InfoHub Logo

ءبىلىم جانە عىلىم مينيسترلىگىنىڭ بىلتىردان بەرى ايتىپ كەلە جاتقان جاڭالىق - مەكتەپتەردە 5 كۇندىك وقۋ اپتاسىن ەنگىزۋ ماسەلەسىنە قاتىستى اتا-انالاردىڭ كوپتەگەن ساۋالدارى بار. ق ر بعم 5 كۇندىك وقۋ اپتاسىن ەنگىزۋدىڭ ەڭ ماڭىزدى مەحانيزمدەرى جايلى تۇسىنىكتەمە بەردى.

اتا-انالار مەن وقۋشىلاردى كانيكۋلدار مەرزىمىنىڭ قىسقارۋ مۇمكىن دەگەن وي مازالاپ وتىر.

5 كۇندىك وقۋ اپتاسىنا كەلەر بولساق، ونىڭ ەنگىزىلۋى ءۇشىن مينيسترلىك تاراپىنان بارلىق جاعداي جاسالىپ وتىر. بۇل تۇستا ەرەكشە اتاپ وتەر جايت - وقۋ جىلىنىڭ ۇزاقتىعى وزگەرمەي، ۇيرەنشىكتى ءتارتىپ ساقتالىپ وتىر. وقۋ جىلى ەش وزگەرىسسىز، قىركۇيەكتە باستالىپ، ادەتتەگىدەي 25 مامىر كۇنى اياقتالماق.   ق ر ءبىلىم جانە عىلىم مينيسترلىگىنىڭ «ورتا ءبىلىم بەرۋ ۇيىمدارىندا 2017-2018 وقۋ جىلىنىڭ باستالۋىن، ۇزاقتىعىن جانە كانيكۋل كەزەڭدەرىن ايقىنداۋ تۋرالى» بۇيرىعى  ماۋسىم ايىندا شىقتى. وندا وقۋ جىلىنىڭ ۇزاقتىعى مەكتەپالدى دايىندىق سىنىپتارىندا - 32 وقۋ اپتاسى، 1- سىنىپتاردا - 33 وقۋ اپتاسى، 2-11 سىنىپتاردا - 34 وقۋ اپتاسى دەپ بەلگىلەنگەن.

كانيكۋلدار ۇزاقتىعى دا وزگەرمەيدى. 1-11 سىنىپتاردا كۇزگى كانيكۋل - 7 كۇن، قىسقى - 10 كۇن، كوكتەمگى - 13 كۇن. مەكتەپالدى  دايارلىق سىنىپتارىندا كۇزگى كانيكۋل - 7 كۇن، قىسقى - 14 كۇن، كوكتەمگى - 15 كۇن، سونداي-اق، بۇلدىرشىندەر ءۇشىن 1-7 اقپان كۇندەرى ارالىعىندا 7 كۇندىك قوسىمشا كانيكۋل بەلگىلەندى.

بۇل اتا-انالار مەن وقۋشىلار ءۇشىن جاعىمدى جاڭالىق بولارى انىق. ال، وقۋ جۇكتەمەسى ازايا ما؟

ءيا، بالالار جۇكتەمەسىن ازايتۋ باعىتىندا دا جۇيەلى جۇمىس جۇرگىزىلىپ كەلەدى. ەستەرىڭىزدە بولسا، بىلتىر اتا-انالار قوعامداستىقتارى مەن ساراپشىلاردىڭ ۇسىنىستارى بويىنشا ءۇي تاپسىرمالارىنىڭ كولەمى ازايتىلعان بولاتىن.

مينيسترلىك ءۇي تاپسىرمالارىن ورىنداۋ بويىنشا مەتوديكالىق ۇسىنىمداردى بەكىتتى. دەمەك، ۇي تاپسىرمالارىن ورىنداۋعا جۇمسالاتىن ۋاقىت، بۇرىنعى جاعدايمەن سالىستىرعاندا ۇشتەن ءبىر بولىككە قىستارماق.

