ساعادييەۆ شۆەيساريالىق كاسىپكەرلەرمەن بىرگە «ارىستان» ليسەيىنە باردى
ق ر ءبىلىم جانە عىلىم ءمينيسترى ەرلان ساعادييەۆ پەن «نۇرسۇلتان نازاربايەۆتىڭ ءبىلىم بەرۋ قورى» قوعامدىق قورىنىڭ ديرەكتورى دينارا قۇلىبايەۆا الماتى وبلىسىنداعى «ارىستان» مامانداندىرىلعان ليسەيىن ارالادى، دەپ حابارلادى قازاقپارات.
«ارىستان» مامانداندىرىلعان ليسەيىنە ە.ساعادييەۆ جانە د.قۇلىبايەۆا شۆەيساريالىق كاسىپكەرلەردى الىپ باردى. قوناقتاردى سالتاناتتى تۇردە اسكەري ءداستۇر بويىنشا ليسەي باسشىسى، زاپاستاعى گەنەرال-مايور ءسابيت تاۋلانوۆ قارسى الدى.
مەيماندار ءبىلىم وشاعىنىڭ كۇندەلىكتى ءومىرى، وقۋشىلاردىڭ ساباققا قاتىسۋى مەن شىعارماشىلىق قابىلەتىن باعالادى.
ليسەي «نۇرسۇلتان نازاربايەۆتىڭ ءبىلىم بەرۋ قورى» قوعامدىق قورى نەگىزىندە اشىلعان. ول الماتى وبلىسى تالعار اۋدانى بەسقاينار اۋىلىندا ورنالاسقان. قايىرىمدىلىق نەگىزىندە مۇندا قازاقستاننىڭ بارلىق ايماعىنان كەلگەن 9-11 سىنىپ ارالىعىنداعى 240 ەر بالا وقيدى.
بيىل جىل باسىندا، قاڭتار ايىندا ليسەي ءوزىنىڭ 5 جىلدىعىن اتاپ ءوتتى. ليسەيدىڭ تۇلەكتەرى قازاقستاندىق جانە شەتەلدىك اسكەري وقۋ مەكەمەلەرىندە وقۋلارىن تابىستى جالعاستىرىپ جاتىر.
You Might Also Like
-
ق ر بعم قىسقامەرزىمدى كەلەشەكتە جۇمىسشى ماماندىقتارى بويىنشا دايارلىقتى جىلىنا 40 مىڭنان 80 مىڭعا دەيىن، ياعني 2 ەسە ۇلعايتۋدى جوسپارلاپ وتىر، دەپ جازادى primeminister.kz.
-
ق ر ءبىلىم جانە عىلىم مينيسترلىگى قازاقستاندىقتاردى ارنايى پورتال ارقىلى وقۋلىق ساپاسىن باعالاۋعا بەلسەندى تۇردە قاتىسۋعا شاقىردى.
