InfoHub Logo

اتىراۋ وبلىسى، جىلىوي اۋدانى، قۇلسارى قالاسى
جىلىوي مۇناي جانە گاز تەحنولوگيالىق كوللەدجىنىڭ  
II-كۋرس ستۋدەنتى: الۋانوۆ اسىلحان تولەگەن ۇلى
جەتەكشىسى: ۋمبەتوۆا باگداگۋل ويانوۆنا

سەنەن ارتىق قاسيەت جوق-تى، جەر، تەگi،

سەن ۇرپاقتىڭ كۇلiپ اتار ەرتەڭi،

تاعدىرىڭدى تاپسىر ماعان، تۋعان جەر،

كوركەيتۋگە مiندەتتiمiن مەن سەنi – دەپ بەلگىلى اقىن ءابۋ سارسەنبايەۆ جىرلاعانداي مەن دە تۋعان جەرىمدى كوركەيتۋگە ءوز ۇلەسىمدى قوسسام دەيمىن...

 «وتانىم» دەگەن جاس جۇرەگىمنەن شىققان اسىل ءسوزدى ماقتانىشپەن، اسقاقتىقپەن ايتا الامىن. اتا-بابامىزدىڭ ازاتتىق جولىنداعى ەرەن ەرلىگىنىڭ ارقاسىندا وسىناۋ ارمان ەتكەن زامانعا تەر توگە، كوپ كۇش جۇمساي جەتكەن ەلىمدى ماقتانىش ەتەمىن. تالاي جىلعى ۇلى ءدۇبىر، دۇربەلەڭنەن كەيىن جارقىن بولاشاقتىڭ تاڭى اتىپ، ەركىندىك پەن تەڭدىك ەسىگىن ايقارا اشتى. ەلىمىزدىڭ كۇنى وڭىنان تۋىپ، جارىق جۇلدىزدار شوعىرى ۇلتتىق نامىس پەن ارىمىزدى تۋداي جەلبىرەتتى. ارينە، بۇل كۇن وڭايلىقپەن كەلمەگەنى بەلگىلى. ەلىمىزدىڭ ارىستارى تالاي جىلدار باسىن تاۋ مەن تاسقا ۇرىپ، تار جول تايعاق كەشە ءجۇرىپ، ەلىمىزدىڭ بولاشاعى، كەلەر ۇرپاقتىڭ باقىتتى عۇمىرى ءۇشىن ايانباي كۇرەسىپ تاباندىلىق پەن اسقان قايسارلىق، شىدامدىلىق پەن بەرىكتىك تانىتتى. بارلىق سانالى عۇمىرىن ۇلت مۇددەسىنە ارناعان بەس ارىس، ۇلى وتان سوعىسىندا ەلىم دەپ جانىن پيدا ەتكەن قايتپاس قىران الاش ازاماتتارى، جۇرەكتەرى وتتاي جالىنداعان جەلتوقسان قاھارماندارى... ايتا بەرسە جالعاسا بەرەر ەلىنىڭ اسىل ۇلاندارى، اسقاق رۋحتى ازاماتتارىنىڭ ەرەن ەرلىگىنىڭ ارقاسى دەپ بىلەمىن. ەلىمىزدىڭ كوگىندە تاۋەلسىزدىك تۋى جەلبىرەگەننەن بەرى وشكەنىمىز جاندى، ولگەنىمىز قايتا ءتىرىلدى، اتا-بابا ءداستۇرى كوش تۇزەدى، حالقىمىز ەڭسەسىن تىكتەپ جارقىن بولاشاققا قول سوزدى. سودان بەرى اتقان وقتاي زۋلاپ، تابانداتقان 25 جىل ءوتتى. قازاقستاننىڭ جيىرما بەس جىلدىق عۇمىرىنا كوز سالساق، اۋىز تولتىرا ايتارلىقتاي، كوكىرەگىڭدى ماقتانىش سەزىمى كەرنەپ ەسكە الارلىقتاي جەتكەن جەتىستىكتەرى، اسقان اسۋلارى مەن باعىندىرعان جاڭا بەلەستەرى بار. بۇگىنگى قازاقستان استاناسىن باس قالا ەتىپ، دامىعان مادەنيەت پەن ەكونوميكانىڭ، ءبىلىم مەن عىلىمنىڭ ورتالىعىنا اينالدىرا، ەلىنىڭ تۇراقتىلىعى مەن بىرلىگىن ساقتاپ، دۇنيە جۇزىنە تانىتۋعا كۇش سالۋدا. بۇعان مەملەكەتىمىزدىڭ بىرىككەن ۇلتتار ۇيىمىنا، ەۋروپاداعى قاۋىپسىزدىك پەن ىنتىماقتاستىق ۇيىمى سياقتى حالىقارالىق قاۋىمداستىقتارعا مۇشە بولىپ دۇنيە ءجۇزى ەلدەرىمەن تىعىز بايلانىس ورناتۋى جانە وسى جولدا اتقارىپ جاتقان قىرۋار ىستەرى دالەل بولا الادى. كەمەڭگەر ەلباسىمىزدىڭ «قازاقستان – 2030» باعدارلاماسى ءوز باعىتىمەن جۇزەگە اسسا، كەلەشەكتە قازاقستان مەملەكەتى دۇنيە جۇزىندەگى ءىرى مەملەكەتتەر قاتارىنا قوسىلادى دەگەن سەنىمدەمىن. «وتان - وتتان دا ىستىق» دەگەن دانا حالقىمىز، ادام بالاسىنىڭ جۇرەگىندە ەڭ ءبىرىنشى، اق ءسۇت بەرگەن تۋعان اناسىنا دەگەن سەزىم ورىن السا، ەكىنشى، وتانعا دەگەن جالىندى، ىستىق سەزىم ورىن الادى ەكەن.