ءۇي تاپسىرماسىن ورىنداۋعا 2 سىنىپتا 50 مينۋتتان، 3-4 سىنىپتاردا - 70 مينۋتتان، 5-6 سىنىپتاردا - 90 مينۋتتان، 7-9 سىنىپتاردا - 110 مينۋتتان، 10-11 سىنىپتاردا - 130 مينۋتتان اسپاۋى ءتيىس.

ءۇي تاپسىرمالارى مەرەكە  كۇندەرىنە جانە كانيكۋلدىق كەزەڭدەردە بەرىلمەيدى. تەك كوركەم ادەبيەتتى وقۋعا، جوبالىق جۇمىستاردى ورىنداۋعا، ماتەماتيكانى تەرەڭدەتىپ وقۋعا ارنالعان ەسەپتەردى شىعارۋعا، سونداي-اق، 1 سىنىپ وقۋشىلارىنىڭ 2ء-شى جارتىجىلدىقتان باستاپ وقۋ داعدىلارىن جاقسارتۋعا قاتىستى تاپسىرمالار عانا ەرەكشە جاعدايلار رەتىندە قاراستىرىلعان.

سونىمەن قاتار، جاڭا وقۋ جىلىنان باستاپ، ساباق ۇزاقتىعى 40 مينۋت بولماق. مۇنداي ءتارتىپ نازاربايەۆ زياتكەرلىك مەكتەپتەردە قالىپتاسقان. دەمەك، 40 مينۋتتىق ساباق كەستەسىندە كۇنىنە 30 مينۋت ۋاقىت «بوسايدى». سوندىقتان، قوسىمشا ساباق قوسىلعان جاعدايدىڭ وزىندە وقۋشىلار مەكتەپتە ادەتتەگىدەن تەك 10 مينۋت ارتىق وتكىزىپ، جۇكتەمەسى ايتارلىقتاي وزگەرمەيدى.  

5 كۇندىك وقۋ اپتاسى جاعدايىندا وقۋ باعدارلامالارى وزگەرىسكە ۇشىراي ما؟ بۇل جاعداي بارلىق مەكتەپتەر مەن سىنىپتارعا قاتىستى ما؟

وقۋ باعدارلامالارى مەن ءاربىر ءپاندى مەڭگەرۋگە بولىنگەن ساعاتتار سانى وزگەرمەيدى.  جاڭا سانيتارلىق ەرەجەلەر بويىنشا مەكتەپتەردىڭ 1-11 سىنىپتارىندا 5 كۇندىك وقۋ اپتاسىن ەنگىزۋگە رۇقسات بەرىلەدى. بۇل جالپى ورتا ءبىلىم بەرەتىن جانە دارىندى بالالارعا ارنالعان مامانداندىرىلعان مەكتەپتەردىڭ بارلىعىنا دا قاتىستى. مەكتەپتەردەگى وقۋ جۇكتەمەسىنىڭ كولەمى 5 كۇندىك وقۋ اپتاسىنا ءبولۋ وڭاي. گيمنازيالار مەن ليسەيلەردەگى جاعداي ءبىرشاما كۇردەلىرەك.  

بۇگىنگى جالپى ءبىلىم بەرەتىن مەكتەپتەردەگى ۇلگىلىك وقۋ جوسپارلارىنا سايكەس، 1-11 سىنىپتارداعى اپتالىق وقۋ جۇكتەمەسىنىڭ ماكسيمالدى شاماسى 24  ساعاتتان 39 ساعاتقا دەيىنگى مولشەردە. جاڭا سانيتارلىق ەرەجەلەردە وسىنداي جۇكتەمە قاراستىرىلعان.

ال كۇندەلىكتى جۇكتەمەنى، باسقاشا ايتقاندا - كۇنىنە قانشا ساباق بولۋ كەرەكتىگىن، ءار مەكتەپ، ءوز مۇمكىندىكتەرى مەن جاعدايىن ەسكەرە وتىرىپ، وزدىگىنەن بەلگىلەيدى. ارينە،  ساباقتار كەستەسى اتا-انالار كوميتەتىمەن كەلىسىلۋى ءتيىس.  بۇل دا مەكتەپتەردە قۇرىلىپ جاتقان قامقورشىلىق كەڭەستەرىنىڭ، جالپى قوعامنىڭ وكىلەتتىلىگى مەن جاۋاپكەرشىلىگىنىڭ جىلدان جالعا ارتىپ كەلە جاتقانىنىڭ بەلگىسى.

