InfoHub Logo

ورىس مەكتەپتەرىندە ءبىلىم الىپ جاتقان 500 مىڭ بالانى قازاق تىلىندە سويلەتەتىن جاڭا ادىستەمە جاسالدى. بۇل تۋرالى بۇگىن ەلورداداعى №80 مەكتەپ-گيمنازيادا وتكەن العاشقى قوڭىراۋ اياسىندا ب ا ق وكىلدەرىنە سۇحبات بەرگەن ەلىمىزدىڭ ءبىلىم جانە عىلىم ءمينيسترى ەرلان ساعادييەۆ ايتتى، دەپ قازاقپارات حابارلايدى.

«بارلىقتارىڭىز بىلەسىزدەر، قازىرگى ۋاقىتتا جاعدايىمىز جامان ەمەس. قازاق بالالارىنىڭ 90 پايىزى قازاق تىلىندە ءبىلىم الىپ جاتىر. ماسەلەن، مەن وقىعان ۋاقىتتا الماتى قالاسىندا 65 مەكتەپتىڭ بىرەۋى عانا قازاق تىلىندە بولاتىن. ءقازىر قازاق بالالارىنىڭ 90 پايىزى انا تىلىندە ءبىلىم الۋدا. دەمەك شۋلاساقتا، شۋلاماساقتا ۋاقىتتىڭ ءوزى كەلەدى»، - دەدى ول.

وسى رەتتە ەرلان ساعادييەۆ ءبىلىم جانە عىلىم مينيسترلىگى ايرىقشا نازار اۋداراتىنى ورىس مەكتەپتەرىندە ءبىلىم الىپ جاتقان 500 مىڭعا جۋىق بالانى قازاق تىلىنە ۇيرەتۋ ەكەندىگىن باسا ايتتى.

«ولار 11 جىل وقىسا دا قازاق تىلىندە سويلەمەيدى، ادىستەمە ناشار. ءبىز ونى ءتۇسىنىپ وتىرمىز. جاڭا ادىستەمە دايىن. ىلكى جوبا رەتىندە مىڭنان استام مەكتەپكە ەنگىزگەلى وتىر. ول كوممۋنيكاتيۆتىك تەحنولوگيا، سوزدىك قورى مينيمۋم بولىپ جاسالعان. ىلكى جوبا ءوز ناتيجەسىن بەرەتىن بولسا، كەلەسى جىلى مەكتەپتەرگە ەنگىزەتىن بولامىز»، - دەدى مينيستر.

---