تەپەڭكوك (ءىىى نۇسقا)
وتكەن زاماندا، ءبىر كەدەيدىڭ جالعىز كوك تۇلپارى بولىپتى. ءوزى جۋاس، ءبىراق جۇيرىك بولسا كەرەك. كەدەي ونىمەن اڭعا شىعىپ، كۇنەلتىس ەتەدى ەكەن. اڭدا جۇرگەندە قاسقىر، تۇلكىلەردى تۇلپارمەن قۋىپ، سوعىپ الا بەرەدى. تۇلپاردىڭ ءبىر قاسيەتى — تەرى شىقپاسا، شابا المايتىن بولعان. «اتتىڭ سىرى يەسىنە ءمالىم» دەگەندەي، اڭعا شىعاردىڭ الدىندا ەكى قانجىعاسىنا ەكى دوربا قۇمدى وڭگەرىپ الىپ، ارلى-بەرلى اياڭداتىپ، جەلدىرتىپ، كوك تۇلپاردىڭ تەرىن شىعارىپ الادى ەكەن.
ءبىر كۇنى ەلدە ۇلكەن توي بولىپ، سوعان جەر-جەردەن انشى-كۇيشىلەر، اقىندار، پالۋاندار، باي-بيلەر سايگۇلىك جۇيرىك اتتارىمەن كەلەدى. توي باستالىپ، ويىندار ءوتىپ، كەزەك اتتاردىڭ جارىسىنا قالادى. بايگىگە دايىندالعان سايگۇلىكتەر كوپ ەكەن. ءبارى دە ءبىرىنشى جۇلدەدەن ۇمىتكەر. وسى جارىسقا كوك تۇلپاردى دا قوسايىنشى دەپ، تۇلپاردىڭ يەسى، ات ايداۋشى كەلگەنشە كوك تۇلپاردىڭ تەرىن شىعارۋ ءۇشىن، قانجىعاسىنا قۇم وڭگەرىپ، تۇلپاردىڭ تەپەڭدەتىپ جورتىپ جۇرەدى.
كوپ كەشىكپەي ات شابىس باستالادى. ءبىرىنشى بولىپ كوك تۇلپار كەلەدى. بايگى العاننان كەيىن تۇلپاردىڭ يەسى، اتىنا رازى بولىپ، جارىس الدىندا تەپەڭدەتىپ، جورتقانىن ەسىنە ءتۇسىرىپ، «تەپەڭكوك» دەپ كۇي تارتىپتى.
You Might Also Like
-
«سارۋالىنىڭ ارىعى دەگەن جەردە ءۇيىر-ۇيىر قۇلان جاتىر» دەگەن حاباردى ەستىپ جوشى حاننىڭ جالعىز ۇلى ءوزىنىڭ قۇرالايدى كوزگە اتقان مەرگەندەرىمەن جولعا شىعىپتى. حاننىڭ ۇلى قۇلاندى كورگەننەن كە...
-
قورقىت جۇرتتان اسقان اقىلدى، الداعىنى بولجاعىش ادام ەكەن. ول ءبىر جەردە وتىرماي ۇنەمى دۇنيە كەزىپ، تىرشىلىكتەگى جاقسى-جاماندى كورىپ، سالماقتاپ، سىناپ بايىبىنا جەتىپ، ءبىلىپ ءجۇرىپتى. بىرەۋ كارى، بىرەۋ...
