قۇماي ۇياسى
ساۋىر مەن سايحان تاۋلارىن قاق جارىپ اعىپ جاتقان وزەننىڭ بويىندا قۇز جارتاس بار. مۇندا الىپ قۇس ۇياسىنىڭ ورنى جاتىر. ابدەن سارعايىپ، كونەرىپ كەتكەن ۇلكەن اعاش بۇتاقتارىنان جانە ءشوپ قالدىقتارىنان جيىلعان ۇيانى حالىق «قۇماي ۇياسى» دەپ اتايدى. «ۇيا وسىنداي ۇلكەن بولعاندا، قۇمايدىڭ ءوزى قانداي بولدى ەكەن؟!» دەپ جۇرت تاڭ قالادى ەكەن. ەل اراسىندا وسى ۇيا تۋرالى مىناداي اڭىز بار كورىنەدى.
ەرتە زاماندا مالاي دەگەن قويشى بولىپتى. ءبىر كۇنى ونى قۇماي دەگەن الىپ قۇس كوتەرىپ، قالىڭ كۇز جارتاستىڭ ىشىندەگى بالاپانىنا اكەلىپ تاستاپتى. ەندى مالاي بالاپانمەن بىرگە قۇس اكەلىپ بەرگەن اڭ، مال ەتىن جەپ، كۇن كورەدى. شىڭىراۋدان قالاي شىعۋدىڭ امالىن ويلاستىرا باستايدى. اڭ مەن مالدىڭ تارامىسىن ەسىپ ارقان جاسايدى.
كۇز كەلىپ، بالاپان ءوسىپ، ەر جەتەدى. ءبىر كۇنى مالاي قۇستىڭ ەكى اياعىنا ارقاندى بايلايدى. ءوزى سول ارقانعا اسىلىپ جاتادى. ءبىرازدان سوڭ ەنەسى كەلىپ، بالاپانىن ەرتىپ جوعارى كوتەرىلەدى. ارقانعا بەلىنەن اسىلىپ جاتقان مالاي دا بىرعە ۇشادى. ەكى قۇماي قاتار ۇشىپ، سايحان تاۋىنىڭ باسىنا قونادى. مالاي بولسا قۇستىڭ اياعىنداعى ارقاندى شەشىپ قالا بەرەدى. قۇمايلار ۇشىپ كەتەدى.
وسىلاي ءبىر جاز جوعالىپ كەتكەن مالاي ەلىنە ورالادى. ونى كورگەن جۇرت تاپقىرلىعىنا ريزا بولادى. «مالاي، تاسقا ءتۇسۋىڭ قالاي؟» دەگەن ماتەل وسىدان قالعان ەكەن.
You Might Also Like
-
ءال-فارابي اتىنداعى قازاق ۇلتتىق ۋنيۆەرسيتەتىنىڭ “گەوگرافيا جانە تابيعاتتى پايدالانۋ” فاكۋلتەتىنىڭ وقىتۋشىسى ورازبايەۆا نازگۇل كەڭەس قىزى
-
«قورقىت اتا كىتابى» (ەجەلگى تۇركى تىلىندە — «كيتاب-ي دادەم كوركۋت عالي ليسان تايفا وعۋزان») — وعىز-قىپشاق ءداۋىرىنىڭ جازبا مۇراسى. كىتاپتىڭ عىلىمدا ون ەكى نۇسقاسى...