5 كۇندىك وقۋ اپتاسىن ەنگىزۋ - بالالارىمىز سەنبى كۇنى وقىمايدى دەگەندى بىلدىرە مە؟

5 كۇندىك وقۋ اپتاسىن ەنگىزۋدىڭ نەگىزگى ءمانى - بالالارىمىزعا 2 كۇندىك دەمالىس بەرۋ. مينيسترلىك بۇل ءۇشىن بارلىق قاجەتتى جاعدايلار مەن مۇمكىندىكتەردىڭ بولۋىن قامتاماسىز ەتەدى. ءبىزدىڭ ويىمىزشا، مينيسترلىك ءار مەكتەپتىڭ ساباق كەستەسىن بەلگىلەپ، بەكىتۋگە ارالاسپاۋى ءتيىس. بۇل ماسەلەنى ءاربىر مەكتەپ وزدىگىنەن شەشەدى. مىسالعا، مەكتەپتە بارلىق ساباقتار ءبىر اۋىسىممەن وتكىزىلسە، نەمەسە مەكتەپ كولەمى مەن كابينەتتەر سانى 5 كۇندىك وقۋ اپتاسىن ەكى اۋىسىمدا جۇرگىزۋگە  مۇمكىندىك بەرسە، وندا مەكتەپ باسشىلىعى قامقورشىلىق كەڭەسپەن، نەمەسە اتا-انالار كوميتەتىمەن كەلىسىپ، جاڭا تارتىپكە كوشۋدى تاڭداي الادى. مەكتەپتەردىڭ باسىم كوپشىلىگىنىڭ «بەسكۇندىكتى» تاڭداۋ مۇمكىندىكتەرى بار. وقۋ پروسەسى ءۇش اۋىسىمدا جۇرگىزىلىپ جاتقان مەكتەپتەردىڭ مۇنداي تارتىپكە كوشە الماسى تۇسىنىكتى.

جوعارىدا ايتىلعانداي، گيمنازيالار مەن ليسەيلەردە 5 كۇندىك وقۋ اپتاسىن ەنگىزۋ كۇردەلىرەك ماسەلە. مۇنداي مەكتەپتەردە نەگىزگى جۇكتەمەدەن بولەك گيمنازيالىق جانە ليسەيلىك كومپونەنتتەر بولادى. ەلىمىزدەگى 7 100 مەكتەپتىڭ 300-گە جۋىعى گيمنازيا مەن ليسەيلەر.  ونداعى باستاۋىش سىنىپتاردا 5 كۇندىك وقۋ اپتاسىن ەنگىزۋ مۇمكىندىگى بار. جوعارى سىنىپتار جاعدايىنا كەلەر بولساق، گيمنازيا-ليسەيلەردە ۇيىرمەلىك جانە جوبالىق جۇمىستار كولەمىنىڭ ءبىرشاماسى سەنبى كۇندەرىنە جۇرگىزۋگە ءماجبۇر بولادى. بۇنداي جاعدايدا ءبىز سەنبى كۇندەرىنە كۇردەلى پاندەردى قويماي، ماسەلەن، دەنە شىنىقتىرۋ، باستاپقى اسكەري دايىندىق بويىنشا ساباقتار مەن ۇيىرمەلىك جۇمىستار، بايقاۋلار مەن ەكسكۋرسيالار وتكىزۋدى ۇسىنامىز.  بۇل تۇستا كەيبىر پاندەر بويىنشا ساباقتاردىڭ مۋزەيلەر مەن باسقا دا تاريحي، مادەني نىسانداردا وتكىزۋ قاجەتتىگىن ەسكەرسەك، كەيبىر ساباقتاردى مەكتەپتەن تىس جەرلەردە وتكىزۋ مۇمكىندىگى بار ەكەندىگىن ۇمىتپاعان ءجون.  

دەرەككوز: قازاقپارات

---