قوجا ايەلىنىڭ ۇرلىعىن اشكەرە ەتەدى
قوجا ءۇش قاداق ەت ساتىپ الىپ، ۇيىنە اكەپ تاستايدى دا، باسقا ءبىر شارۋاسىنا كەتەدى. قوجانىڭ ايەلى ءوزىنىڭ ءبىر ابىسىنىن شاقىرىپ كەپ، ەتتەن جاقسى تاماق ىستەپ بەرەدى. قوجا كەلگەندە، ايەلى الدىنا سۋعا ىستەلگەن قارا كوجە قويادى.
ەتتەن تاماق ىستەۋگە قولىڭ تيمەسە، وسى تالقان كوجەنىڭ ىشىنە ەت تۋرامشىلاپ سالىپ جىبەرۋ ەسىڭە كەلمەدى مە؟ — دەيدى قوجا.
— ءوزىم دە سويتەيىن دەپ ەدىم، مەن انا جاقتا بىردەڭەگە اينالىپ جۇرگەنىمدە، الگى سەنىڭ ەركە مىسىعىڭ ەتتى جەپ قويىپتى. كەلسەم، تىڭقيىپ الىپ، مۇرتىن جالاپ تۇر، — دەيدى ايەلى.
قوجا تاباندا تارازىنى قۇرىپ جىبەرىپ، پەشتىڭ قۋىسىندا جاتقان مىسىقتى اكەلىپ ولشەگەندە، مىسىق نەبارى ءۇش-اق قاداق تارتادى.
سوندا قوجا ايەلىنە:
— و، ۇياتسىز! مىناۋ ءۇش قاداق ەت بولسا، مىسىق قايدا؟ ال، ءۇش قاداق تارتىپ تۇرعان مىسىقتىڭ ءوزى بولسا، ەت قايدا؟ — دەپتى.
You Might Also Like
-
قۇربان ايتىنىڭ الدىندا قوجانىڭ ايەلى جۇبايىنىڭ ءسۇيىپ جەيتىن تاعامى — ءتاتتى سامسا پىسىرەدى. ەرلى-زايىپتى ەكەۋى كوڭىلدى وتىرىپ سامسانى جەپ، قالعانىن تاڭەرتەڭ جەرمىز دەپ الىپ قويادى. ءبىراز كور-جە...
