InfoHub Logo

بىردە قوجا «وسى جۇرت قۇساپ مەن نەگە قۇس اسىراپ، اڭعا سالمايمىن» دەپ ويلاپ ءبىر ساۋىسقاندى ۇستاپ الادى دا، اسىراي باستايدى.

— ساۋىسقان اڭعا تۇسە مە ەكەن؟ — دەپ كۇلگەندەرگە قوجا:

— تۇسكەندە، اڭنىڭ ىرىسىنە ساۋىسقان ءتۇسسىن، — دەپ جاۋاپ بەرەدى.

كۇندەردىڭ ءبىر كۇنىندە ساۋىسقان قولعا ابدەن ۇيرەنشىكتى بولعان سوڭ، قوجا قۇسىن ۇستاپ ەسىك الدىنا شىعادى.

— بۇركىتىمدى اڭعا سالامىن، — دەپ جار سالىپ، ساۋىسقانىن ۇشىرىپ كەپ جىبەرەدى. ساۋىسقان سالعان بەتتە اۋىل شەتىندە جايىلىپ جۇرگەن ءبىر الا سيىردىڭ ۇستىنە بارىپ قونادى. ايشاي جوق، قوجا سيىردى ۇستاپ اكەپ، سويا باستايدى. مالدىڭ يەسى كەلىپ:

— قوجەكە، مۇنىڭ نە؟ بىرەۋدىڭ مالىن تاپا-تال تۇستە سويىپ جاتقانىڭ؟ — دەيدى.

سوندا قوجا باسىن كوتەرىپ، بايسالدى پىشىنمەن:

— ءوزىڭ ەسىڭ اداسۋدان ساۋسىڭ با؟ بۇل مەنىڭ بۇركىتىمنىڭ ءتۇسىپ العان اڭى، مۇندا ەشكىمنىڭ داۋ-دامايى جوق، — دەپتى.

 

---