ەمتيحانعا دايىندىق: اتا-انالارعا كەڭەستەر
1. بالاڭىزدىڭ ەمتيحاندا الاتىن بالل سانىنا اسا الاڭداماڭىز، جانە ەمتيحاننان كەيىن بالاعا سىن تاقپاڭىز. بالاعا بالل سانى ونىڭ مۇمكىندىكتەرىنىڭ ەڭ جەتىلگەن ولشەمى ەمەس ەكەندىگى تۋرالى پىكىر ۇيالاتۋعا تىرىسىڭىز.
2. ەمتيحان الدىندا بالانىڭ الاڭداۋشىلىعىن كۇشەيتپەڭىز – بۇل تەستىلەۋ ناتيجەسىنە كەرى اسەر ەتۋى مۇمكىن. اتا-انانىڭ تولعانىسى ۇنەمى بالاعا بەرىلەدى، سوندىقتان ءدال سىن ساعاتتا اتا-انالار وزدەرىنىڭ ەموسيالارىنا ەرىك بەرمەي، قولدا ۇستاسا، بالا ءوزىنىڭ جاس ەرەكشەلىكتەرىنە بايلانىستى ءوزىن ۇستاي الماي قالۋى ىقتيمال.
3. بالانى جىگەرلەندىرىپ وتىرىڭىز، ءبىر نارسەنى جاقسى ىستەسە ول ءۇشىن مىندەتتى تۇردە ماقتاپ وتىرىڭىز.
4. ولاردىڭ وزىنە دەگەن سەنىمىن ارتتىرۋعا كومەكتەسىڭىز، ويتكەنى بالا ساتسىزدىكتەن قورىققان سايىن، ونىڭ قاتە جىبەرۋ ءقاۋپى ارتا بەرەدى.
5. بالانىڭ دەنساۋلىعىن باقىلاپ ءجۇرىڭىز. بالانىڭ شارشاۋىنا بايلانىستى جاعدايىنىڭ ناشارلاعاندىعىن ۋاقتىلى بايقاپ، ونى بولدىرماۋ سىزدەن باسقانىڭ قولىنان كەلمەيدى.
6. بالانىڭ دايىندالۋ رەجىمىن باقىلاڭىز، ءوزىن اسىرا جۇكتەپ جىبەرۋىنە جول بەرمەڭىز، دايىندىعىن مىندەتتى تۇردە دەمالىسپەن كەزەكتەستىرۋ قاجەتتىگىن ءتۇسىندىرىڭىز.
7. ۇيدە دايىندالۋعا ارنالعان جايلى ورىن ءبولىپ بەرىڭىز. ءۇي ىشىندەگىلەر وعان كەدەرگى جاساماۋىنا كوڭىل اۋدارىڭىز.
8. بالانىڭ نە جەپ جۇرگەنىنە كوڭىل ءبولىڭىز: قارقىندى وي جۇكتەمەلەرى كەزىندە وعان ءنارلى جانە ءارتۇرلى تاماق، دارۋمەندەردىڭ بالانسقا كەلتىرىلگەن كەشەنى قاجەت. بالىق، ىرىمشىك، جاڭعاق، كەپتىرىلگەن ورىك سياقتى تاعامدار ميدىڭ جۇمىسىن كۇشەيتەدى.
9. بالاعا دايىندىق تاقىرىپتارىن كۇندەرگە بولۋگە كومەكتەسىڭىز.
10. بالانى ەمتيحانعا دايىندالۋ ادىستەمەسىمەن تانىستىرىڭىز. بارلىق ماتەريالدى تۇگەلىمەن جاتتاۋدىڭ ەش قاجەتتىگى جوق، ماتەريالدىڭ نەگىزگى تۇستارىن شولىپ، ونىڭ ءمانى مەن لوگيكاسىن ۇعىپ السا جەتكىلىكتى. وقىلىپ جاتقان ماتەريالداردى جوسپار بويىنشا رەتتەي وتىرىپ، سىزبالىق كوشىرمەلەر مەن كەستەلەر جاساپ العان وتە پايدالى. ەگەر بالا بىلمەسە، ونى ءىس جۇزىندە قالاي ىستەۋگە بولاتىندىعىن كورسەتىڭىز. نەگىزگى فورمۋلالار مەن انىقتامالاردى پاراقتارعا جازىپ الىپ، جازۋ ۇستەلىنىڭ، كەرەۋەتىنىڭ ۇستىنە، اسحاناعا، ت.ب. جەرلەرگە ءىلىپ قويۋعا بولادى.
11. ءپان بويىنشا تەستىلىك تاپسىرمالاردىڭ ءارتۇرلى نۇسقالارىن دايىنداپ قويىڭىز. بالانى تەستىلەۋگە دايىنداۋدىڭ ءمانى زور، ويتكەنى ونىڭ ادەتتەگى جازبا جانە اۋىزشا ەمتيحانداردان ايىرماشىلىعى كوپ.
12. بالانى تەستىلىك تاپسىرمالار بويىنشا دايىندىق كەزىندە الدىن-الا ۋاقىت ماسەلەسىن ەستەن شىعارماۋعا، ونى ءتيىمدى جۇمساي بىلۋگە ۇيرەتىڭىز. سوندا بالا دا تەستىلەۋدىڭ بۇكىل ۋاقىتىندا ءوزىن جۇمىسقا جۇمىلدىرۋعا ۇيرەنەدى، بۇل بالاعا سەنىم ۇيالاتىپ، ورىنسىز الاڭداۋشىلىقتى بولدىرماۋعا ىقپال ەتەدى. بالا ساعات تاقپايتىن بولسا، ەمتيحانعا مىندەتتى تۇردە ساعات تاعىپ بارسىن.
13. ەمتيحاننىڭ الدىندا بالانىڭ جاقسىلاپ دەمالۋىن قامتاماسىز ەتىڭىز، ول ابدەن تىنىعىپ، ۇيقىسى قانىپ تۇرۋعا ءتيىس.
قاجەتتى سىلتەمەلەر:
ۇبت-عا جىلدام دايىندالۋ تەحنيكاسى
ۇبت ونلاين جاتتىعۋ(ءتۇرلى نۇسقالارمەن)
You Might Also Like
-
ءار ادام ءومىرىن جايلى ءارى ىڭعايلى ەتكىسى كەلەدى. كەڭ ءۇي، جاڭا اۆتوكولىك، جۇمساق توسەك، جىلدام ىستەيتىن كومپيۋتەر. وركەنيەتتىڭ بۇل يگىلىگىنەن باس تارتۋ اقىماقتىق بولار ەدى.
-
رەسمي قۇجاتتاردا اتى، اكەسىنىڭ اتى، تەگىنىڭ دۇرىس جازىلۋى
