InfoHub Logo

قۇربان ايتىنىڭ الدىندا قوجانىڭ ايەلى جۇبايىنىڭ ءسۇيىپ جەيتىن تاعامى — ءتاتتى سامسا پىسىرەدى. ەرلى-زايىپتى ەكەۋى كوڭىلدى وتىرىپ سامسانى جەپ، قالعانىن تاڭەرتەڭ جەرمىز دەپ الىپ قويادى. ءبىراز كور-جەر اڭگىمە ايتىپ جاتىپ، ەرتە تۇرامىز دەپ، ۇيقىعا كەتەدى.

ءتۇن ورتاسىندا قوجا ايەلىن بۇيىرگە تۇرتكىلەپ:

— قاتىن-اۋ، قاتىن، تۇر! مەنىڭ باسىما ءبىر جاقسى وي كەلىپ جاتىر، ۇمىتىپ قالام با دەپ قورقامىن. مازاڭدى العانىما رەنجىمە، ءبىر ۇلكەن ماسەلە بار. سامسانى شاپشاڭىراق الىپ كەل، — دەيدى.

قوجانىڭ مۇنشا مازاسىزدانۋىنىڭ ءمانىسىن سۇراۋعا دا شاماسى كەلمەي، ايەلى سامسا سالعان تاباقتى لەزدە الىپ كەلەدى. قوجا تاباقتى الدىنا الىپ، ايەلىن قاسىنا وتىرعىزىپ، ءتاتتى سامسانى قىزىل وڭەشتەن ءارى اسىرا باستايدى. سامسانى جەپ بولعان سوڭ، «ءۇھ» دەپ ءبىر دەمىن الىپ، قوجا ايەلىنە بولعان ءىستىڭ ءمانىن تۇسىندىرەدى.

— كەشتە ءبىرتالاي سامسانىڭ جەلىنبەي قالعانىن ءوزىڭ بىلەسىڭ، — دەيدى قوجا. — باسىما ءبىر وي ۇيالاپ السا، مەنىڭ ۇيىقتاي المايتىنىمدى دا بىلەسىڭ. ءارى ويلاپ، بەرى ويلاپ: «پىسكەن استىڭ كۇيىگى جامان»، «تاڭەرتەڭگى اس — تاڭىردەن» دەگەن ماقال-ماتەلدەر دۇرىس ايتىلعان-اۋ دەپ ءتۇيدىم. كەل، قاتىن، ەندى ۇيىقتايىق.

---