قازاق پەن قالماقتىڭ كۇيى
قازاق پەن قالماق اراسىنداعى جاۋگەرشىلىگى كوپ زاماندا ەكى ەلدى ەگەستىرگەن ماسەلەنىڭ ءتۇيىنى ۇدايى نايزانىڭ ۇشىمەن، قىلىشتىڭ جۇزىمەن عانا شەشىلىپ وتىرماعان. نايزادان ءوتىمدى سوزگە توقتاعان، قىلىشتان وتكىر ءۋاجدى تىڭداعان كەز دە از بولماسا كەرەك.
بىردە ەكى جاقتىڭ اسكەرى سەڭدەي سىرەسىپ، مۇزداي قارۋلانىپ كەلىپ، ۇلكەن ءبىر قانتوگىس شايقاس باستالعانداي ەكەن. سوندا ەلدىڭ قامىن ويلاپ بەلى بۇگىلگەن ءبىر قارت تۇرىپ: «ۋا، اعايىن! اراداعى تۇيىن-تۇيتكىلدى قان توكپەي شەشەيىك!» دەپ ءسوز باستايدى.
سول كەزدە تىرەسىپ كەلگەن ەكى ەل اسكەرىنىڭ ىشىندە بىرىنەن-بىرى اسقان داۋلەسكەر قوس كۇيشى بار ەكەن. سول ەكى كۇيشىنى كۇي سايىسىنا ءتۇسىرىپ، قاي جاعى جەڭسە، سول جاعىنىڭ تالابىن ورىنداۋعا ۋادە ەتىسەدى.
سوندا قامالداي قاۋمالاعان قالىڭ اسكەردىڭ ورتاسىنا اق كيىز جايىلىپ، ۇستىنە قوس كۇيشى شىعارىلادى. العاشقى كەزەكتى قازاق كۇيشىسى الىپ تارتقان ەكەن.
ەكىنشى كەزەك قالماق كۇيشىسىنە تيەدى.
كۇي بىتكەندە ەكى جاقتىڭ تۇنەرىپ تۇرعان اسكەرى سوعىسپاق نيەتتەرىن ۇمىتىپ كەتكەن ەكەن دەيدى.
You Might Also Like
-
قۇر ويناق كۇيىنىڭ تارالۋى تۋرالى كاريالار ەكى ءتۇرلى اڭگىمە ايتادى. قايسىسى راس، قايسىسى وتىرىك، ول بەيمالىم. ءبىراق ەكى اڭگىمەدە «قۇر» دەگەن ويىنشىل قۇس تۋرالى. ءبىرىنشى اڭگىمە: قۇر دەگەن...
-
ەرتەدە بىرەۋدىڭ قۇلا تۇلپارى بولىپتى. سول تۇلپاردىڭ تۇقىمىن كوبەيتەمىن دەپ، تۇلپاردىڭ قاسىنا بيە قوسىپ، ەكەۋىن تەڭىزدىڭ ورتاسىنداعى ادام جۇرمەيتىن ارالعا اپارىپ تاستاپتى. تۇلپار قاسقىرعا دا، ادامعا...
