ق ر بعم: قازاقستاندىقتار وقۋلىقتاردىڭ ساپاسىن ارنايى پورتال ارقىلى باعالاعاندارى ءجون
ق ر ءبىلىم جانە عىلىم مينيسترلىگى قازاقستاندىقتاردى ارنايى پورتال ارقىلى وقۋلىق ساپاسىن باعالاۋعا بەلسەندى تۇردە قاتىسۋعا شاقىردى.
«وقۋلىق ساپاسىن قوعامدىق باعالاۋ» پورتالى قالىڭ جۇرتشىلىققا جاڭا وقۋلىقتار جونىندە ەسكەرتۋلەر مەن ۇسىنىستار ءبىلدىرۋ مۇمكىندىگىن بەرەدى. ازىرگە پورتالعا مەملەكەتتىك ساراپتامادان ءوتىپ جاتقان 9-سىنىپ وقۋلىقتارى عانا ەنگىزىلدى»، - دەلىنگەن حابارلامادا.
مەكەمەنىڭ باسپا ءسوز قىزمەتىنىڭ حابارلاۋىنشا، پورتال وقۋلىقتاردىڭ مازمۇنى مەن ساپاسىن جاقسارتۋعا، پەداگوگتار مەن اتا-انالاردىڭ پىكىرى مەن ۇسىنىستارىن نازارعا الۋدى قاراستىرادى.
«پورتال بارلىق نيەت بىلدىرۋشىلەرگە قازاقستاندىق وقۋلىقتاردى جەتىلدىرۋ پروسەسىنىڭ بەلسەندى قاتىسۋشىسى بولۋعا مۇمكىندىك بەرەدى. رعپو سايتىندا ورنالاسقان www.okulyk-edu.kz مەكەن-جايىنداعى «وقۋلىق ساپاسىن قوعامدىق باعالاۋ» باننەرىنە ءوتۋ ارقىلى وقۋلىقتاردى قاراۋعا بولادى»، - دەلىنگەن حابارلامادا.
You Might Also Like
-
ق ر ءبىلىم جانە عىلىم ءمينيسترى ەرلان ساعادييەۆ پەن «نۇرسۇلتان نازاربايەۆتىڭ ءبىلىم بەرۋ قورى» قوعامدىق قورىنىڭ ديرەكتورى دينارا قۇلىبايەۆا الماتى وبلىسىنداعى «ارىستان» مامانداندىر...