قازiر ادامدار تiرلiكتiڭ قامىمەن، بالالارىنىڭ بولاشاعى ءۇشىن ءوقۋ-بىلىم ىزدەپ، مەكتەبى بار جەرلەرگە قونىستاندى. سول ءۇشىن دە تۋعان جەرىنەن شالعايعا كەتۋگە ءماجبۇر بولدى. سويتسە دە، ولاردىڭ  قاي-قايسىسى بولماسىن، “تۋعان جەرiم نە بولدى ەكەن؟” دەپ، الاڭداپ، اتا-بابا مەكەنiن اڭساپ، ساعىنۋمەن جۇرگەنى وتىرىك ەمەس. ءدام بۇيىرىپ جاتسا، جۇرەگiن قولىنا ۇستاپ، تۋعان جەرىنە الىپ-ۇشىپ جەتەرى ءسوزسىز...

ويتكەنى، ولار  كەڭ دالانىڭ اۋاسىن، سارقىراعان سۋلارىن ساعىنادى. قىس وتە، جايدارى كوكتەممەن كەلگەن جۇپار اۋاسىن، بۋسانعان جەر يiسiن، كوگالىن ساعىنادى. اسىق اتىپ، بالىق اۋلاعان، توپىراعىنا اۋناپ، كۇن كوزىنە قاقتالعان، اسىر سالىپ ويناعان، بىرگە جۇرگەن دوستارىن ساعىنادى. جالپى، تۋعان جەرگە دەگەن ادام بالاسىنىڭ ساعىنىشى شەكسiز، اتامەكەنىن اڭسامايتىن ادام بۇل ءومiردە جوق شىعار! اڭساماسا، ساعىنباسا «تۋعان جەرىم-بايتاق ەلىم» دەمەس ەدى، انگە سالىپ، جىرعا قوسپاس ەدى.

مەن ءوز وتانىمدى، تۋعان جەرىمدى، قۇدىرەتتى ەلىمدى سۇيەمىن جانە ماقتان ەتەمىن. ءوز ەلىمنىڭ دامۋىنا تەڭىزگە تامعان تامشىداي بولسا دا ۇلەسىمدى قوسامىن دەپ ويلايمىن. بارشا قازاقستاندىقتاردى ەلىمنىڭ مەرەيلى مەرەيتويىمەن قۇتتىقتاي وتىرىپ، اشىق اسپان كوگىندە قالىقتاعان قىرانداي ەركىندىك پەن دامۋ، اسقان باقىت جانە شەكسىز قۋانىش، بيىك بەلەس پەن شىعار شىڭ تىلەيمىن.

---