InfoHub Logo

قورقىت جۇرتتان اسقان اقىلدى، الداعىنى بولجاعىش ادام ەكەن. ول ءبىر جەردە وتىرماي ۇنەمى دۇنيە كەزىپ، تىرشىلىكتەگى جاقسى-جاماندى كورىپ، سالماقتاپ، سىناپ بايىبىنا جەتىپ، ءبىلىپ ءجۇرىپتى. بىرەۋ كارى، بىرەۋ جاس، بىرەۋ باقىتتى، بىرەۋ باقىتسىز، بىرەۋ قىرشىن جاس كۇيىندە، بىرەۋ قارتايىپ ولەدى. جاس تۋىپ دۇنيەگە كەلەدى، قاريا ءولىپ دۇنيەمەن قوش ايتىسادى. نەلىكتەن بۇلاي؟ ءبىراق قانشا ويلانىپ، تولعانسا دا، مۇنىڭ جاۋابىن تابا المايدى. جاسى ۇلعايعان سايىن قورقىت ءولىم جايىن كوبىرەك ويلايتىن بولىپتى. ءولىم تۇسىنە دە كىرە بەرەدى. ءبىر كۇنى تۇسىندە قورقىت جاپان دالانى كەزىپ كەلە جاتسا، كور قازىپ جاتقان ءبىر توپ ادامعا كەزدەسىپ، ولاردان:

— مۇنى كىمگە قازىپ جاتىرسىڭدار؟ — دەپ سۇرايدى. كور قازۋشىلار:

— قورقىت اۋليەنى قويۋعا قازىپ جاتىرمىز، — دەيدى. وسىدان سەسكەنەدى دە، قورقىت كەلەر كۇنى كور قازىلىپ جاتقان جەردەن باسقا، دۇنيەنىڭ ەكىنشى ءبىر شەتىنە ساپار شەگەدى. بەتپاقتىڭ ءشولىن دە، سارىارقانى دا تۇگەل كەزەدى. قايدا جۇرسە دە، قايدا بارسا دا ۇيىقتاسا-اق بولعانى — تۇسىندە وزىنە قازىلىپ جاتقان كوردى كورەدى. جەر ورتاسى سىرداريانىڭ جاعاسى ەكەن. «جەرۇيىق» وسى دەپ، قازىرگى قورقىت مولاسى تۇرعان سىرداريانىڭ جاعاسىنا كەلىپ تۇراقتايدى. «ەلىمنىڭ تاريحي اڭىزدار قايعىسىنا مىڭ دا ءبىر داۋا وسى بولار» دەپ، سىردىڭ سۋىنا كىلەمىن توسەپ، قوبىزىن تارتىپ تۇرادى.

 

---