،6 مىڭ كم/س ۇشىرىپ ونىڭ تاڭقالارلىق ناتيجەلەرىنە كوزجەتكىزدى.

قاناتتى ۇشاقتىڭ كونسترۋكسياسى جالپى بيپلانعا نەمەسە  ۇشاق تاستيتىن قۇرالعا ۇقسايدى، مۇنداي قۇرالدى NASA «شاتتلداردى» ۇشىرعان كەزدە قولدانعان بولاتىن. ءوز كەزەگىندە جۇڭگو زەرتتەۋشىلەرى  بيپلان كونسترۋكسياسى بارىنشا پايدالى اۋىر زاتتاردى كوتەرە الاتىندىعىن العا تارتادى. ويتكەنى گيپەر دىبىستىق كولىك قۇرالى ءسۇيىر جانە ۇشبۇرىش قاناتتى  پىشىندە جاسالعان.

شەكتەن تىس جوعارى جىلدامدىق ىسكە قوسىلعان كەزدە ۇشاقتىڭ ەكى قاناتى دا بىرگە جۇمىس ىستەيدى، ياعني بۇل ۇشاقتىڭ جالپى جۇك كوتەرگەشتىگىن ۇلعايتا وتىرىپ، تۋربۋلەنتتىلىكتى جانە قايشىلىقتى پروسەستەردى تومەندەتەدى. ءبىراق ونىڭ سالماق كوتەرۋ مۇمكىندىگى تومەن. ماسەلەن، Boeing 737 جولۋشىلار ۇشاعىمەن سالىستىرعاندا  گيپەر دىبىستى جۇڭگو كەمەسى 5 توننا جۇكتى نەمەسە 50 جولاۋشىنى (Boeing — 20 توننا جۇك جانە 200 جولاۋشى) تاسىمالداي الادى.

جۇڭگو سوڭعى جىلدارى گوبي شولىندە ءتۇرلى گيپەر دىبىستى كولىك قۇرالدارىن سىناقتان وتكىزدى، ولاردىڭ كەيبىرىنىڭ دىبىس جىلدامدىعى ون ەسەگە دەيىن جەتەدى. سونداي-اق، جۇڭگو ينجەنەرلەرى سەكۋندىنا 12 كيلومەتر جىلدامدىقپەن (نەمەسە 43 200 كم / س) گيپەر دىبىسپەن ۇشاتىن يميتاسيانعا ارنالعان الەمدەگى  جىلدام اەروديناميكالىق قۇبىر سالىپ جاتىر. مۇنداي جىلدامدىقتاعى قىتايدىڭ گيپەر دىبىستى كولىك قۇرالىمەن اقش-تىڭ باتىس ايماقتارىنا نەبارى 14  مينۋتتا جەتۋگە مۇمكىندىك بولادى. ەگەر بۇل تەحنولوگيا اسكەري ماقساتتاردا پايدالانىلعان جاعدايلاردا وقتۇمسىق يادرولىق قاناتتى جويعىش قۇرال كەز كەلگەن راكەتاعا قارسى قورعانىستى بۇزىپ وتەتىنى ءسوزسىز.

جالپى ايتقاندا، جوعارى جىلدامدىقتى دىبىستى ازاماتتىق زاماناۋي ۇشاق جاساۋ يدەيالارى مەن مۇمكىندىكتەرى كۇن ساناپ ارتىپ كەلە جاتىر. بۇل باعىتتاعى جوبالارعا دا قاتىسۋشىلار سانى كوبەيۋدە. مىسال رەتىندە الساق، Lockheed Martin جانە Aerion كومپانيالارى جوعارى جىلدامدىقتى بيزنەس-دجەتتەر سەكتورىن يگەرۋگە شەشىم قابىلداپ وتىر.

---