ەرلان ساعادييەۆ سيفرلاندىرۋ جۇيەسىن مەڭگەرمەي جاتقان مەكتەپتەرگە شۇيلىكتى
ق ر ءبىلىم جانە عىلىم ءمينيسترى ەرلان ساعادييەۆ سيفرلىق تەحنولوگيالاردى مەڭگەرە الماي جاتقان مەكتەپتەردى انىقتاۋدى تاپسىردى. مينيستر ءدال وسى ماسەلەدە ديرەكتورلار الدىمەن جاۋاپ بەرەتىنىن ءمالىم ەتتى.
«بىزدە BilimLand جۇيەسىنە بارلىق مەكتەپتەر قوسىلعان. ءار قالا بويىنشا قولىمدا ستاتيستيكا بار دەپ ايتا الامىن. ماسەلەن، پاۆلودار قالاسىنداعى 35ء-شى مەكتەپ قىركۇيەك ايىنىڭ العاشقى كۇندەرى-اق 14 مىڭ لەكسيا جۇكتەپ العان. ال 5ء-شى مەكتەپ لەكسيانى 283 رەت قانا جۇكتەگەن. ايىرماشىلىقتى بايقايسىز با؟ دەمەك، بىرەۋگە بۇل كەرەك، ەكىنشىگە مۇلدە قاجەتى جوق»، - دەيدى مينيستر.
ەرلان ساعادييەۆ ەندىگى كەزەكتە ماماندار «Kundelik» بويىنشا ستاتيستيكانى سالىستىرىپ وتىراتىنىن جەتكىزدى.
«ياعني، بۇدان بىلاي 35ء-شى پەن 5ء-شى مەكتەپتىڭ ۇلگەرىمى قانداي ەكەنىن بىلە الامىز. سيفرلىق ءبىلىم رەسۋرستارى وقۋ ماتەريالدارىنىڭ باستاماسىندا وتە ىڭعايلى ەكەنى انىقتالىپ وتىر. مۇعالىمدەر نەگە وسىنى قولدانبايدى؟ ويتكەنى، بىلمەيدى نەمەسە تۇسىنبەيدى. سەبەبى، ولاردا ۆيدەجوبالار جوق. BilimLand جۇيەسىنە اقشا تولەپ وتىرىپ، قالايشا ونى 280 رەت قانا قولدانۋعا بولادى. ءدال سول ۋاقىتتا، ءدال سول سومانى تولەگەن باسقا مەكتەپ 14 مىڭ رەت قولدانسا... بۇل مۇلدە بىلىكسىز باسقارۋ دەگەندى بىلدىرەدى عوي»، - دەدى مينيستر.
You Might Also Like
-
ق ر ءبىلىم جانە عىلىم ءمينيسترى ەرلان ساعادييەۆ مەكتەپتەگى ءمۇعالىمنىڭ ايلىعى وسكەنىمەن، ديرەكتورلار مەن وقۋ ءىسىنىڭ مەڭگەرۋشىلەرىنىڭ ايلىعىنىڭ وسپەي قالعانىنا قاتىستى ءبىر شەشىم ۇسىندى.
-
قازىرگى ءبىلىم بەرۋ ستاندارتتارى زامانىنا ساي يننوۆاسيالىق باعىتقا قاراي ويىسۋدا. اقپاراتتىق وزگەرىس تەك قانا ءبىلىم سالاسىنا عانا ەمەس، مەملەكەتتىڭ بارلىق باسقارۋ، وقىتۋ، دامىتۋ قۇرىلىمدارىنا ...
