InfoHub Logo

بالا كەزىندە قوجاعا اكەسى نە ايتسا، ول كەرىسىنشە، وزىنشە ىستەيتىن بولسا كەرەك. اقىرى، اكەسى قوجانى ءبىر شارۋاعا جۇمساي قالسا-اق، كەرىسىنشە ىستە دەپ تاپسىرادى. ءبىر كۇنى ەكەۋى ديىرمەننەن قايتىپ كەلە جاتىپ، ءبىر وزەنگە تاپ بولادى. وزەندەگى كوپىردەن ەسەك وتە المايتىن بولعان سوڭ، ەكەسى:

— قاراعىم، عالىم بالام، مەن كوپىردەن جاياۋ وتەيىن، ءبىراق سەن ەسەكتى ايداپ وتكەلدەن وتپە، — دەيدى. قوجاناسىر، كەرىسىنشە، ەسەكتى وتكەلگە قاراي ايدايدى، وزەننىڭ ورتاسىنا كەلگەندە، قاپ ەسەكتىڭ ءبىر جاعىنا قاراي اۋىپ بارا جاتقانىن كورىپ، اكە بالاسىنا:

— قاپ ماعان قاراي اۋعان جوق، سۇيەمە، قۇلامايدى، — دەپ ايعاي سالادى.

سوندا بالاسى:

— اكە، بۇعان دەيىن بالالىق جاساپ، ايتقانىڭدى ايتقانىڭشا ىستەمەي كەلدىم. ەندى ەرجەتتىم، اقىل كىردى، بۇدان بىلاي ءتىلىڭدى الام، ءامىرىڭدى ەكى ەتپەي ورىندايمىن، — دەپ اۋزىن جيىپ العانشا بولماي، قاپ اۋدارىلىپ سۋعا تۇسەدى.

 

---