قۇنى 15 ميلليون اقش دوللارىن قۇرايتىن كۆانتتىق كومپيۋتەر ساتىلىمعا شىقتى
كانادالىق D-Wave كومپانياسى – كوممەرسيالىق قولجەتىمدى كۆانتتىق كومپيۋتەرلەرىن شىعارۋ سالاسىن العاش قولعا العان كومپانيا. كۆانتتىق كومپيۋتەرلەردىڭ العاشقى ۇلگىسى 2007 جىلى شىققان. ول – 16 كۋبيتتى جانە 28 كۋبيتتى Orion كومپيۋتەرى ەدى. 2011 جىلدىڭ مامىر ايىندا 128 ءبيتتى ءچيپى بار D-Wave One، مۇنان سوڭ 512 كۋبيتتى ءچيپى بار D-Wave Two ۇلگىلەرى ساتىلىمعا شىقتى. D-Wave كومپانياسى كۆانتتىق كومپيۋتەر ءوندىرىسىن مۇنىمەن توقتاتپاق ەمەس ەدى. اراعا ۋاقىت سالا قۇنى 15 000 000 اقش دوللارىن قۇرايتىن پروسەسسورى 2 000 كۋبيتتى D-Wave 2000Q كومپيۋتەرى ساتىلىمعا شىعارىلدى.
«مۇنداي كومپيۋتەردىڭ قاجەتى نە؟» نەمەسە «كۆانتتىق كومپيۋتەر سۇرانىسقا يە بولا المايدى» دەپ ويلاساڭىز، قاتەلەسكەنىڭىز. كومپيۋتەردىڭ جاڭا ۇلگىسىن يەمدەنگىسى كەلگەن ساتىپ الۋشىلار كەزەككە تۇرۋدا. ارينە، كوپتەگەن بەدەلدى عالىمداردىڭ پىكىرىنشە، مۇنشالىق قىمبات تەحنيكانى ساتىپ الۋ – اقىلعا قونىمسىز. دەي تۇرعانمەن، جاڭا كومپيۋتەردى العاش يەلەنۋشى كومپيۋتەرلىك قاۋىپسىزدىكپەن اينالىساتىن Temporal Defence Systems كومپانياسى بولماق. كۆانتتىق كومپيۋتەرلەردىڭ قاۋىپسىزدىك بويىنشا ماماندارعا ۇشىراساتىن كەشەندى ماسەلەلەردى شۇعىل تۇردە شەشۋگە مۇمكىندىك بەرەتىنىنە كومپانيا باسشىلىعىنىڭ سەنىمى زور. سونىمەن قاتار وزگە عالامشارلاردى زەرتتەۋگە ارنالعان روۆەرلەردى جاساپ شىعاراتىن عالىمدار دا كۆانتتىق كومپيۋتەرگە قىزىعۋشىلىق تانىتقان.
كۆانتتىق كومپيۋتەر مەن ءبىزدىڭ قولدانىسىمىزداعى ءداستۇرلى كومپيۋتەرلەردىڭ ايىرماشىلىعىن سالىستىرۋ – وڭايدىڭ ءىسى ەمەس. ەسەپتەۋ تۇرعىسىنان العاندا كۆانتتىق كومپيۋتەردىڭ باسىمدىعى مول بولعانىمەن، ۇتىلاتىن تۇستارى دا جوق ەمەس D-Wave 2000Q وندىرۋشىلەرى كومپيۋتەردىڭ جاڭا ۇلگىسىنىڭ ماشينالىق وقىتۋداعى ارتىقشىلىقتارى مول ەكەندىگىن العا تارتادى. دەسە دە كۆانتتىق كومپيۋتەردە جۇمىس ىستەۋ ءۇشىن، باعدارلامالىق جاساقتامانى تولىقتاي بەيىمدەۋ كەرەك. ال ول مامانداردان ءبىراز ۋاقىت پەن كۇشتى تالاپ ەتەدى. نە دە بولسا، D-Wave كومپانياسى جاڭا ۇلگىلەردى ويلاپ تابۋ جۇمىستارىن توقتاتپاق ەمەس. سوندىقتان الداعى كۇندەرى كۆانتتىق كومپيۋتەردىڭ اناعۇرلىم كۇشتىرەك ۇلگىلەرىمەن تانىساتىنىمىز انىق. ال قۇنى اسپانداپ تۇرعان كۆانتتىق تەحنيكانىڭ بىزگە قاجەتى بار ما؟ ءسىزدىڭ پىكىرىڭىز قانداي؟
You Might Also Like
-
قاراتوبە مەكتەپ-گيمنازياسى 2-سىنىپ وقۋشىسى: سالەنوۆ الىشەر نۇرداۋلەت ۇلى جەتەكشىسى: كەتەبەكوۆا كوركەم ۋرىنكابىلوۆنا
-
قازاقستاندا بالاباقشالارعا ارنالعان جاڭا سانيتارلىق نورمالار مەن ەرەجەلەر ەنگىزىلەدى. بۇگىن ماجىلىستەگى ۇكىمەت ساعاتىندا ق ر ءبىلىم جانە عىلىم ءمينيسترى ەرلان ساعادييەۆ وسىلاي ءمالىم ەتتى.
