InfoHub Logo

ۇلتتىق بىرلىك، جاڭاشىلدىققا دەگەن ۇمتىلىسى مەن تالماس كۇش-جىگەر قاسيەتتەرى باردا قوعامدىق سانا جاندانادى. مىسال كەلتىرسەم؛ تۋعان جەرگە دەگەن سۇيىسپەنشىلىكتى وياتۋ ماقساتىنداعى باعدارلاما، شارالار كوبەيسە، عىلىم مەن تەحنولوگيالاردى جان-جاقتى مەڭگەرۋگە جول اشىلىپ، باعىت-باعدار كورسەتىلسە.. سانا بولمىستىڭ بەينەسى بولعاندىقتان، قوعامدىق بولمىس وزگەرگەننەن كەيىن سانا دا وزگەرەدى. قوعامدىق ءومىردىڭ ءاربىر كەزەڭىنە قاراي ءومىر ءسۇرۋ ءۇشىن وزگەرە بىلۋىندە ءارى سوعان سايكەس ارەكەت ەتىپ، ونى ۇلتتىڭ وزىق تاجىريبەسىمەن ۇشتاستىرا ءبىلۋ، مىنە، دامۋدىڭ بەلگىسى. الايدا سول ارەكەت بارىسىندا عاسىرلار قويناۋىنان جەتكەن قازاققا ءتان  ادەت-عۇرىپتار مەن مىنەز- قۇلىقتاردى، قالىپتاسقان داستۇرلەردى، بولمىسىمىزدىڭ ەرەكشەلىكتەرىن دە قاتار الىپ ءجۇرۋىمىز ءتيىس دەپ ويلايمىن. ۇلتتىق سالت-سانا، ادەت-عۇرىپ، مادەني داستۇرلەردى بەرىك ساقتاي وتىرىپ، ونى جاڭا زامان جەتىستىكتەرىمەن، جالپىادامزاتتىق قۇندىلىقتارمەن بايىتۋ قاجەت. جاڭا باعىتقا بەت-بۇرىستىڭ ەڭ باستى شارتى – ۇلتتىق كودتى ساقتاۋ. تاريحي تامىرى تەرەڭدە جاتقان، ۇلتىمىزدىڭ كۇنى بۇگىنگە دەيىن بارىنەن جوعارى باعالاناتىن قاسيەتتەرى، سولاردىڭ تۇجىرىمدالعان فورمۋلاسىن ۇلتتىق كود دەپ ايتا الامىن. ءبىزدىڭ ۇلتتىق كودىمىز– ۇلتتىق بولمىسىمىز. ياعني ءبىر حالىقتى باسقا حالىقتان اجىراتىپ، تانىتاتىن جانە سول حالىقتىڭ باسقاعا ۇقسامايتىن تانىم-تۇسىنىگى مەن ءبىتىم-بولمىسىن ايقىنداپ تۇراتىن سيپاتى مىنە سول ۇلتتىق كود. قازىرگى جاھاندانۋ كەزەڭىندە جويىلىپ كەتۋدەن امان قالۋىن ويلايتىن ءاربىر حالىق  الدىمەن ءوزىنىڭ بايىرعى رۋحاني-تەكتىك قاسيەتتەرىن مەيىلىنشە جاڭعىرتىپ، وسى ارقىلى زاماناۋي عالامدىق باسەكەلەستىككە توتەپ بەرە الۋ جاعىن ەسكەرىپ وتىر. ۇلتتىڭ باسقا ءبىر ۇلتتان دارالانۋى ول ەڭ الدىمەن ءوزىنىڭ ءدىنى، ءتىلى، ءداستۇرى، مادەنيەتى ەمەس پە؟ سوندىقتان ەڭ الدىمەن ۇلتتىق كودتى، ياعني ءوز بولمىسىمىزدىى جولعالتپاعانىمىز ابزال دەپ ەسەپتەيمىن. رۋحاني كودىمىزدىڭ باستىسى، ۇلتتىڭ كۇللى قاستەرلى ۇعىمدارىن، قاسيەتتەرىن بويىنا جيعان وزەگى ءتىل بولىپ تابىلاتىنى قۇپيا ەمەس. مىنە، سول قاسيەتتى انا ءتىلىمىزدىڭ قۋاتى بۇگىندە ءالى دە الاڭداتادى. تۋراسىن ايتقاندا، مەملەكەتتىك مارتەبەسىنە قاراماستان، قازاق ءتىلىنىڭ قولدانىس اياسىن ءتيىستى دارەجەدە كەڭەيتە الماۋ، بۇزۋ، دۇرىس سويلەمەۋ، ءتىپتى مۇلدەم ۇمىتۋ ءوزىمىزدىڭ ۇلتتىق قۇندىلىقتارىمىزدىڭ جۇيەسىن ساقتاي الماۋعا اكەلىپ سوعاتىنى انىق.

كەيدە ءبىزدىڭ بولاشاققا ماقساتىمىز ايقىن با دەگەن سۇراق مازالايدى.. الەمنىڭ الدىڭعى قاتارلى ەلدەرىنىڭ ءبىرى بولۋ بارلىعىنىڭ ارمانى دەپ ويلايمىن. ول ءۇشىن ۇلتتىق مەنتاليتەت پەن مادەنيەت قۇندىلىقتارى جۇيەسىندە ءومىر سۇرۋدە الدىعا ماقسات قويا ءبىلۋ جانە ارەكەت ەتە ءبىلۋ كەرەك. مەنىڭ ويىمشا ول ءۇشىن  جاستاردىڭ قاتەلەسۋىنە جول بەرمەي ماڭىزدى جانە ۇلتتىق قۇندىلىقتاردى جاڭعىرتىپ، تەرىس اعىمداردىڭ ەلگە  ەنىپ كەتۋىنە جول بەرمەگەن ءجون. قوعامدىق سانانىڭ وزگەرۋى زىمىراعان مىنا ۋاقىتتا، قازاقستاننىڭ دامۋىنىڭ نەگىزى بولاتىن تۇراقتىلىقتى، بىرلىكتى، تاتۋلىقتى نىعايتۋعا مۇمكىندىك بەرەتىنى انىق. سول ءۇشىن دە ايانباي ەڭبەك ەتىپ، ەلىمىزدىڭ قاجىرلى دا قايراتتى، ەشكىمگە ۇقسامايتىن دارا مەملەكەت ەكەنىن ايقىنداۋدا  ءارقايسىمىز بارىنشا كۇش-جىگەرىمىزدى سالايىق!

بۇركىتبايەۆا اقبالا امانگەلدى قىزى

---