InfoHub Logo

قازاق پوەزياسىنىڭ جۇلدىزى يسا بايزاقوۆتىڭ «قۇرالاي سۇلۋ» اتتى پوەماسى بار. بۇل پوەمادا قۇرالاي سۇلۋدىڭ قايعىلى دا قاسىرەتتى تاعدىرى سۋرەتتەلەدى.

قۇرالايدىڭ سۇيگەنىنە قوسىلعان، جاۋدان قاشىپ قۇتىلعان، مۇراتىنا جەتكەن شاقتا اجال تىرناعىنا ءىلىنۋى كەز كەلگەن ادامدى بەي-جاي قالدىرا المايدى. سول قۇرالاي سۇلۋدىڭ بەيىتى جامبىل وبلىسى مويىنقۇم اۋدانى قامقالى سەلوسىنىڭ جانىندا ورنالاسقان. ءقازىر قۇلاپ، ءبىر بوساعاسى عانا قالعان.

قۇرالاي سۇلۋ — قالماق حانىنىڭ قىزى. شەشەسى قازاق بولىپتى. تۇتقىنعا تۇسكەن قازاقتىڭ كەلدەن باتىرىنا عاشىق بولىپ، ەكەۋى قاشىپ شىعادى. قۋعىنشىلاردان قۇتىلىپ، بىرنەشە كۇن جول جۇرەدى. اقىرى، بەتپاقتىڭ شولىنە كەلەدى. جاعاسى تولعان قامىس، قۇراق كولگە ءتۇسىپ دەم الماقشى بولادى. كولدەن اتتاردى جايعاپ جۇرگەندە، قۇرالايدىڭ اششى داۋسى شىعادى. جۇگىرىپ كەلگەن باتىر جولبارىس شاپقان قىزدىڭ ۇستىنەن تۇسەدى. جولبارىستى قانجارمەن ءبىر-اق جايراتقان ول قۇرالايدىڭ ءولى دەنەسىن قۇشاقتاپ زار ەڭىرەپ جىلايدى. قانجارىمەن كور قازىپ، سۇيەگىن كومەدى. ەلىنەن كىسى اكەلىپ، سول كول جاعاسىنان بەيىت تۇرعىزادى. سول جەر قاسيەتتى ورىنعا اينالعان. قازىرگى كەزدە كول قۇرعاپ، سۋالعان. حالىق قۇرالاي سۇلۋ بەيىتىن ءالى كۇنگە دەيىن ارداقتاپ، قۇرمەتتەپ كەلەدى.

وقۋعا كەڭەس بەرەمىز:

قۇرالاي سۇلۋ

---